ɛMacu 8:12 - ɛWee ne ìTsɛm iHywas

¹² Ne ji tuul ninyi na nɛ nibhɛ soye ninaa ɛTaanggbey ya, i cwaasek nibhɛ ndɔ ɛlɔ gbyik, ɛlɔ gha nɛ nibhɛ sɛ bhɛ san ne ntsɛk ne izinɛ.”

ɛMacu 8:12 ပူးပေါင်းရင်းမြစ်များ

ɛMacu 25:30

Ne ɛ wum ɛn ɛkpuru ɛbebhe yɛghaa wo ɛ cwaak ɛn ɛbhɛ ndɔ ɛlɔ gbyik, ɛlɔ gha bhɛ san ɛ tɛnɛ izinɛ.

ɛLuka 13:28

“Ɛ sɛ ne san ɛn ne ntsɛk ne izinɛ, sɛ́ sɛ ɛli ne ɛ kɛ yaang ɛn ɛBaraying ngegha, ne ɛShaaku gha, ne ɛYakub pa gbik nɛ ninabawa ndɔ ne igbɔm ɛTaanggbey ba, kɛ ji hana nyini gɔɔ wo.

ɛMacu 21:43

“iPhɛ ɛlɛy, nzi ne tɔng nyini, yaa ne phɔt igbɔm ɛTaanggbey ba ne nyinɛn no, i nang ninyi na nɛ nibhɛ yaa yɛk ɛTaanggbey yegha ikpam iywɛnɛng.

ɛMacu 13:50

Nibhɛ cwaasek ninyi ne bebhe na ndɔ ne ɛgbaang ne igboo, ɛlɔ gha nɛ nibhɛ sɛɛ bhɛ san nɛ nibhɛ i re izinɛ.”

ɛMacu 13:42

Nibhɛ cwaak nibhɛ ndɔ ne ɛgbaang ne igboo, ɛlɔ gha nɛ nibhɛ sɛɛ san nɛ nibhɛ re izinɛ.

ɛMacu 24:51

ɛKyɛɛ ne ijwee ɛkpuru yɛghaa nggyɛ wo sɛ ne bak ɛbhɛ nggbang gbom, ɛ cwaak ɛbhɛ ɛlɔ gha ne ku kɛ tek niluk ghe nɛ. ɛNggyɛ wo ne ɛ sɛ bhɛ san ɛ re izinɛ.

ɛYahuza 1:13

Nibhɛ sos te igbugbung inɛn, nikɔn ncwa nibhɛ na ne so te ifurum mɛ ne ifɛ i phele ifɛ kyi ifɛ phu, ifɛ birit. Nibhɛ so tɛ niyuyɔrɔ nɛ nibhɛ kaan shwaa, ninaa ne kɛ ku tul ɛlɔ gbyighilik ne inat kang i tek nibhɛ nɛ.

2 ɛBiturus 2:17

Ninaa ne tɔng irywɛɛk kɛdaa nggyɛ wo so te irong ne iphɛ sang inɛn, te inɔp ne igbil i tobhos. ɛTaanggbey ya kɛ ne ku ryɔng nibhɛ ɛlɔ ndɔ ne ɛgbaang ne ibong gbyighilik.

2 ɛBiturus 2:4

Sɔng ɛTaanggbey ya kaa san iyɔm nimalɛka de nɛ nibhɛ kaa mɔn ɛfɔt to nang, ɛ kaa yang yɛk ngɛ i robhos nibhɛ i cwaasek nibhɛ ndɔ ne ijwee ne igboo, ndɔ ne ivong igbyik ɛlɔ gha ne kɛ tek nibhɛ nɛ nibhɛ hyep ɛtuk ɛshara gha.

iRooma 9:4

Nibhɛ bhɛ so niSɛrɛla. Nibhɛ ne ɛTaanggbey ya kɛ ne bo nibhɛ teye ninɔn ɛbhɛ, ɛ tɔɔrek nibhɛ ndiinday ɛbhɛ, ɛ rop ibol nɛ nibhɛ, ɛ nang nibhɛ iMɛmɛ ɛMuusaa, ɛ tɔɔrek nibhɛ ɛnkiinɛ ne re ntsong ntin, ɛ nang nibhɛ nikɔn na ne ɛ kɛ ku sim-mɛ.

ɛTomɛ 3:25

Nyinɛn ɛ so ɛn ninɔn ninabawa na, ɛ ta so ɛn ninɔn ne ìtsɛm ma ne ɛTaanggbey ya kaa ne ta rop nɛ nikyɛɛ mon na nten de ne ɛ kaa yaak ɛkyɛɛ mon ɛBaraying ngegha, ‘Sɛ ne lenɛ ne ihywee mo, ɛzay ya sɛ ne sɛ ɛwɛng gbigbik.’

ɛMacu 13:38

iHwap ba ifɛ soye ɛzay ya, ihywee izɛnɛng ngge ihywɛ ne soye ninyi na nɛ nibhɛ ne so ndɔ ne igbɔm ɛTaanggbey da, idik ge phɛ ne ji soye ninyi ɛShɛtan na.

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.