ɛMacu 8:8 - ɛWee ne ìTsɛm iHywas

⁸ ɛNdiinday ɛsooja gha ne kyii nɛ ɛ yɔngɔ, “ɛDaray, sɔng nggɛ hɔn ɛli ne aa yɛɛs ne ijwee nge wo nang, yang boote zɔng, ɛkpuru nge gha yaa ne te ɛken.

ɛMacu 8:8 ပူးပေါင်းရင်းမြစ်များ

ɛMacu 8:3

ɛYɛso gha ne dat ɛnyi gha ne iwɔ ne ɛ ji yaak ɛbhɛ, “Nggɛ sim, te ivebhe da tek kɛ.” Nɛ nten nɛ, ɛnyi gha ne te ɛken, ikparong ngga ne tek ɛbhɛ.

ɛYohana 1:27

Ɛbhɛ yaaso ɛtsim nge. Sɔng nggɛ ma yung hɔn nzɛ biri ɛbhɛ irwik ne ikpikpangat nang.”

ɛLuka 5:8

Kɛ ne sɛ ɛSimɔn na, ne i bok ɛbhɛ ɛBiturus sa, kɛ yaang ɛlɛ wo, ne ɛbhɛ ho ɛYɛso yegha, nggbuk, ne iphanta ɛ yaak ɛbhɛ, “Hyel ɛ tek me ɛDaray yɔɔy. Nzo me ɛhaa ne ɛfɔt!”

ɛMacu 3:11

Nzi yaak nyini ne ibatisima de ne inɛn te i tɔɔrek wu ɛ kɛ san ɛn ɛbɔk ka. Ɛdɛ ɛnyi gha ne yaaso, ɛtsim nge ne ɛ phyin me, sɔng nggɛ ma yung hɔn nzɛɛ boos ɛbhɛ ikpikpangat ɛbhɛ nang. Ɛbhɛ ɛ sɛ ne ji yaak nyini ne ibatisima idee ne iKabyik ɛTaanggbey ne igboo.

ɛLuka 15:21

“ɛNgɔn na ne yaak ɛkyɛɛ gha, ‘ɛTaa, nggɛ mɔn ɛTaanggbey ye ɛfɔt, nggɛ ne ma ta mɔn nɛ nɛ. Sɔng n da tɔ te ɛ sɛ yaak me ɛngɔn mo gha dɔng nang.’ ”

ɛLuka 15:19

Sɔng n da tɔ te ɛ sɛ ta yaak me ɛngɔn mo nang maa say me, te n te me ɛdaan ndɔ nikpuru mo na.’ ”

ɛMacu 3:14

ɛYohana gha ne sim te aa mbaray, ne ɛ yaak ɛYɛso yegha, “Nzo me wo nzɛɛ yaak kɛ te ɛ yɛk me ne ibatisima de, ikyee phɛ kɛ ne te ɛ yɛɛs ɛlɔ ngeghaa?”

ɛMacu 8:7

ɛYɛso gha ne yaak ɛbhɛ, “Naa phɛ te mbɛ ɛken.”

ɛMacu 8:9

Daa ɛli ne mee wo, ma n bok ndiinday, ne n bok nisooja ne nzi ma wɛɛ nibhɛ. Nzi ne yaak ɛdɛng, ‘Cwi ɛnggyɛ,’ ne ɛ phɛ. Ne n da yaak ɛdɛng, ‘Yɛɛs ɛbɛ,’ ne ɛ yɛɛs. Wu nggɛ ne yaak ɛkpuru nge gha, ‘Mɔn ɛlɛ,’ aa ne mɔn.”