ɛMacu 9:4 - ɛWee ne ìTsɛm iHywas

⁴ ɛYɛso gha ne seng icwas nibhɛ da, ne ɛ yaak nibhɛ, “iKyee phɛ kɛ te ɛ tas ɛn icwas ivebhe da ndɔ ne irway mon daa?

ɛMacu 9:4 ပူးပေါင်းရင်းမြစ်များ

ɛMacu 12:25

ɛYɛso gha ne seng icwas nibhɛ da, ne ɛ yaak nibhɛ, “Gbik igbɔm ba ne ifɛ hobhoset to ifɛ yaa ne ho; ɛgarang nga gbik ne ijwee wo nɛ ninyi yɛ kɛ ne hobhoset to, aa ne ho.

ɛMarakus 12:15

Njwii tal ijam ne ivel dee? Hang njwi shɛɛ tang tal!” ɛYɛso gha kaa ne ku yɛɛ iluk nibhɛ de. iPhɛ ɛlɛy yang ne ɛ yaak nibhɛ, “iKyee iphɛ kɛ te ɛ ten ɛn mɛɛn noo? Nang ɛn mɛɛn idinari idaan ɛbɛ n yung yaang.”

ɛMarakus 2:8

ɛYɛso gha ne shii seng icwas nibhɛ ba. Ne ɛ yaak nibhɛ, “iKyee iphɛ kɛ te ɛ bok ɛn ihywee ne icwas sɛ baa woo?

ɛLuka 11:17

ɛYɛso gha ne seng icwas nibhɛ ba, ne ɛ ji yaak nibhɛ, “Wu igbɔm ba kɛ yɛk iphup ndɔ nibhɛ, yaa ne shii re ɛgarang ngɛghaa nggyɛ ne itsom. Wu ijwee wo kɛ ne hosop bhe ne iphup, ifɛ yaa ne bungaay.

ɛLuka 5:22

ɛYɛso gha ne seng icwas nibhɛ da ne ɛ yaak nibhɛ, “iKyee phɛ kɛ te ɛ kɛ yaa tas ɛn icwas sɛdaa woo?”

ɛLuka 6:8

ɛYɛso gha ne seng icwas nibhɛ ba, ne ɛ yaak ɛnyi gha ne iwɔ ɛbhɛ kɛ baghat to, “Yilitsik te ɛ yɛɛs daa ɛyisɛ ɛbɛ.” ɛNyi gha ne yilitsik ɛ phɛ daa ɛyisɛ gha.

ɛLuka 7:40

ɛYɛso gha ne shii boote ne ɛnyi gha, ɛ yaak ɛbhɛ, “ɛSimɔn, n bok idɛ bol de ne naa mɔng nge.” ɛNyi gha ne kyii nɛ, ɛ yɔngɔ, “Ɛɛy, mɔng me ɛKyɛɛ ne icwam ɔɔy.”

ɛYohana 16:19

ɛYɛso gha ne seng wu nibhɛ sim tɛ nibhɛ yaa phom ɛbhɛ ibol daa ɛkɔn neghaa wo, iphɛ ɛlɛy ne ɛ yaak nibhɛ, “Ɛ phomos nyini ɛnting ɛkɔn na ne nzi bo, ‘Yaa phyɔngɔle ncɛt sɔng aa ne tɔ yaang ɛn mɛɛn nang, ne kyii ta phyɔngɔle ɛ ta yaang ɛn mɛɛn no naa?’

ɛYohana 16:30

ɛLyilyɛghaa wo ne njwi kɛ ne ji seng wu ɛ yɛɛ nikɔn na gbik; sɔng iphɛ ta tɔ nggbinggbing ɛnyi phom mɛ ɛkɔn nang, iphɛ kɛ ne te njwi kɛ nang ne itin nɛ wu ɛ le ɛlɔ ɛTaanggbey ya.”

ɛYohana 21:17

ɛYɛso gha ne boote ne ɛSimɔn na ɛhaa ne itwat tɛ, ɛ yɔngɔ, “ɛSimɔn ne ɛ soyɛ ɛngɔn ɛYohana, Ɛɛ sim mee?” ɛSimɔn na ne bees irway daa ɛli ne ɛYɛso gha kɛ phom ɛhaa ne itwat ta ɛ yaak ɛbhɛ, “Ɛɛ sim mee?” Ne ɛ yaak ɛYɛso yegha, “ɛDaray, ɛ yɛɛ nikɔn na gbik, ˆɛɛ yɛɛ ɛli ne nzi sim-mɛ wo.” ɛYɛso gha ne yaak ɛbhɛ, “Hyep ᐩigyol nge de.

ɛYohana 6:61

ɛYɛso gha ne seng ɛli nɛ nibhɛ kɛ yaa wunga ndɔ nibhɛ wo, ne ɛ yaak nibhɛ, “iBol lɛdee wo kɛ te nyini aa te ɛn kyɔkyɔt naa?

ɛYohana 6:64

Gbik ne iphɛ ɛlɛy, ɛbyin mɔn ne sonɛ nɛ nibhɛ kɛ sang nang ne itin nɛ.” ɛLɛy ɛYɛso gha kaa ku i yɛɛ ne ile ne ɛtum mɛ ninaa nɛ nibhɛ sɛ sang nang ne itin nɛ wo ne ɛhaa ne ɛ sɛ rɛp ɛbhɛ wo.

ɛTomɛ 5:9

ɛBiturus sa ne yaak ɛSafaratu yegha, “iKyee iphɛ kɛ te ɛ kɛ byinki ɛn ɛnu gha ne ɛras mo gha ɛɛ phɔwɔse ɛn iKabyik ɛDaray dee? iPhɛ dee ninyi na nɛ nibhɛ kɛ bhɛ rɛɛ ɛras mo gha, nibhɛ kɛ bhɛ kyii nibhɛ yɛɛs ne tuu ɛnu ne izuk, nibhɛ yaa ne ma ta bo yɛ nibhɛ wuru nɛ.”

Nikɔn ne kɛ Phaal 2:23

Naa phobho ninyi na nɛ nibhɛ roos imɛmɛ ɛJɛjɛbhɛl da, gbik ijwira ninaa ne roos sa yaa seng wu mee nzi wɛɛ ɛduk ne irway ya ɛnyi gha gbik ne icwas ɛbhɛ da. Nzɛ ne tal ɛrɔngɔ nɛ ndɔ mon kancɛng ne ɛkɔn na ne ɛ kɛ mɔn.