ɛMacu 7:21 - ɛWee ne ìTsɛm iHywas

²¹ “Sɔng gbik ɛnyi gha ne ɛ ma shii yeres me, ‘ɛDaray, ɛDaray’ ya sɛ bhɛ lel daa ne igbɔm ɛdaa ne irywa da nang, yang so ɛnyi gha ne ɛ kɛ mɔn ɛkɔn na ne ɛKyɛɛ nge ɛdaa ne irywa gha i sim.

ɛMacu 7:21 ပူးပေါင်းရင်းမြစ်များ

iRooma 2:13

Sɔng i tenes ɛShara gha zɔng iphɛ te i say ɛnyi gha wu ɛ so cik ɛlɔ ɛTaanggbey ya nang, i yang say ɛnyi gha ne ɛ kɛ roos ikpii ɛShara da gbik.

ɛLuka 6:46

“iKyee iphɛ kɛ te ɛ ma shii bok ɛn mɛɛn ‘ɛDaray, ɛDaray ya,’ ɛ kyii sang i mɔn ɛn ɛkɔn na ne nzi bo te mɔn ɛn noo?

ɛYakub 1:22

Te ɛn nyini ninaa ne mɔn ɛtomɛ ne ibol ɛTaanggbey de, sɔng ninaa ne tenes sɛ zɔng ngo nang, daa ɛli ne ˆaa yung luk ɛn ito mon.

ɛLuka 11:28

ɛYɛso gha ne kyii nɛ, ɛ yaak ɛbhɛ, “Ninaa ɛwɛng ngaa yang so ninaa nɛ nibhɛ kɛ phok ibol ɛTaanggbey de, nibhɛ roos iphɛ.”

ɛTitus 1:16

Nibhɛ bo wu nibhɛ i yɛɛ ɛTaanggbey ye, ɛtomɛ nibhɛ gha i ne kyi ton iyɛɛ ɛTaanggbey yeda. Nibhɛ soye ɛkɔn ne ishis, nisang-phok, sɔng nibhɛ kɛ ma yung jam mɛ nibhɛ sɛɛ mɔn ɛkɔn ɛyɛnɛng nga nang.

iBirani 4:6

Kaa tɔng iBol iYɛnɛng ngge daa ne ìfɔng ngɛdaa nggyɛ wo, sɔng ninyi na ne kaa ne tɔng nibhɛ wo kaa ne lel ɛlɔ ne phɔng nga nang daa ɛli nɛ nibhɛ kaa mbaray tang nang ne itin nɛ. iPhɛ ɛlɛy, ɛnkiinɛ sonɛ nɛ nihak ninyi sɛ bhɛ lel ne ìfɔng ngga.

ɛYohana 6:40

iShwim ɛKyɛɛ nge da i bo wu ɛhiha ɛnyi gha ne ɛ kɛ yaang me ne nzo ɛNgɔn ɛTaanggbey ya, ɛ nang ne itin nɛ ne mee, aa ne bok iken ne inat. Nzɛ ne yiisik ɛbhɛ ɛtuk ne taal ɛzay ya.”

Nikɔn ne kɛ Phaal 3:5

Gbik ɛnyi gha ne ɛ kɛ re ɛwɛng ne itsom mɛghaa wo, sɛ́ ne ma sɔɔl ɛbhɛ ɛtura ɛhala wo tɛ ninyi yɛnaa nggyɛ wo. Sɔng naa ne tul irywɛɛk ɛbhɛ ndɔ ɛwee ne iken no nang. Nzɛ ne kyinak ɛnu ɛyisɛ ɛKyɛɛ nge gha, gbik nɛ nimalɛka n yaak n yɔng wu ɛ soye ɛhaa nge.

1 ɛBiturus 4:2

iPhɛ ɛlɛy, nggbinggbing ɛ yaa shɛɛ ɛbyin ne ishwɛɛ ɛbhɛ gha ndɔ ɛzay yɛghaa wo ɛɛ roos ɛkɔn na ne ɛ so icwas ɛTaanggbey, sɔng ɛkɔn na ibek i sim nang.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

ɛMacu 12:50

Daa ɛli ne ɛhiha ɛnyi ne ɛ mɔn ɛkɔn na ne ɛKyɛɛ nge ɛdaa ne irywa gha sim mo, ɛbhɛ ne ɛ so ɛgwaa nge ɛras sa, ne ɛgwaa nge ɛkuk ka, ne ɛgyinɛ nge gha.”

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

ɛYohana 3:5

ɛYɛso gha ne kyii nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi ndɔ inɛn gbik ne iKabyik, sɔng ɛ sɛ ne bhɛ lel ne igbɔm ɛTaanggbey da nang.

ɛMacu 18:3

ne ɛ ji yɔngɔ, “Nzi tɔng nyini itin nɛ, wu ɛ kɛ sang hyere nyini ɛ te ɛn tɛ ninɔn nishɛɛrɛng, sɔng ɛ sɛ ne bhɛ lel ɛn ne iGbɔm ɛdaa ne irywa ba nang.

