ɛMarakus 12:2 - ɛWee ne ìTsɛm iHywas

² Kɛ ne sɛ nten de ne yaa bon ikpam ba kɛ tuu nang, ɛnyi yeghaa nggyɛ wo ne tom ɛkpuru ɛbhɛ ɛlɔ ninyi na ne ɛ kɛ tek nibhɛ ne ihwap ba. Ɛ kaa yaak ɛkpuru ɛbhɛ gha wu te ɛbhɛ say ye ihop ne ikpam ɛnap ba.

ɛMarakus 12:2 ပူးပေါင်းရင်းမြစ်များ

iBirani 1:1

Ne ile de ɛTaanggbey ya kaa bol nɛ nikyɛɛ-nikyɛɛ njwɛɛn na ndɔ ne nkpiinɛ da ihywee-ihywee ne nten de kang-ka-kang lenɛ nɛ ninabawa na.

ɛLuka 20:10

Kɛ ne sɛ nten ne bon ikpam ne itson ɛbhɛ ba kɛ tuu, ɛnyi gha ne tom ɛkpuru ɛbhɛ ɛlɔ ninaa ne wɛɛ ɛbhɛ ihwap ba, wu tɛ nibhɛ bhɛ nang ɛbhɛ ikpam ba. Ninaa ne wɛɛ ihwap ba ne bhɛ hal ɛkpuru gha nibhɛ kyii ne ɛbhɛ buu.

ɛLuka 12:48

ɛKpuru gha ne ɛ sang yɛɛ ɛkɔn na ne ɛkyɛɛ ne ijwee ɛbhɛ gha sim mo, ɛ jung ben ɛ mɔn ɛkɔn na ne ɛ so sɛɛ hal ɛbhɛ wo, yaa ne hale ɛbhɛ ncɛt. Gbik ɛnyi gha ne kɛ nang ɛbhɛ nikɔn na gbom, yaa ne ma tɔk nikɔn gbom ɛlɔ ɛbhɛ gha. ɛHaa ne kɛ nang ɛbhɛ gbogbom, yaa ne ma tɔk nikɔn gbogbom ɛlɔ ɛbhɛ gha ne mang.

ɛMacu 21:34

Kɛ ne sɛ nten ne bon ikpam ba kɛ tuu, ɛnyi gha ne tom nikpuru ɛbhɛ ɛlɔ ninaa ne wɛɛ ihwap ba, wu tɛ nibhɛ bhɛ say ɛbhɛ ihop ne ikpam ba.

ɛMarakus 12:1

ɛYɛso gha ne ta mɔng nibhɛ idɛ bol de ndɔ ne igɔrɔp ɛ yaak nibhɛ, wu ɛdɛ ɛnyi gha kaa bok ihwap ɛnap. Ɛ kaa ne gan ifɛ, ɛ tɛm ɛyek ne sɛ pharak ne ikpam ɛnap ba. Ɛ lɔl ɛlɔ ne yaa wara i shɛɛ ta ɛkanang ne ihwap ba. Ne ɛ ji nang nidɛng ninyi na ifɛ wu tɛ nibhɛ wɛɛ en nɛ, ɛ hyel ihwel ɛ phɛ ɛhak ɛgarang.

ɛMarakus 12:3

Ninyi na ne kɛ tek nibhɛ ne ihwap ba ne bhɛ wum ɛkpuru gha nibhɛ hal ɛbhɛ, nibhɛ kyii ne ɛbhɛ ne iwɔ howo.