ɛMacu 9:8 - ɛWee ne ìTsɛm iHywas

⁸ Kɛ ne sɛ idira ninyi de kɛ yaang ɛlɛ wo, nibhɛ ne wum ɛnu zii. Nibhɛ ne ji dɛp ɛTaanggbey ye ne ɛbhɛ kɛ nang ninyi na ihywee ne igbɔm mɛdaa nggyɛ wo.

ɛMacu 9:8 ပူးပေါင်းရင်းမြစ်များ

ɛLuka 7:16

Ninyi na ne wum ɛnik gbom, nibhɛ ne ho ne dɛp ɛTaanggbey ye, nibhɛ bo, “ɛDɛ ɛgbaang ɛnɛbi wo kɛ yɛɛs ndɔ njwɛɛn! ɛTaanggbey ya yɛɛs ne phɔt ninyi ɛbhɛ na.”

ɛMacu 15:31

Kɛ ne sɛ ninyi na kɛ yaang ɛli nɛ ningkpɔy ya kɛ yaa bol lo, nigyamil la yaa hyel tsik ko, nilɔɔm ma yaa hyel lo, niwil la ne yaa wɛɛ wo, nibhɛ ne wum ɛnu zii. Nibhɛ ne yaa dɛp ɛTaanggbey niSɛrɛla yegha.

ɛTomɛ 4:21

Ne sɛ nindiinday ya kɛ hante ne sinɛ nibhɛ itsoro wo nibhɛ ne tek nibhɛ. Nibhɛ kaa yaa tɔk ɛli nɛ nibhɛ yaa mɔn nibhɛ bak nibhɛ nggbang nzeet, daa ɛli ne igbagha wo gbik kaa yaa dɛp ɛTaanggbey ye daa ɛkɔn na ne ɛ kɛ te wo.

ɛLuka 23:47

ɛNdiinday nisooja na ne ɛ sonɛ ɛlɔ yɛwo ne yaang ɛkɔn na ne ɛ kɛ te wo, ne ɛ nang ɛTaanggbey ye ne ndiinday, ɛ yɔngɔ, “ɛTsak! ɛNyi yeghaa wo ɛnyi ɛyɛnɛng.”

ɛLuka 17:15

Kɛ ne sɛ ɛdaan ndɔ nibhɛ wo kɛ yaang ɛli ne kɛ tul ɛbhɛ ivebhe da, ne ɛ yaa dɛp ɛTaanggbey ye ne ɛgbaang ne izɔlɔs.

ɛMarakus 2:12

ɛNyi gha ne shii yilitsik, vok, ɛ harap ifurang ɛbhɛ ba, ɛ bo nikɔn ɛ yaa hyel ɛɛ hyilis se. Ninyi na ne wum en zii daa ɛli nɛ nibhɛ kɛ yaang ɛkɔn ne kparat. Nibhɛ ne ji yaa naas ɛTaanggbey yegha ne ndiinday nibhɛ bo, “Sɔng njwi kɛ ku yaang ɛlɛ wo nang!”

iGalatiya 1:24

Nibhɛ ne nang ɛTaanggbey ye ne ndiinday daa ɛkɔn na ne ɛ kɛ mɔn ne me wo.

ɛYohana 15:8

Wu ɛ kɛ yɛk ɛn ikpam ba gbom mo nang, iphɛ yaa ne tɔɔrek wu ɛ so ɛn ninɔn ne icwam nge. iPhɛ yaa ne tɔɔrek ito-ndiinday ɛKyɛɛ nge de.

ɛLuka 13:13

ɛYɛso gha ne ji bo iwɔ ɛbhɛ ɛ dad ɛbhɛ nɛ. Nɛ nten nɛ, ɛkuk ka ne shii te cik, ɛ yaa naas ɛTaanggbey ye ne ndiinday.

ɛTomɛ 11:18

Ne sɛ nibhɛ kɛ phok ibol lɛdee wo, nibhɛ ne kɔɔng ishamas de, nibhɛ ne yaa dɛp ɛTaanggbey ye nibhɛ bo, “ɛTaanggbey ya kɛ ma sim ninyi na ne hame nibhɛ so niYahodawa na nɛ tɛ nibhɛ san ɛbɔk nibhɛ sɛ iken.”

ɛTomɛ 21:20

Ne sɛ nibhɛ kɛ phok ɛlɛ wo, nibhɛ ne nang ɛTaanggbey ye ne ndiinday. Nibhɛ ne ji yaak ɛBulus segha, “ɛGwaa ɛBulus, yung yaang ɛli nɛ nidɛng gbom ndɔ niYahodawa na kɛ tes se ninaa ne roos sa gbik nibhɛ wo ne bok irway ne roos ibol ɛShara ɛMuusaa de gɛgɛy.

ɛMarakus 7:37

Ninyi na ne yaang ɛkɔn ne kparat gbom. Nibhɛ ne ji yɔngɔ, “Nikɔn ɛbhɛ na ku so niyɛnɛng ngɛ gbik. Ɛ kɛ phaasel nirwan na itoro ɛ ta phaasel ningkpɔy ye ninu.”

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛMacu 12:23

Ninyi na gbik ne wum ɛnu zii, nibhɛ ne yaa phomos en nibhɛ bo, “Hang ɛbhɛ so ɛNgɔn ɛDoda naa?”

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛMacu 9:7

ɛNyi gha ne yilitsik ɛ hyil lɛ.

ɛLuka 2:20

Ninaa ne hyep pa ne kyii ne iywel, nibhɛ dɛp ɛTaanggbey ye, daa ne ibol de nɛ nibhɛ kɛɛ phok ko, nibhɛ ta bhɛ yaang ngo.

ɛLuka 17:18

iKyee iphɛ kɛ te ɛnyi ne iSamariya yegha wo zɔng ɛbhɛ kɛ bhɛ kyii ɛ yɛɛs ne tɔɔrek ɛTaanggbey yegha irway ihwala baa?”

ɛLuka 18:43

Nɛ nten nɛ, ne ɛ yaa wɛɛ ɛ ji yaa kungus ɛYɛso yegha ɛ tɔɔsel ɛTaanggbey irway ihwala. Kɛ ne sɛ ninyi na kɛ yaang ɛlɛ wo, nibhɛ ne ma yaa dɛp ɛTaanggbey yegha.

2 iKɔrɔntos 9:13

Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.