ɛMarakus 10:2 - ɛWee ne ìTsɛm iHywas

² Nidɛng niFarisawa na ne tuu, nibhɛ ne yaa ten ɛYɛso yegha nibhɛ bok ɛbhɛ, “ɛShara gha kɛ sim njwii nɛ wu te ɛnyi gha hosobhe ne ɛkuk ɛbhɛ ghaa?”

ɛMarakus 10:2 ပူးပေါင်းရင်းမြစ်များ

ɛYohana 8:6

Nibhɛ kaa boote ɛlɛ wo nibhɛ ten ɛbhɛ, tɛ nibhɛ ne ji sɛ ɛkɔn na nɛ yaa wum ɛbhɛ nɛ. ɛYɛso gha ne see ito ɛ ho ne haa nikɔn ne ivel ne ikɛn ne iwɔ ɛbhɛ.

ɛMacu 23:13

“ɛKɔn ne ɛnik nyinɛn ninaa ne kpɛl ɛShara gha nɛ niFarisawa na! Ɛ so ɛn niluk! Ɛ kɛ cwaal ɛn ninyi na ɛnu ne izuk ne igbɔm ɛdaa ne irywa da, sɔng ɛ kɛ lel ɛn nang, sɔng ɛ kɛ ne kyii ta tek ɛn ninyi na nɛ nibhɛ sim nibhɛ aa lel lo nibhɛ lel nang.

1 iKɔrɔntos 10:9

Sɔng njwɛɛn tɛɛsek ɛDaray yegha ɛli nɛ nidɛng ndɔ nibhɛ wo kaa mɔn, izɔ de phobho nibhɛ wo nang.

ɛYohana 11:57

Nindiinday nibo ɛTaanggbey ya nɛ niFarisawa na kaa ne ku mɔng nibhɛ bo gbik ɛnyi gha ne ɛ yɛɛ ɛlɔ gha ne ɛYɛso gha sonɛ, te ɛ mɔng te bhɛ wum ɛbhɛ.

ɛYohana 11:47

iPhɛ ɛlɛy, niFarisawa na nɛ nindiinday nibo ɛTaanggbey ya ne yeres ninaa ne iTɔrɔng nga gbik, nibhɛ ne yɔngɔ, “iKyee ne njwɛɛn yaa mɔn daa mɛɛ? Yaang ɛn nikɔn ne kparat ta ne ɛnyi yeghaa wo mɔn no!

ɛYohana 7:48

Ɛ kɛ ku yaang ɛn ɛdɛ ɛndiinday ya, hang ɛdɛng ndɔ niFarisawa na kɛ nang ne itin nɛ ne ɛbhɛ?

ɛYohana 7:32

niFarisawa na ne phok ɛli nɛ ninyi na bol ivol lɛbaa wo daa ne ito ɛYɛso de, nindiinday nibo ɛTaanggbey ya, nɛ niFarisawa na ne tom ninaa ne hyep ideng nga wu tɛ nibhɛ wum ɛbhɛ.

ɛLuka 16:14

niFarisawa na nɛ nibhɛ ku so ninaa ne sim ijam be ne phok ivol lɛdaa wo, nibhɛ te ɛYɛso yegha ncoop.

ɛLuka 11:39

iPhɛ ɛlɛy, ɛYɛso gha ne yaak ɛbhɛ, “Nyinɛn niFarisawa na, ɛ kuus ɛn ɛtsim ne ihyihyangas mon na gbik nɛ nikyee yɛ, ndɔ ne irway mon da ne ku bok sim ito ne ibebhe.

ɛLuka 7:30

Gbik ne iphɛ ɛlɛy, niFarisawa na nɛ Ninaa ne Kpɛl ɛShara gha ne jung mbaray ɛkɔn na ɛTaanggbey ya kaa bok daa nibhɛ wo, sɔng nibhɛ ne sim ɛYohana gha yaak nibhɛ ne ibatisima de nang.

ɛLuka 6:7

niFarisawa na nɛ Ninaa ne Kpɛl ɛShara gha kaa ne ku i tɔk ɛkɔn na nɛ nibhɛ sɛɛ sɛ nibhɛ wum ɛYɛso yegha nɛ, iphɛ ɛlɛy, nibhɛ ne sit ɛbhɛ ne irwisɛ, nibhɛ wɛɛ, hang aa yung yɔng wu yaa te ɛnyi gha ɛken ɛtuk ne iwɛsɛ gha yɔɔ.

