ɛMacu 8:20 - ɛWee ne ìTsɛm iHywas

²⁰ ɛYɛso gha ne yaak ɛbhɛ, “Nikwiy ya bok ivong, ninon ɛdaa ne irywa na ne bok niryee, sɔng ɛNgɔn ɛNyi gha ne ɛ bok ɛlɔ ne aa phɔng ngɛ nang.”

ɛMacu 8:20 ပူးပေါင်းရင်းမြစ်များ

ɛLuka 2:7

ne ɛ yɛk ɛngɔn ne ilyilyap ɛbhɛ ɛ ɛras sɛ, ɛ cwamas ɛbhɛ ne ishɛrɛp ne itsura, ɛ ji laasek ɛbhɛ ndɔ ne ikparak ne mɛɛ ᐩigyol lɛ, daa ɛli ne hame nibhɛ kaa sɛ izuk ndɔ ɛlɔ ne say ninaa ne kpoo na.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

ɛLuka 2:16

Nibhɛ ne yɔng ɛhywarat, nibhɛ ne bhɛ sɛ ɛMɛri yegha ne ɛYisifu gha, gbik ne ɛngɔn na ne kɛ laasek ɛbhɛ ndɔ ne ikparak ko, ɛli ne kɛɛ ku tɔng nibhɛ wo.

ɛLuka 2:12

ɛKɔn neghaa bhɛ yaa tɔɔl nyini ɛngɔn na: aa bhɛ yaang ɛn ɛngɔn ɛshesheng ne kɛ cwamas ɛbhɛ ne ishɛrɛp ne itsura, ji laasek ɛbhɛ ndɔ ne ikparak ne mɛɛ ᐩigyol.”

ɛLuka 8:3

ne ɛYowana ɛkuk ɛCusa ne ɛ kaa so ɛndiinday ninaa ne mɔn ɛtomɛ ndɔ ne ijwee ɛgɔm ɛHyiridus, ne ɛSuzana, nɛ ɛbyin nikuk ka maa; nibhɛ kaa tang iryat nibhɛ, nibhɛ mɛɛ niYɛso yegha.

ɛMacu 12:32

Gbik ɛnyi gha ne ɛ kɛ bol ivol ne bɛɛs ɛNgɔn ɛNyi gha nɛ wo, sɛ ne hana ɛbhɛ nɛ. Wu ɛnyi gha kɛ ne bol ivol ne bɛɛs iKabyik ɛTaanggbey de, sɔng yaa ne hana ɛbhɛ nɛ ɛzay yɛghaa wo, ne ɛzay ya ne ɛ yaaso wo nang.”

ɛMacu 19:28

ɛYɛso gha ne yaak nibhɛ, “Nzi tɔng nyini itin nɛ, ɛzay ɛphas sa, nten de ɛNgɔn ɛNyi gha sɛ bhɛ soos ɛlɔ ne soos ɛndiinday ne igbɔm ɛbhɛ da, nyinɛn no ne ɛ kɛ roos ɛn mɛɛn no, ɛ sɛ ne ma sooset en daa nicuruu ne igbɔm ɛnduwubɔ nɛ nibhɛ ifaa, ɛ bol ɛn itaang ɛnduwubɔ nɛ nibhɛ ifaa niSɛrɛla de ɛshara.

ɛMacu 17:9

Ne sɛ nibhɛ tɔmɔs en daa ne ɛwarang ngo, ɛYɛso gha ne kpɛngke nibhɛ, ɛ yɔngɔ, “Sɔng ɛ mɔng ɛn ɛdɛ ɛnyi ibol ɛkɔn de ne ɛ kɛ yaang ɛn no nang, tek ɛn ɛ hyep nten de ne ɛNgɔn ɛNyi gha kɛ yilitsik ndɔ ne ikpuu da.”

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 16:13

Kɛ ne sɛ ɛYɛso gha kɛ phɛ ne ivel iKɛsɛriya ne iFilibi, ne ɛ ji phom ninɔn ne icwam ɛbhɛ na ɛ yaak nibhɛ, “Ninyi na jung bok wu ɛNgɔn ɛNyi gha so ɛhay lɛɛ?”

ɛMacu 12:40

ɛLi ne ɛYunana gha kaa bhɛ shɛɛ ndɔ ne ibuu ne izing ngge nituk itwat ta, ɛlɛy ne ɛNgɔn ɛNyi gha sɛ ne ma bhɛ shɛɛ ndɔ ɛta ne ivel la nituk itwat.

ɛMacu 12:8

ɛNgɔn ɛNyi gha ɛbhɛ bok igbɔm ɛTuk ne iWɛsɛ gha.”

ɛMacu 13:37

ɛYɛso gha ne kyii nibhɛ nɛ, ne ɛ yɔngɔ, “ɛNyi gha ne ɛ kɛ tubhus ihywee izɛnɛng ngge ɛbhɛ so ɛNgɔn ɛNyi gha.

