Kaa ne sɛ ɛYohana gha taasel ɛtomɛ ɛbhɛ gha, ne ɛ yaak ninyi na, ‘Ɛ bo ɛn nzo me ɛhay lɛ? Sɔng mee nzo me ɛnyi gha ne ɛ hyep ɛn no nang. Ɛ yang yaaso ɛtsim nge. Sɔng nggɛ ma yung hɔn nzɛɛ biri irwik ne ikpikpangat ɛbhɛ nang.’ ”
ɛYohana gha ne yaak nibhɛ, “Nzi yaak nyini ibatisima de ne inɛn, ɛdɛ ɛnyi gha ne yaaso ne ɛ phyin me. Sɔng nggɛ ma yung hɔn nzɛ biri ɛbhɛ irwik ne ikpikpangat nang. Ɛ sɛ ne yaak nyini ne ibatisima de idee ne iKabyik ɛTaanggbey, gbik ne igboo.
Nzi yaak nyini ne ibatisima de ne inɛn te i tɔɔrek wu ɛ kɛ san ɛn ɛbɔk ka. Ɛdɛ ɛnyi gha ne yaaso, ɛtsim nge ne ɛ phyin me, sɔng nggɛ ma yung hɔn nzɛɛ boos ɛbhɛ ikpikpangat ɛbhɛ nang. Ɛbhɛ ɛ sɛ ne ji yaak nyini ne ibatisima idee ne iKabyik ɛTaanggbey ne igboo.
ɛYohana gha kaa ne i yaak ghe ne itsura ne kɛ ryɔng ne itsotso ne ɛlangkumɛ ne ɛ ji robhos se ɛgagha ne ihuhu. Ire ɛbhɛ de kaa ne so isɔk gbik ne itsong iven.
ɛBulus sa ne yaak nibhɛ, “ɛYohana gha kaa yaak ninyi na nɛ nibhɛ kɛ san ɛbɔk ne ibatisima de. Ne ɛ ji yaak ninyi na wu tɛ nibhɛ nang ne itin nɛ ne ɛdɛ ɛnyi gha ne ɛ yaaso ɛtsim ɛbhɛ, kaabi ɛ bo wu ɛYɛso.”