ɛMarakus 3:3 - ɛWee ne ìTsɛm iHywas

³ ɛYɛso gha ne yaak ɛnyi gha ne ɛ kɛ baghat iwɔ wo, “Wuru te ˆɛ kyinak ɛyisɛ ɛbɛ.”

ɛMarakus 3:3 ပူးပေါင်းရင်းမြစ်များ

1 ɛBiturus 4:1

Daa ɛli ne ɛKiriti gha kɛ sɔ nggbang ngga ne ibek ge, ne ɛ ma bo ɛn icwas sɛdaa wo te ɛ rop ɛn iku ɛli ne aa sɔ nggbang ngga te ɛbhɛ wo. Nzo gbik ɛnyi gha ne ɛɛ sɔ nggbang ngga ɛ so ɛnyi ne ɛ mbaray ɛfɔt.

iFilibi 1:14

iGanke da ne kɛ gangke me wo kɛ te nigwaa na gbom ndɔ ɛDaray ya hante ne irway nviit, nibhɛ tɔng ibol ɛTaanggbey de wɛlɛng ɛnik.

iGalatiya 6:9

Sɔng njwɛɛn te kpos ne mɔn nikɔn ne yɛnɛng nga nang, daa ɛli ne nten nɛ yaaso ne njwɛɛn sɛ bhɛ pha nikɔn na ne njwɛɛn kɛ tubhus so, wu njwɛɛn kɛ sang te kpos kɔp.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

ɛYohana 9:4

iPhɛ so nggbinggbing njwɛɛn mɔn ɛtomɛ ɛnyi gha ne ɛ kɛ tom me wo ɛlɔ yɛ tɔ igbey, ɛtuk yaaso ne hame ɛnyi yaa tang yɛɛ ne mɔn ɛtomɛ gha.

ɛLuka 6:8

ɛYɛso gha ne seng icwas nibhɛ ba, ne ɛ yaak ɛnyi gha ne iwɔ ɛbhɛ kɛ baghat to, “Yilitsik te ɛ yɛɛs daa ɛyisɛ ɛbɛ.” ɛNyi gha ne yilitsik ɛ phɛ daa ɛyisɛ gha.

ɛMacu 12:10

ɛDɛ ɛnyi gha kaa ne ɛ so ɛnggyɛ wo ne ɛ kɛ baghat iwɔ. Nidɛng niFarisawa kaa ne ma so ɛnggyɛ wo nɛ nibhɛ ku tɔk ɛkɔn na nɛ nibhɛ sɛɛ nibhɛ wum ɛYɛso yegha nɛ. Nibhɛ ne phom ɛbhɛ nibhɛ yɔngɔ, “ɛShara gha kɛ sim-mɛ wu te i te ɛnyi gha ɛken ɛTuk ne iWɛsɛ ghaa?”

ɛMarakus 3:2

Nidɛng niFarisawa na kaa ne ma so ɛnggyɛ wo nɛ nibhɛ kaa ku ten ɛYɛso yegha. Ninyi yɛnaa nggyɛ wo ne sit ɛYɛso yegha ne irwisɛ, nibhɛ wɛɛ hang aa yung te ɛnyi gha ɛken ɛtuk ne wɛsɛ gha yoo.

ɛMarakus 3:4

ɛYɛso gha ne ji phom ninyi yɛnaa nggyɛ wo, ɛ yaak nibhɛ, “ɛShara mon na bo wu te mɔn ɛkɔn ɛyɛnɛng ɛtuk ne iwɛsɛ mon naa hang mɔn ɛkɔn ɛkpɛɛ? Ɛɛ ne bo te phɔt iken ɛnyi dee hang phoo iphɛ?” Ninyi yɛnaa nggyɛ wo ne wum en yak.