ɛMarakus 1:8 - ɛWee ne ìTsɛm iHywas

⁸ Nzi ne yaak nyini ne ibatisima de ne inɛn, ɛnyi yɛghaa nggyɛ wo sɛ ne yaak nyini ne ibatisima de ne iKabyik ɛTaanggbey.”

ɛMarakus 1:8 ပူးပေါင်းရင်းမြစ်များ

ɛTomɛ 1:5

ɛYohana gha kaa Yaak ne iBatisima de ne inɛn, nituk kɛ kɛ ne mak bɔbɔk ne ya yaak nyini ne ibatisima de ne iKabyik ɛTaanggbey.”

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

ɛTomɛ 10:45

niYahodawa na nɛ nibhɛ soye ninaa ne roos sa nɛ nibhɛ le ne iJoopa de nɛ niBiturus se na, ne wum en zii ɛtsim mɛ nɛ nibhɛ kɛ yaang kɛ ma kɛ ma sit ninyi na ne hame nibhɛ so niYahodawa na ne izɛɛng ne iKabyik ɛTaanggbey de.

ɛTomɛ 2:4

iKabyik ɛTaanggbey de ne yɛɛs ndɔ ɛrɔngɔ nɛ hyɔrɔ, nibhɛ ne yaa bol ne ihwak ilwem ɛli ne iKabyik ge kɛ nang ɛrɔngɔ.

ɛTomɛ 2:17

‘Sɛ́ ne sɛ nituk ne taal ɛzay ya kɛ tuu, nzɛ ne sit iKabyik nge daa ninyi na gbik. Ninɔn mon na, niras sɛ nɛ nikuk kɛ sɛ ne tɔng ibol ɛTaanggbey. Ninɔn niphas mon na sɛ ne yaang iyuwa, nibok se ne re ninu nikɔɔn mon na.

ɛMacu 3:11

Nzi yaak nyini ne ibatisima de ne inɛn te i tɔɔrek wu ɛ kɛ san ɛn ɛbɔk ka. Ɛdɛ ɛnyi gha ne yaaso, ɛtsim nge ne ɛ phyin me, sɔng nggɛ ma yung hɔn nzɛɛ boos ɛbhɛ ikpikpangat ɛbhɛ nang. Ɛbhɛ ɛ sɛ ne ji yaak nyini ne ibatisima idee ne iKabyik ɛTaanggbey ne igboo.

ɛMarakus 1:7

Ɛ kaa ne yaak ninyi na, “ɛDɛ ɛgbaang ɛnyi wo, ne ɛ phyin me, ɛ yaaso ɛtsim nge. Sɔng nggɛ ma yung hɔn nzɛ biri ɛbhɛ irwik ne ikpikpangat nang.

ɛMarakus 1:9

Kɛ ne so ndɔ ɛnggyɛ wo nang, ɛYɛso gha ne bhɛ le ɛgarang ne iNazarat ne ɛ so ne ivel ne iGalili, ɛ phɛ ɛlɔ ɛYohana gha. ɛYohana gha ne ma bhɛ yɛk ɛbhɛ ne ibatisima de ndɔ iHywel ne iWurudun no.

ɛLuka 3:16

ɛYohana gha ne yaak nibhɛ, “Nzi yaak nyini ibatisima de ne inɛn, ɛdɛ ɛnyi gha ne yaaso ne ɛ phyin me. Sɔng nggɛ ma yung hɔn nzɛ biri ɛbhɛ irwik ne ikpikpangat nang. Ɛ sɛ ne yaak nyini ne ibatisima de idee ne iKabyik ɛTaanggbey, gbik ne igboo.

ɛYohana 1:26

ɛYohana gha ne kyii nɛ ɛ yɔngɔ, “Nzi Yaak ne iBatisima de ne inɛn, gbik ne iphɛ ɛlɛy, ɛdɛ ɛnyi gha ne so ndɔ mon ɛbɛ wo ne ɛ doo ɛn.

ɛYohana 1:33

Sɔng nggaa ma yɛɛ ɛbhɛ nang, ɛTaanggbey ya ne ɛ kaa ne tom me wu te n yaak ninyi na ibatisima de ne inɛn da ne yaak me, ‘Aa yaang iKabyik ge kɛ tɔm iphɛ shɛɛ daa ɛnyi, ɛbhɛ ne ɛ soye ɛhaa ne aa yaak ninyi na ne ibatisima ne iKabyik ɛTaanggbey de.’