ɛMacu 8:6 - ɛWee ne ìTsɛm iHywas

⁶ ɛ yɔngɔ, “ɛDaray ɛkpuru nge so ɛlɔ ne laal, ɛ kɛ baghat, ɛ sɔ nggbang gbom.”

ɛMacu 8:6 ပူးပေါင်းရင်းမြစ်များ

iKɔlɔsi 4:1

Nyinɛn nikyɛɛ ne ijwee, boos ɛn nikpuru mon na cik, nang ɛn nibhɛ ɛkɔn na ne ɛ kɛ jam, daa ɛli ne ˆɛ yɛɛ ɛn ˆɛ ma bok ɛn ɛKyɛɛ ne ijwee gha daa ne irywa.

ɛMacu 4:24

Ngka ɛYɛso de ne bhɛ hɔn ndɔ ne ivel ne iSiriya da gbik, ninyi na ne yɛɛset ɛbhɛ nɛ ninaa ne ishwa na ihywee-ihywee, ninaa ne rɔ nilɔ niken, nɛ ninaa ne ikpabyik niphoo, nɛ ninaa ne cwi ne ikpayaa, nɛ nilɔɔm, ɛYɛso gha ne tes nibhɛ niken gbik.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

ɛTomɛ 9:33

ɛNggyɛ wo, ɛBiturus sa ne bhɛ sɛ ɛdɛ ɛnyi gha ne ɛ kɛ baghat ne i bok ɛbhɛ ɛNiyas. Ɛ bok ishay ɛnaras ɛlɔ ne laal la ne ishwa de.

ɛFilimɔn 1:16

Sɔng nzi bo te ˆɛ say ɛbhɛ te ɛkpuru nang, yang say ɛbhɛ ɛ phyin ɛkpuru gha, say ɛbhɛ te ɛgwaa ndɔ ɛDaray. Nzi sim ɛbhɛ, ˆaa ne sim ɛbhɛ ˆɛ shɛs. Say ɛbhɛ te ɛten ɛsii gbik ne ɛgwaa mo ndɔ ɛDaray.

1 ɛTimɔti 6:2

Nikpuru na nɛ nikyɛɛ ne ijwee nibhɛ na soye ninaa ne roos sa, sɔng nibhɛ shɛɛ tang kyi nang nikyɛɛ ne ijwee nibhɛ na ne ndiinday de daa ɛli nɛ nibhɛ so nigwaa na ndɔ ne roos da nang. Tɛ nikpuru na yang hante ne nang nikyɛɛ ne ijwee nibhɛ na ne ndiinday daa ɛli nɛ nikyɛɛ ne ijwee nibhɛ na nɛ nibhɛ sɛ ɛkɔn daa ɛtomɛ nikpuru na soye ninaa ne roos, i ne sim nibhɛ. iPhɛ so nggbinggbing ˆɛ mɛmɛ ninyi na nɛ nikɔn nɛnaa wo ˆɛ ta kpɛng nibhɛ.

ɛTomɛ 10:7

Ne sɛ ɛmalɛka gha kɛ hyel, ɛKɔnɛliyas sa ne yel-le nidɛng nikpuru ɛbhɛ na nibhɛ ifaa, ne ɛdɛ ɛsooja gha ne ɛ phok ɛnik ɛTaanggbey ɛ so ɛdɛng ndɔ ninaa ne mɔn ɛbhɛ ɛtomɛ.

ɛTomɛ 8:7

iKpabyik ivebhe da ne ifɛ so ndɔ ninyi na ne i tabha ikpun ifɛ wuusi ndɔ ninyi na gbom. Ne i tes nibaghat nɛ nilɔɔm niken gbom.

ɛMacu 9:2

ɛNggyɛ wo nidɛng ninyi na ne yɛɛs ɛbhɛ ne ɛdɛ ɛnyi gha ne ɛ so ɛbaghat ɛ kɛ laal ne iphuurang. Kɛ ne se ɛYɛso gha kɛ yaang ìnang ne itin nibhɛ de, ne ɛ yaak ɛbaghat ta, “ɛNyɛn sɔng ɛ sap nang, kɛ hana yɛ ne ɛfɔt mo wo.”

ɛMacu 8:7

ɛYɛso gha ne yaak ɛbhɛ, “Naa phɛ te mbɛ ɛken.”