ɛMarakus 2:16 - ɛWee ne ìTsɛm iHywas

¹⁶ Nidɛng ninaa ne kpɛl ɛShara na, nɛ nibhɛ kaa ne ta soye niFarisawa, ne yaang ɛli ne ɛYɛso gha re ire de nɛ ninyi yɛnaa nggyɛ wo. Nibhɛ ne phom ninɔn ne icwam ɛYɛso na, nibhɛ yaak nibhɛ, “iKyee iphɛ kɛ te ɛndiinday mon na re ire de nɛ ninaa ne saasel ijam ne ivel la, gbik nɛ ninaa ne ɛfɔt ta i?”

ɛMarakus 2:16 ပူးပေါင်းရင်းမြစ်များ

ɛLuka 19:10

Daa ɛli ne ɛNgɔn ɛNyi gha kɛ yɛɛs te ɛ tɔk ɛkɔn na ne ɛ kɛ birit to ɛ ta phɔt ɛbhɛ.”

ɛLuka 18:11

“ɛFarasii gha ne kyinak tsik, ɛ tɔɔk ito ɛbhɛ, ɛ boote ne ɛTaanggbey ya ɛ yɔngɔ, ‘ɛTaanggbey, N bok irway ihwala ne igyɛ. Sɔng nzo te ɛbyin ninyi na nang. Sɔng nzi ne hyel ɛyi nang; sɔng nzi ne luk ɛnyi nang. Sɔng nzi ne sang hyel cik ndɔ ne ikpii ne tom ɛyɛl nge nang. Sɔng ne nzo te ɛhaa ne saasel ijam ne ivel lɛghaa nggyɛ wo nang!

1 iKɔrɔntos 2:15

ɛNyi gha ne iKabyik ge i hyel ne ɛbhɛ wo, ɛ yɛɛ ne hosop nikɔn na gbik, sɔng ɛnyi i ne yɛɛ ne hosop nikɔn ɛnyi na ne iKabyik ge i hyel ne ɛbhɛ wo nang.

ɛTomɛ 23:9

iPhɛ ɛlɛy, ɛgbaang ne ishisim ne yilitsik ndɔ nibhɛ. Nidɛng ninaa ne kpɛl ɛshara gha nɛ nibhɛ kaa soye niFarisawa na ne yilitsik nibhɛ bol ivaa nibhɛ ivol nibhɛ yɔngɔ, “Sɔng njwii yaang ɛnyi yɛghaa wo kɛ ben nang. Yaa rɔk ɛdɛ ɛmalɛka ɛbhɛ kɛ boote ne ɛbhɛ, hang idɛ ikabyik ɛTaanggbey yɔɔ.”

ɛLuka 19:7

Gbik ninyi na nɛ nibhɛ kɛ yaang ɛlɛ wo, nibhɛ ne yaa wunga ndɔ nibhɛ, nibhɛ bo, “Ɛ kɛ lel ndɔ ne ijwee ɛhaa ne ɛfɔt.”

iBirani 12:3

Yung tas ɛn ne ɛYɛso gha ne ihywee ɛbɔk ge ne ɛ kɛ bo daa ne mbaray da nɛ ninaa ne ɛfɔt ta kɛ mbaray ɛbhɛ wo! iPhɛ ɛlɛy sɔng ne ɛ te ɛn kpos, ɛ tul ɛn irway nang.

ɛMarakus 2:7

nibhɛ bo, “iKyee iphɛ kɛ te ɛnyi yɛghaa wo bol ɛlɛ woo? Ɛ bɛɛs ɛTaanggbey ye! ɛHay ɛbhɛ sɛ hana ɛnyi gha ne ɛfɔt to kang ne ɛTaanggbey yaa?”

ɛMacu 18:17

Wu ɛ kɛ ne ta bhɛ mbaray tang phok nibhɛ, ne ɛ cwi ne ɛbhɛ ɛlɔ ne idira ninaa ne roos, wu ɛ kɛ ne ji ta bhɛ mbaray tang phok idira ninaa ne roos sa, ne ɛ bo ɛn ɛbhɛ te ɛ kɛ teye ɛhaa ɛzay ne ɛhaa ne ɛfɔt.”

ɛMacu 9:11

Ne sɛ niFarisawa na kɛ yaang ɛlɛ wo, nibhɛ ne yaak ninɔn ne icwam ɛYɛso na, “iKyee phɛ kɛ te ɛkyɛɛ ne icwam mon na i re ire de nɛ ninaa ne saasel ijam ne ivel gbik nɛ ninaa ne ɛfɔt taa?”

ɛMacu 5:46

Wu ɛ ne sim ɛn ninyi na nɛ nibhɛ ma sim nyini wo, ɛyakɔn ne ɛ sɛ ne ji pha ɛn ne? Nzo nzi shɛɛ bo ɛlɛy nɛ ninaa ne saasel ijam ne ivel la ma mɔn.

ɛMarakus 2:15

Kɛ ne sɛ kɛ phyɔngɔle, ɛYɛso gha nɛ ninɔn ne icwam ɛbhɛ na ne so ndɔ ne ijwee ɛLawi wo nibhɛ re ire. Nidɛng ninaa ne saasel ijam ne ivel la nɛ nidɛng ninaa ne ɛfɔt ta kaa ne ma so ɛnggyɛ wo, nibhɛ re ire de nɛ niYɛso yena. Nibhɛ kaa roos ɛYɛso yegha.

ɛLuka 5:30

Nidɛng ndɔ niFarisawa na, nɛ nidɛng ndɔ Ninaa ne Kpɛl ɛShara gha ne ɛnu nibhɛ so ɛdaan nɛ, ne yaa bol nɛ ninɔn ne icwam ɛYɛso na ivol mumuk nibhɛ bo, “iKyee iphɛ kɛ te ɛ re ɛn, ɛ sɔ ɛn nɛ ninaa ne saasel ijam ne ivel la, gbik nɛ ninaa ne ɛfɔt taa?”