ɛMacu 8:13 - ɛWee ne ìTsɛm iHywas

¹³ ɛYɛso gha ne yaak ɛndiinday nisooja na, “Hyel, yaa mɔn ɛli ne ˆɛ kɛ nang ne itin nɛ wo.” ɛKpuru ɛbhɛ gha ne te ɛken nɛ nten nɛ.

ɛMacu 8:13 ပူးပေါင်းရင်းမြစ်များ

ɛYohana 4:50

ɛYɛso gha ne kyii nɛ ɛ yɔngɔ, “Hyil lɛ! ɛNgɔn mo gha yaa shɛɛ ɛken.” ɛNyi gha ne nang ne itin nɛ ne ibol ɛYɛso de, ne ɛ kyii ɛ hyil le.

ɛMarakus 9:23

ɛYɛso gha ne yaak ɛkyɛɛ ɛngɔn na, “ɛYakɔn bhɛ kɛ te ɛ bok me wu naa yɛɛ nɛ woo? Sɔng ɛkɔn i bɛ ɛnyi gha ne ɛ kɛ nang ne itin nɛ wo nang.”

ɛMacu 17:20

ɛYɛso gha ne kyii nɛ ɛ yɔngɔ, “Daa ɛli ne ìnang ne itin mon de kɛ taasek. Nzi tɔng nyini itin nɛ, ɛ sɛ kyi bok ɛn ìnang ne itin de ncɛt te itsara ne imɔsita, ɛ sɛ ne yaak ɛn ɛwarang ngɛ woo, ‘Shompe yɛ ɛbɛ wo te ɛ cwi gɔɔ nggyɛ,’ ɛbhɛ sɛ ne shompeey, sɔng ɛkɔn sɛ ne bɛ nyini nang.

ɛMacu 15:28

ɛYɛso gha ne kyii ɛkuk ka nɛ, ɛ yaak ɛbhɛ, “ɛKuk, ɛ bok ìnang ne itin gbom! ɛKɔn na ne ɛ sim mo, yaa mɔn nɛ nɛ.” ɛLap ɛkuk ka ne shii te ɛken nɛ ne nten nɛ.

ɛMacu 9:22

ɛYɛso gha ne hyereey, ne ɛ yaang ɛkuk ka ne ɛ yaak ɛbhɛ, “ɛLap, sɔng ɛ sap nang, ìnang ne itin mo de kɛ phɔt tɛ.” Nɛ ne nten nɛ ɛkuk ka ne shii te ɛken.

ɛMacu 8:4

ɛYɛso gha ne yaak ɛnyi gha, “Yaang, sɔng ɛ mɔng ɛnyi ibol lɛ nang, yang cwi ɛlɔ ɛbo gha te ɛbhɛ tɔɔrek ito mo, ɛ ji hap itsanga de ne ɛMuusaa gha kɛ yɛk ngɛ wo, tɛ ninyi na ne ji seng wu ɛ kɛ te ɛken na.”

ɛMarakus 7:29

ɛYɛso gha ne yaak ɛkuk ka, “Daa ne ibol lɛdee wo ne ɛ kɛ kyii me nɛ wo, kyii ɛ hyil lɛ, niphoo na kɛ wuru ndɔ ɛlap mo gha.”