ɛMarakus 10:52 - ɛWee ne ìTsɛm iHywas

⁵² ɛYɛso gha ne yaak ɛbhɛ, “Hyel, ìnang ne itin mo de kɛ teyɛ ɛken.” iRwisɛ ɛwil ba ne shii phaal le ɛ yaa wɛɛ. Ne ɛ ji bo nikɔn ɛ yaa roos ɛYɛso yegha.

ɛMarakus 10:52 ပူးပေါင်းရင်းမြစ်များ

ɛMacu 9:22

ɛYɛso gha ne hyereey, ne ɛ yaang ɛkuk ka ne ɛ yaak ɛbhɛ, “ɛLap, sɔng ɛ sap nang, ìnang ne itin mo de kɛ phɔt tɛ.” Nɛ ne nten nɛ ɛkuk ka ne shii te ɛken.

ɛLuka 7:50

ɛYɛso gha ne yaak ɛkuk ka, “ìNang ne iTin mo de kɛ phɔt tɛ, cwi me ncaang.”

ɛMarakus 8:25

ɛYɛso gha ne ta kyii dad irwisɛ ɛnyi ba dɔng, ifɛ ne te ikpɛn. ɛNyi gha ne phaal ifɛ nkpɔɔng ɛ yaa wɛɛ nikɔn na ywɛywɛy.

ɛMarakus 5:34

ɛYɛso gha ne yaak ɛbhɛ, “ɛLap, ìnang ne itin mo de kɛ teyɛ ɛken, njwii me ncaang, te ishwa mo de tek kɛ.”

ɛYohana 9:32

Ne le tum ɛzay yo, sɔng ɛnyi kɛ ne ku phok wu ɛdɛ ɛnyi gha kɛ phaal irwisɛ ɛwil nang.

ɛMacu 15:28

ɛYɛso gha ne kyii ɛkuk ka nɛ, ɛ yaak ɛbhɛ, “ɛKuk, ɛ bok ìnang ne itin gbom! ɛKɔn na ne ɛ sim mo, yaa mɔn nɛ nɛ.” ɛLap ɛkuk ka ne shii te ɛken nɛ ne nten nɛ.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

ɛMarakus 1:31

ɛYɛso gha ne phɛ ɛlɔ gha ne ɛkuk ka kɛ laal lɛ wo, ɛ wum ɛbhɛ iwɔ ɛ phyik ɛbhɛ ne yilitsik. Nɛ nten nɛ ndɔm ba ne shii tek ɛbhɛ ɛ mɔn nibhɛ ire.

ɛMacu 21:14

Ninaa niwil la, nɛ nilɔɔm ne yɛɛs ɛlɔ ɛYɛso gha ndɔ ne iDeng ngge, ne ɛ tes nibhɛ niken.

ɛMacu 12:22

Kaa ne yɛɛs ɛYɛso yegha ne ɛdɛ ɛnyi gha ne ikabyik ibebhe so ndɔ ɛbhɛ ne iphɛ kɛ te ɛnyi gha ɛ yɛk iwil, ɛ ta te nkpɔy. ɛYɛso gha ne te ɛnyi gha ɛken, ɛnyi gha ne yaa wɛɛ, ɛ ta yaa bol.

ɛYohana 9:39

ɛYɛso gha ne yɔngɔ, “Nggɛ yɛɛs ndɔ ɛzay yeghaa wo te n bol ɛshara, tɛ niwil la yaa wɛɛ, ninaa nɛ nibhɛ wɛɛ wo ne ji tes se niwil.”

ɛMacu 11:5

Ɛ kɛ yaang ɛ ɛli nɛ niwil la kɛ yaa wɛɛ, nigyamil la kɛ yaa hyel tsik, nikparong nga kɛ tes wɛwɛy, nirwan na kɛ yaa tenes ivol, ikpom ba ta semese, ne ta tɔng nihala na iBol iYɛnɛng ngge.

ɛLuka 9:48

Ne ɛ ji yaak nibhɛ, “ɛHiha ne ɛ kɛ say ɛnyinyɔn neghaa lenɛ ne irywɛɛk nge wo, mee ne ɛ kɛ say. ɛHiha ne ɛ kɛ ne say me wo, ɛ kɛ ne ma say ɛnyi gha ne ɛ kɛ tom me. ɛNyi gha ne ɛ kɛ taasek ɛ shɛs ndɔ mon no, ɛbhɛ ne ɛ phyin nyini ne igbom be.”

ɛMacu 8:3

ɛYɛso gha ne dat ɛnyi gha ne iwɔ ne ɛ ji yaak ɛbhɛ, “Nggɛ sim, te ivebhe da tek kɛ.” Nɛ nten nɛ, ɛnyi gha ne te ɛken, ikparong ngga ne tek ɛbhɛ.