ɛMarakus 8:38

ɛHiha ɛnyi ne kɛ phok ncwa nge ne ncwa ne ibol nge de ndɔ ne izam ne ɛfɔt tɛdee wo nɛ nibhɛ doo ɛTaanggbey yegha, mee ne ɛngɔn ɛnyi wo n nzɛ ne ma phok ncwa ɛbhɛ nten de ne nggɛ bhɛ kyii, nɛ niMalɛka ɛTaanggbey ya nibhɛ kɛ tul en kang ngo ndɔ ne igbom ɛKyɛɛ nge da.”

ɛLuka 9:58

ɛYɛso gha ne kyii nɛ, ɛ yaak ɛbhɛ, “Nikwiy ya bok ivong, ninon na ne ma bok niryee; sɔng ɛNgɔn ɛNyi gha ne bok ɛlɔ ne ra nang.”

ɛLuka 12:8

“Nzi ta tɔng nyini dɔng, ɛnyi gha ne ɛ kɛ kyinak kpas ɛ yaak ninyi na wu i so ɛhaa nge gha, mee ne ɛNgɔn ɛNyi wo nzɛ ne ma yaak ɛbhɛ ɛhaa nge ɛnu ɛyisɛ nimalɛka ɛTaanggbey.

ɛLuka 18:8

Nzi tɔng nyini, aa nang nyini ɛbhɛ na nikɔn nɛ nibhɛ so ninaa nibhɛ na dodooy. Sɛ́ ne sɛ ɛNgɔn ɛNyi gha kɛ bhɛ kyii, ɛ sɛ ne sɛ ɛhaa ne ìnang ne itin ndɔ ɛzay ya bɛ?”

ɛLuka 21:36

Maa ku kyinak ɛn ɛkanang nga te ɛ roro ɛn cɛcɛɛy, te ɛTaanggbey ya nang nyini ito ne phee ndɔ nikɔn nɛnaa wo nɛ nibhɛ sɛ tes, ɛ ji sɛ ɛ kyinak ɛn ɛnu ɛyisɛ ɛNgɔn ɛNyi gha.”

ɛYohana 1:51

Ne ɛ yaak nibhɛ, “Nzi tɔng nyini itin nɛ, ɛ sɛ yaang ɛn irywa kɛ phaal le, nimalɛka ɛTaanggbey ji le ne ɛdak kɛ nibhɛ tɔmɔs nibhɛ ta i waase daa ɛNgɔn ɛNyi gha.”

ɛYohana 3:13

Sɔng ɛnyi kɛ ku wara daa ne irywa wo kang ne ɛNgɔn ɛNyi gha ne ɛ kɛ le ne ɛdak kɛ ɛ yɛɛs so nang.

ɛYohana 3:14

“ɛLi nɛ ɛMuusaa gha kaa yinɛ izɔ ne igyɔs de daa ne ihon no ndɔ ɛhay ya, ɛlɛy ne sɛ ne ma yinɛ ɛNgɔn ɛNyi daa ne ihon no,

ɛYohana 6:27

Sɔng ɛ tak ɛn iyɔm be daa ɛtomɛ ne tɔk ire de ne iphɛ sɛ́ bɛɛs se wo nang, yang tak ɛn iyɔm be daa ɛtomɛ ne tɔk ire de ne iphɛ i nang iken ne inat de. iRe yɛdee nggyɛ wo ne ɛNgɔn ɛNyi gha yaa ne nang nyini, daa ɛli ne ɛTaanggbey ne ɛ so ɛTaa bhɛ kɛ sim ɛbhɛ nɛ te ɛ mɔn ɛlɛy.”

ɛYohana 6:53

ɛYɛso gha ne yaak nibhɛ, “Nzi tɔng nyini itin nɛ, wu ɛ kɛ sang re ɛn ibek ɛNgɔn ɛNyi de ɛ ta sɔ ɛn neyi ɛbhɛ na, sɔng ne ɛ bok ɛn iken ndɔ mon nang.

ɛYohana 6:62

Sɛɛ ne ji yɔng ɛ kɛ yaang ɛn ɛNgɔn ɛNyi gha kɛ kyii ɛ waasey daa ɛlɔ gha ne ɛ kaa le wo lɛɛ?

ɛYohana 12:34

iDira ninyi de ne kyii nɛ nibhɛ yɔngɔ, “ɛShara gha bok njwii wu ɛKiriti gha sɛ soye ɛhaa ne inat. Aa mɔn ɛli ɛ yɔng wu sɛ yinɛ ɛNgɔn ɛNyi ghaa? ɛHay ɛbhɛ so ‘ɛNgɔn ɛNyi’ yɛghaa woo?”

ɛYohana 13:31

Kɛ ne sɛ ɛYahuza gha yek ghe, ɛYɛso gha ne yɔngɔ, “ɛLyilyɛghaa wo ne yaa ji tɔɔl ito-ndiinday ɛNgɔn ɛNyi de ne ma ta tɔɔl ito-ndiinday ɛTaanggbey lenɛ ne ɛbhɛ wo.

ɛTomɛ 7:56

ɛSitivin na ne yɔngɔ, “Yaang ɛn! Nzi yaang ɛdaa ne irywa wo so phere, ɛNgɔn ɛNyi gha kɛ ne kyinak ne iwɔ ne irwye ɛTaanggbey.”