ɛMacu 7:22 - ɛWee ne ìTsɛm iHywas

²² ɛTuk ɛshara gha, ninyi gbom sɛ ne yɔngɔ, ‘ɛDaray, ɛDaray!’ nJwi kaa bo irywɛɛk mo wo njwi tɔng ninyi ibol ɛTaanggbey de, ndɔ ne irywɛɛk mo wo, njwi kaa ne ta tuul niphoo gbom, njwi ta mɔn nikɔn ne kparat gbom.

ɛMacu 7:22 ပူးပေါင်းရင်းမြစ်များ

ɛMacu 10:15

Nzi ne tɔng nyini itin nɛ, sɛ ne san iyɔm ɛgarang ne iSɔdɔm gbik ne iGomora i phyin ɛgarang ngɛghaa nggyɛ wo ɛtuk ɛshara gha.

ɛMacu 24:36

“Sɔng ɛnyi i yɛɛ ɛtuk kɛ ne nten nɛ nang, sɔng nimalɛka ɛdaa ne irywa nang, sɔng ɛNgɔn na ma yung yɛɛ nang, ɛkyɛɛ gha zɔng ɛbhɛ yɛɛ ɛtuk kɛ.

ɛMacu 25:11

Ne phyɔngɔle, niwamang ngɛnaa nggyɛ wo ne ji tuu, nibhɛ ne yɔngɔ, ‘ɛNdiinday, ɛndiinday, phaal njwi ɛlɔ yɛ.’

ɛMacu 7:21

“Sɔng gbik ɛnyi gha ne ɛ ma shii yeres me, ‘ɛDaray, ɛDaray’ ya sɛ bhɛ lel daa ne igbɔm ɛdaa ne irywa da nang, yang so ɛnyi gha ne ɛ kɛ mɔn ɛkɔn na ne ɛKyɛɛ nge ɛdaa ne irywa gha i sim.

ɛLuka 10:12

Nzi ne tɔng nyini itin nɛ, sɛ ne sɛ̀ ɛTuk ɛShara gha nang, ɛTaanggbey ya sɛ ne bo ɛbɔk nɛ ninaa ne iSɔdɔm, ɛ phyin ninaa ɛgarang ngɛnaa nggyɛ wo.”

ɛYohana 11:51

Sɔng ɛ kaa boote ɛlɛ wo lenɛ ne icwas ɛbhɛ nang. Ɛ kaa boote ɛlɛ wo daa ɛli ne ɛbhɛ kaa soye ɛGɔm nibo ɛTaanggbey ya nɛ ne ishay yɛ. iVol ɛbhɛ da kaa ne so te ivaa ɛnɛbi, ifɛ kaa i bo wu ɛYɛso gha yaa ku ɛlɔ igbagha niYahodawa na.

1 iTasɔlɔnika 5:4

Nigwaa en, sɔng ne ˆɛ so ɛn ɛlɛ wo nang. Sɔng ɛ so ɛn ndɔ gbyik ne ɛtuk kɛghaa nggyɛ wo sɛ ma sɛ nyini dirik te ɛhaa ɛyi gha nang.

2 iTasɔlɔnika 1:10

Sɛ́ sɛ ɛ kɛ yɛɛs ɛtuk kɛghaa nggyɛ wo te ɛ say ndiinday de ɛlɔ ninyi ɛbhɛ na, tɛ ninaa ne ìnang ne itin de ne yaang ɛbhɛ ɛkɔn ne kparat. ɛKɔn neghaa wo kɛ ne byinki ne nyinɛn, daa ɛli ne ˆɛ kɛ nang ɛn ne itin nɛ ne ishɛɛda de ne njwi kɛ tɔng nyini daa ɛbhɛ wo.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 1:18

Te ɛDaray yɛk ngɛ ɛNisipharus sa sɛ isan iyɔm ɛTuk ɛDaray ya. iGyɛ wo ˆɛ yɛɛ ihywee ne phyik ga ne ɛ kɛ phyik me ne iFisus de.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.