ɛMarakus 2:2 - ɛWee ne ìTsɛm iHywas

² iPhɛ ɛlɛy yang, nibhɛ ne ta shii yel-le, duu, nibhɛ bhɛ seng ɛsaa ne ijwee gha ne ɛYɛso gha sonɛ wo hywet ɛli ne hame yaa sɛ ɛlɔ ne phee. ɛYɛso gha ne jii tɔng nibhɛ ibol iyɛnɛng ngge.

ɛMarakus 2:2 ပူးပေါင်းရင်းမြစ်များ

ɛMarakus 2:13

ɛYɛso gha ne ta kyii ɛ phɛ ndɔ ɛmbambang ɛrenes ne iGalili gha dɔng. Ninyi na ne ta kpuruuy duu, nibhɛ bhɛ sɛ ɛbhɛ. Ne ɛ ji ho ne yaa mɛmɛ nibhɛ ne ibol ne igbɔm ɛTaanggbey de.

ɛMarakus 1:45

ɛNyi yeghaa nggyɛ wo ne jung bhɛ sanga ibol lɛ ɛli ne ivebhe ba kɛ tek ɛbhɛ wo. iBol lɛ ne te ɛYɛso yegha yaa roos nilɔ ne gying. Gbik ne iphɛ ɛlɛy ninyi na ne jung les nilɔ na gbarang nibhɛ yɛɛset ɛlɔ ɛYɛso gha.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

iRooma 10:8

ɛWee ne bol ɛTaanggbey yo i bo: “iBol ɛTaanggbey de so cɛcɛk ne igyɛ, iPhɛ so ndɔ ɛnu mo, ne ndɔ ne irway mo dɔng.” iBol lɛdee wo ne so idee ne nang ne itin nɛ ne ibol de ne njwii sanga wo.

ɛTomɛ 16:6

ɛBulus sa nɛ ninyi ɛbhɛ na ne phɛ ne iFirijiya gbik ne iGalatiya, daa ɛli ne iKabyik ɛTaanggbey de kaa ring nibhɛ ne tɔng ibol de ivel ne iSiya.

ɛTomɛ 14:25

Ne sɛ nibhɛ kɛ sanga ibol ɛTaanggbey de ne iFaga nibhɛ ji phɛ ɛgarang ne iTaliya ne ɛ so ne ɛnu ɛling.

ɛTomɛ 11:19

Ninaa ne roos sa kaa ne tes en shwaa ɛlɔ ne nggbang ngga ne kaa yaa baasek nibhɛ ɛtsim mɛ ne kɛ phoo ɛSitivin negha, nibhɛ kaa ne bhɛ hɔn iFinikiya, ne iKuburus gbik ne iNtakiya, nibhɛ ne i sanga ibol ɛTaanggbey de ndɔ niYahodawa zɔng.

ɛTomɛ 8:25

Ne sɛ ɛBiturus sa ne ɛYohana gha kɛ tɔng ninyi na nikɔn na nɛ nibhɛ kɛ yaang ngo, gbik ne ibol ɛDaray de, nibhɛ ne phɛ ne iYɛrushɛlɛm de. Nibhɛ kaa ne roos nigyigyaarang ne iSamariya na gbom nibhɛ sanga ibol iyɛnɛng ngge.

ɛLuka 12:1

Kɛ ne sɛ idira ninyi de kɛ tumɛy gbom, nibhɛ phyii en, ɛYɛso gha ne tsa ɛ boote nɛ ninɔn ne icwam ɛbhɛ na, ɛ yaak nibhɛ, “Wɛɛ ɛn nyini yɛnɛng daa ne iyis niFarisawa de ne iphɛ so iluk ga.

ɛLuka 8:11

“ɛNting ne ibol ne igɔrɔp be ne so ɛlɛ; iHywee de so ibol ɛTaanggbey.

ɛLuka 8:1

ɛTsim mɛ ɛlɛy, ɛYɛso gha ne leesel ndɔ nigarang nga nɛ nigyigyaarang ɛ tɔng ibol iYɛnɛng ne igbɔm ɛTaanggbey de. Ninɔn ne icwam ɛbhɛ ɛnduwubɔ nɛ ninyi ifaa na kaa ne i kungus ɛbhɛ,

ɛMarakus 1:37

Kɛ ne sɛ nibhɛ kɛ bhɛ sɛ ɛbhɛ nang nibhɛ ne yaak ɛbhɛ, “iDira ninyi de kɛ yaa tɔk kɛ.”

ɛMarakus 1:33

Ninaa ɛGarang ngɛnaa nggyɛ wo ne bhɛ tumɛɛy ɛsaa ne ijwee gha ne ɛYɛso gha sonɛ wo, gbarang.

ɛMarakus 1:14

Kɛ ne sɛ ɛli ne ɛgɔm ɛHyiridus sa kɛ wum ɛYohana yegha ɛ cwaal ɛbhɛ ndɔ ne ijwee ne inyang ngo nang ɛYɛso gha ne phɛ ne ivel ne iGalili, ɛ yaa bhɛ tɔng ninyi na ibol iyɛnɛng ɛTaanggbey de.

ɛMacu 5:2

ɛYɛso gha ne tsa ɛ yaa mɛmɛ nibhɛ nɛ, ɛ bok nibhɛ,

ɛLuka 5:17

Kaa ne sɛ ɛdɛ ɛtuk kɛ ne ɛYɛso gha so ne mɛmɛ ninyi na nɛ wo, niFarisawa na nɛ Ninaa ne Kpɛl ɛShara gha ne ma sooset ɛnggyɛ wo, nibhɛ kaa ne les nigarang ne iGalili, ne iYahudiya gbik ne iYɛrushɛlɛm. iTo-ndiinday ɛDaray de kaa ne so ndɔ ɛYɛso gha hyɔrɔ, ne ɛ tes nisha na niken.

ɛMarakus 6:34

Kɛ ne sɛ ɛYɛso gha kɛ bhɛ tuu ɛ kɛ wuru ndɔ ne ikparak ko nang ne ɛ yaang idira ninyi de, ne ɛ yaa san iyɔm nibhɛ daa ɛli nɛ nibhɛ so te ᐩigyol ne hame ihywɛ bok ɛnyi ne hyep. iPhɛ ɛlɛy yang, ne ɛ yaa mɛmɛ nibhɛ nɛ nikɔn na gbom.

ɛMarakus 2:1

Kɛ ne sɛ nituk ka kɛ booy yɛ ncɛt, ɛYɛso gha ne ta bhɛ kyii, ɛ lel ɛgarang ne iKafanahum ma dɔng. Ninyi na ne ta shii seng wu ɛYɛso gha kɛ bhɛ kyii ɛ sonɛ wo dɔng.