ɛMacu 9:6 - ɛWee ne ìTsɛm iHywas

⁶ Naa ne tɔɔrek nyini wu ɛNgɔn ɛNyi gha bok igbɔm ne hana ɛfɔt to ndɔ ɛzay ya. ɛYɛso gha ne ji yaak ɛnyi ɛbaghat ta, ‘Yilitsik te ɛ bo iphuurang mo de ɛ hyil lɛ.’ ”

ɛMacu 9:6 ပူးပေါင်းရင်းမြစ်များ

ɛMacu 9:5

iYa phɛ yɛ iphɛ so phyonkaa? I yaak ɛnyi gha, ‘Kɛ hana yɛ ne ɛfɔt mo wo,’ hang i yaak ɛbhɛ, ‘Yilitsik te ɛ bo iphuurang mo de ɛ hyel’?

2 iKɔrɔntos 2:10

Gbik ɛnyi gha ne ɛ kɛ hana ɛn ɛbhɛ nɛ, nggɛ ne ma hana ɛbhɛ nɛ. Wu ɛdɛ ɛkɔn ne hana gha sonɛ ne ya hana wo, nggɛ ne ma hana. Nggɛ ne hana wo ɛnu ɛyisɛ ɛKiriti te iphɛ phyik nyini.

iKɔlɔsi 3:13

Boos ɛn ɛbɔk nɛ nigwaa na. Wu ɛdɛng ndɔ mon no kɛ ne bees ɛdɛng ngɛ, hana ɛn ɛbhɛ nɛ. Te ɛli ne ɛDaray ya kɛ hana nyini nɛ ɛfɔt mon no ne ˆɛ ma i han ɛn nyini nɛ.

iFisus 4:32

Yang yaa mɔn ɛn iyɛnɛng ndɔ mon, te ne ˆɛ san ɛn iyɔm nigwaa. Te ɛrɔngɔ hana ɛrɔngɔ nɛ ɛli ne ɛTaanggbey ya kɛ hana nyini ne wo lenɛ ne ɛKiriti gha.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

ɛTomɛ 9:34

ɛBiturus sa ne yaak ɛbhɛ, “ɛNiyas, ɛYɛso ɛKiriti kɛ teyɛ ɛken. Yilitsik te ɛ harap iphuurang mo de.” ɛNiyas sa ne shii yilitsik.

ɛTomɛ 5:31

ɛTaanggbey ya ne nang ɛbhɛ ne nindiinday, ɛ tek ɛbhɛ ne iwɔ ne irwye ɛbhɛ, ɛ teye ɛndiinday ne ɛhaa ne phɔt, te ne lenɛ ɛlɛy niSɛrɛla na san ɛbɔk i hana nibhɛ ne ɛfɔt nibhɛ wo.

ɛYohana 17:2

Daa ɛli ne ɛ kɛ nang ɛbhɛ igbɔm daa ninyi na gbik, te ne ɛ nang gbik ninyi na ne ɛ kɛ nang ɛbhɛ wo iken ne inat.

ɛYohana 10:28

Nzi naas ihywɛ iken ne inat, sɔng ihywɛ sɛ́ ne kus sang; sɔng ɛnyi sɛ ne yɛɛ ne phɔt ihywɛ ndɔ ne iwɔ nge gha nang.

ɛLuka 5:21

niFarisawa na nɛ Ninaa ne Kpɛl ɛShara gha ne yaa bol ndɔ nibhɛ, nibhɛ bo, “ɛYa ɛnyi ghaa woo ne ɛɛ bol ivol ne bɛɛs ɛTaanggbey yeghaa? ɛTaanggbey zɔng ɛbhɛ so ɛhaa ne hana ɛnyi gha ne ɛfɔt ɛbhɛ wo!”

ɛMarakus 2:10

Nzi sim aa seng ɛn wu mee ɛNgɔn ɛNyi gha n bok ito ne hana ɛnyi gha ne ɛfɔt to ndɔ ɛzay yɛghaa wo.” Ne ɛ ji yaak ɛbaghat ta,

ɛMarakus 2:7

nibhɛ bo, “iKyee iphɛ kɛ te ɛnyi yɛghaa wo bol ɛlɛ woo? Ɛ bɛɛs ɛTaanggbey ye! ɛHay ɛbhɛ sɛ hana ɛnyi gha ne ɛfɔt to kang ne ɛTaanggbey yaa?”

ɛMacu 8:20

ɛYɛso gha ne yaak ɛbhɛ, “Nikwiy ya bok ivong, ninon ɛdaa ne irywa na ne bok niryee, sɔng ɛNgɔn ɛNyi gha ne ɛ bok ɛlɔ ne aa phɔng ngɛ nang.”

ɛMacu 4:24

Ngka ɛYɛso de ne bhɛ hɔn ndɔ ne ivel ne iSiriya da gbik, ninyi na ne yɛɛset ɛbhɛ nɛ ninaa ne ishwa na ihywee-ihywee, ninaa ne rɔ nilɔ niken, nɛ ninaa ne ikpabyik niphoo, nɛ ninaa ne cwi ne ikpayaa, nɛ nilɔɔm, ɛYɛso gha ne tes nibhɛ niken gbik.

ɛMacu 9:2

ɛNggyɛ wo nidɛng ninyi na ne yɛɛs ɛbhɛ ne ɛdɛ ɛnyi gha ne ɛ so ɛbaghat ɛ kɛ laal ne iphuurang. Kɛ ne se ɛYɛso gha kɛ yaang ìnang ne itin nibhɛ de, ne ɛ yaak ɛbaghat ta, “ɛNyɛn sɔng ɛ sap nang, kɛ hana yɛ ne ɛfɔt mo wo.”

ɛMacu 9:7

ɛNyi gha ne yilitsik ɛ hyil lɛ.

ɛYohana 5:8

ɛYɛso gha ne yaak ɛbhɛ, “Yilitsik, ɛ bo iphuurang mo de ɛ hyel.”

ɛYohana 5:27

Ɛ kɛ ne ta nang ɛbhɛ igbɔm ne bol ɛshara dɔng daa ɛli ne ɛbhɛ soye ɛNgɔn ɛNyi gha.