ɛMacu 8:9 - ɛWee ne ìTsɛm iHywas

⁹ Daa ɛli ne mee wo, ma n bok ndiinday, ne n bok nisooja ne nzi ma wɛɛ nibhɛ. Nzi ne yaak ɛdɛng, ‘Cwi ɛnggyɛ,’ ne ɛ phɛ. Ne n da yaak ɛdɛng, ‘Yɛɛs ɛbɛ,’ ne ɛ yɛɛs. Wu nggɛ ne yaak ɛkpuru nge gha, ‘Mɔn ɛlɛ,’ aa ne mɔn.”

ɛMacu 8:9 ပူးပေါင်းရင်းမြစ်များ

ɛMacu 8:10

Ne sɛ ɛYɛso gha kɛ phok ɛlɛ wo, ne ɛ wum ɛnu zii, ne ɛ ji yaak ninyi na nɛ nibhɛ kungus ɛbhɛ wo, “Nzi tɔng nyini itin nɛ, sɔng nggɛ ku sɛ ɛdɛ ɛnyi niSɛrɛla gha ne ɛ bok ihywee ne ìnang ne itin nɛdee wo nang.

ɛMacu 8:8

ɛNdiinday ɛsooja gha ne kyii nɛ ɛ yɔngɔ, “ɛDaray, sɔng nggɛ hɔn ɛli ne aa yɛɛs ne ijwee nge wo nang, yang boote zɔng, ɛkpuru nge gha yaa ne te ɛken.

ɛMarakus 1:27

Gbik ninaa nɛ nibhɛ kaa so ɛnggyɛ wo, ne yaang ɛkɔn ne kparat. Nibhɛ ne yaa phomos en nibhɛ bo, “Ya kuk! Ji ta so ɛyakɔn naa woo? ɛDɛ ɛkɔn ɛphas se ghaa wo dɔng nge? ɛNyi yɛghaa wo bok ito-ndiinday gbom. Ɛɛ ji ta nep niphoo nibhɛ phok ɛbhɛ!”

ɛLuka 4:39

ɛYɛso gha ne phɛ, ɛbhɛ kyinak cɛcɛk ɛlɔ ne laal ɛkuk ka, ɛ yaak ndɔm ba wu te mpɛ tek ɛbhɛ, mpɛ ne shii tek ɛbhɛ. ɛKuk ka yilitsik, ɛ mɔn nibhɛ ire.

ɛLuka 7:8

Daa ɛli ne mee wo, ma n bok ɛndiinday, ne n bok nisooja ne nzi ma wɛɛ nibhɛ. Nzi yaak ɛdɛng, ‘Cwi ɛnggyɛ,’ ne ɛ phɛ. Ne n da yaak ɛdɛng, ‘Yɛɛs ɛbɛ,’ ne ɛ yɛɛs. Wu nggɛ ne yaak ɛkpuru nge gha, ‘Mɔn ɛlɛ,’ aa ne mɔn.”

ɛLuka 9:1

ɛYɛso gha ne yel-le ninɔn ne icwam ɛbhɛ ɛnduwubɔ nɛ ninyi ifaa na ɛlɔ ɛdaan, ɛ nang nibhɛ ito-ndiinday gbik ne igbɔm ne tuul niphoo, tɛ nibhɛ ta tes ninyi niken.

iKɔlɔsi 3:22

Nyinɛn nikpuru, roos ɛn ibol nikyɛɛ ne ijwee mon ɛzay de ndɔ nikɔn na gbik. Sɔng ˆɛ mɔn ɛn ɛtomɛ gha nten de nɛ nibhɛ sonɛ nibhɛ wɛɛ nyini tɛ nibhɛ ji phok iyɛnɛng mon de nang, yang mɔn ɛn ɛtomɛ gha ne irway ijwaan te ˆɛ tel ɛn ɛnik ɛDaray.

ɛTitus 2:9

Mɛmɛ nikpuru na nɛ tɛ nibhɛ roos ibol nikyɛɛ ne idee nibhɛ na ndɔ nikɔn na gbik. Tɛ nibhɛ mɔn nikɔn na nɛ nikyɛɛ ne idee nibhɛ na yaa phok iyɛnɛng ngɛ. Sɔng nibhɛ kyisi nibhɛ ne ivol nang.