ɛLuka 5:30

Nidɛng ndɔ niFarisawa na, nɛ nidɛng ndɔ Ninaa ne Kpɛl ɛShara gha ne ɛnu nibhɛ so ɛdaan nɛ, ne yaa bol nɛ ninɔn ne icwam ɛYɛso na ivol mumuk nibhɛ bo, “iKyee iphɛ kɛ te ɛ re ɛn, ɛ sɔ ɛn nɛ ninaa ne saasel ijam ne ivel la, gbik nɛ ninaa ne ɛfɔt taa?”

ɛMarakus 8:15

Kɛ ne sɛ nibhɛ so ndɔ ne ihywel ba nang, ɛYɛso gha ne kpɛngke nibhɛ ndɔ ne ivol ne igɔrɔp ɛ yaak nibhɛ, “Wɛɛ ɛn nyini hywɛɛ ne iyis niFarisawa de gbik ne idee ɛHyiridus de.”

ɛMarakus 8:11

niDɛng niFarisawa na ne shii phɛ ɛlɔ ɛYɛso gha nibhɛ yaa dat ishamas ne ɛbhɛ, nibhɛ ten ɛbhɛ. Nibhɛ yaak ɛbhɛ wu te ɛ tɔɔl en ɛdɛ ɛkɔn ne kparat ta ne aa tɔɔrek wu ɛbhɛ ɛYɛso gha le ɛlɔ ɛTaanggbey.

ɛMacu 22:35

Ɛdɛng ndɔ nibhɛ wo, ne ɛ so ɛhaa ne kpɛl ɛShara ne yaa ten ɛYɛso yegha. Ne ɛ phom ɛYɛso yegha, ɛ yaak ɛbhɛ:

ɛMacu 19:3

Nidɛng niFarisawa na ne yɛɛs nibhɛ tɛɛsek ɛYɛso yegha. Nibhɛ ne phom ɛbhɛ, nibhɛ yɔngɔ, “ɛShara gha kɛ sim ɛnyi gha nɛ wu te ɛ hosobhe ne ɛkuk ɛbhɛ gha daa ɛdɛ ɛkɔn na ne ɛnyi gha kɛ yaang iphɛ kɛ jam ɛbhɛ nɛ?”

ɛMacu 16:1

niFarisawa na nɛ niSadukyawa na ne yɛɛs ɛlɔ ɛYɛso gha te nibhɛ phɔwɔ ɛbhɛ, iphɛ ɛlɛy, nibhɛ yaak ɛbhɛ wu te ɛ tɔɔl nyu ɛdɛ ɛkɔn ne kparat de ne iphɛ yaa tɔɔrek wu ɛTaanggbey ɛbhɛ kɛ tom ɛbhɛ ɛtsak.

ɛMacu 15:12

Ninɔn ne icwam ma ne yɛɛs ɛlɔ ɛYɛso gha nibhɛ ne yaak ɛbhɛ, “Ɛ yɛɛ te ibol lɛdee wo kɛ dat niFarisawa na irway ye?”

ɛMacu 9:34

niFarisawa na ne jung yɔngɔ, “ɛGɔm niphoo ɛbhɛ kɛ nang ɛYɛso yegha ihwet ne tuul niphoo na.”

ɛMarakus 10:1

ɛYɛso gha ne tek ɛlɔ yeghaa nggyɛ wo ɛ phɛ ne ivel ne iYahudiya, nibhɛ ne phyii bhɛ bere ne ikpang ne iHywel ne iWurudun. iDira ninyi de ne ta kpuruuy duu nibhɛ roos ɛbhɛ, ɛYɛso gha ne ta yaa mɛmɛ nibhɛ nɛ dɔng ɛli ne ɛ ku mɔn no.

ɛMarakus 10:3

ɛYɛso gha ne ma kyii nɛ ɛ phom nibhɛ ɛ yaak nibhɛ, “ɛMuusaa gha kaa kyi yaak nyini ɛli wo lɛɛ?”