ɛMacu 7:25 - ɛWee ne ìTsɛm iHywas

²⁵ iNɛn ne reey, ihywel lo ne bonɛ ɛzay, igbil ne bɛm, ifɛ ne suun ijwee wo gbom, sɔng ifɛ ne ho nang daa ɛli ne kɛ lɔl ifɛ ne ɛphang.

ɛMacu 7:25 ပူးပေါင်းရင်းမြစ်များ

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

iKɔlɔsi 2:7

ˆƐ see ɛn iling ˆɛ lɔl ɛn nyini ndɔ ɛbhɛ te ìnang ne itin mon de yɛk ihwet ɛli ne njwi kɛ ku mɛmɛ nyini nɛ wo, irway ihwala mon da yɛɛnɛ njɛnjɛt ɛbyin nɛ loghɛt.

1 ɛBiturus 1:5

iSha mon nɛdee lɛ, nyinɛn no ne ɛTaanggbey ya i hyep nyini daa ne ihwet ɛbhɛ lenɛ ne ìnang ne itin mon de. iCwas ɛbhɛ da i bo te ɛ sɛ ɛn iphɔrɔt da ne sɛ phaal ɛtuk ne taal ɛzay ya.

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

1 ɛYohana 2:19

Ninaa ne iphup ɛKiriti yɛnaa wo kaa so ndɔ njwɛɛn ne ile, nibhɛ kɛ ne tek njwɛɛn, daa ɛli ne sɔng nibhɛ gha ku soye ninaa njwɛɛn nang. Sɛ yɔng nibhɛ kaa ku soye ninaa njwɛɛn na, nibhɛ sɛ ne tɔ ne njwɛɛn no. Nibhɛ kɛ tek njwɛɛn, iwuru nibhɛ da kɛ ne tɔɔrek kpas wu hang nibhɛ soye ninaa njwɛɛn.

ɛMacu 16:18

Nzi ne tɔng ngɛ igyɛ ne ɛ soyɛ ɛBiturus, ɛ soye ɛphang, daa ne ɛphang ngɛwoo wo ne nzɛ ne lɔl ne idira ninaa ne roos nge de. Sɔng iku sɛ ne phyin iphɛ ne ihwet tang.

ɛMacu 7:24

“iPhɛ ɛlɛy, ɛhiha ɛnyi ne ɛ kɛ tenes ivol lɛdaa wo, ɛ ji mɔn ɛtomɛ ne ifɛ, ne ɛ so te ɛnyi ɛntsɛntsɛng ne ɛ kɛ lɔl ijwee ɛbhɛ daa ne ɛphang.

ɛMacu 7:26

“ɛHiha ɛnyi ne ɛ kɛ ne tenes ivol lɛdaa wo ɛ sang mɔn ɛtomɛ ne ifɛ, ne ɛ so te ɛwamang ɛnyi ne ɛ kɛ lɔl ijwee ɛbhɛ wo ne imumu.

ɛMacu 7:27

iNɛn ne reey, ihywel lo ne bonɛ ɛzay, igbil ne bɛm, ifɛ ne suun ijwee wo gbom, ifɛ ne hoghɛse gburung! Gburung!”