ɛYohana 7:17

ɛHiha ɛnyi ne ɛ kasa aa mɔn ɛkɔn na ne ɛTaanggbey ye sim mo, aa ne seng, hang nzi mɛmɛ ninyi na ne ɛkɔn na ne ɛ le daa ɛlɔ ɛTaanggbey yɔɔ, hang nzi yung mɛmɛ nibhɛ ɛhaa ne ito nge yɔɔ.

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

ɛMarakus 3:35

ɛHiha ɛnyi ne ɛ kɛ mɔn ɛkɔn na ne ɛTaanggbey ya sim, ɛbhɛ so ɛgwaa nge ɛras sa ne ɛgwaa nge ɛkuk ka. Ɛbhɛ ne ɛ ta so ɛgyinɛ nge gha dɔng.

1 iTasɔlɔnika 5:18

Nang ɛn ɛTaanggbey yegha irway ihwala ndɔ nikɔn na gbik, daa ɛli ne ɛbɛ wo ne ɛTaanggbey ya i sim ɛlɔ mon ndɔ ne ishwɛɛ ne ìtsɛm mon de ne ɛYɛso ɛKiriti gha.

iFisus 6:6

Sɔng ˆɛ mon ɛn ɛtomɛ gha nten de nɛ nibhɛ sonɛ wo, wu tɛ nibhɛ ji ton nyini wo nang. Yang mɔn ɛn ɛkɔn na ne ɛTaanggbey i sim ne irway mon ijwaan daa ɛli ne ˆɛ so ɛn nikpuru ɛKiriti na.

1 ɛBiturus 2:15

Daa ɛli ne icwas ɛTaanggbey da i sim te sɛɛ icwam ɛnu ninaa ne ivol iwamang ngge lenɛ nɛ nikɔn niyɛnɛng mon na ne ɛɛ mɔn ɛn no.

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

1 iTasɔlɔnika 4:3

Daa ɛli ne icwas ɛTaanggbey so te ɛ tul nyini kang. iPhɛ ɛlɛy ne ˆɛ tel ɛn ishwɛɛ ne nzangas de.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

ɛLuka 13:25

Sɛ́ sɛ ɛhaa ne ijwee kɛ yilitsik ɛ cwaal ɛnu ne izuk ɛbhɛ gha, ɛ sɛ̀ ne ji kyinak ɛn ne izay ˆɛ yaa hal ɛn ɛlɔ yɛ, ˆɛ roro ɛn ɛ yɔng ɛn, ‘ɛNdiinday phaal njwii ɛlɔ yɛ!’ Ne ɛ ne ji kyii nɛ, ɛ yɔngɔ, ‘Sɔng nzi yɛɛ nyini nang, sɔng nzi ne yɛɛ ɛlɔ gha ne ɛ le ɛn nang.’ ”

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

ɛLuka 18:25

ɛTsak! iPhɛ so phyongka ɛlangkumɛ lel ne ibong ɛluula ne ɛhaa ne iryat ta yaa lel ne igbɔm ɛTaanggbey ba.”

ɛMarakus 9:47

Wu irisɛ idaan mo iphɛ sɛ ne teyɛ ɛ mɔn ɛfɔt to nang, ne ɛ tul iphɛ ɛ hana. iPhɛ kɛ jam mɛ ɛ sɛ ikɛn ne inat de ne irisɛ idaan de ne aa bhɛ lel ndɔ ne ijwee ne igboo wo ne irwisɛ mo da gbik ko.

ɛMacu 19:24

Nzi ne kyii ta tɔng nyini, iphɛ so phyonka ɛlangkumɛ lel ne ibong ɛluula ne ɛhaa ne iryat ta yaa bhɛ lel dak ne igbɔm ɛTaanggbey da.”

ɛMacu 18:35

Ɛlɛy, ne ɛKyɛɛ nge gha ne ɛ so daa ne irywa wo yaa ne mɔn gbik ɛnyi gha ne ɛ kɛ mbaray tang hana ɛgwaa ɛbhɛ gha nɛ ndɔ ɛkyikyum ne irway ɛbhɛ gha.”

ɛYohana 15:23

Gbik ɛnyi gha ne ɛ mbaray me wo, ɛ ma mbaray ɛKyɛɛ nge ne mang.

ɛMacu 26:42

ɛYɛso gha ne ta kyii, ikyii ne ifaa yɛ ɛbhɛ boote ne ɛTaanggbey ya ɛ yɔngɔ, “ɛKyɛɛ nge, wu phɛ so ngbingbing te ne roos ibol mo de.”

ɛMacu 16:17

ɛYɛso gha ne kyii nɛ ɛ yaak ɛBiturus segha, “ɛSimɔn ne ɛ soyɛ ɛngɔn ɛYunana, ɛ soyɛ ɛhaa ɛwɛng! Sɔng ɛten ɛsii ɛbhɛ kɛ mɔng ngɛ ibol lɛdee wo nang, ɛKyɛɛ nge ne ɛ so daa ne irywa ɛbhɛ kɛ mɔng ngɛ.

Nikɔn ne kɛ Phaal 2:27

Ɛ sɛ ne re igbɔm ba daa nibhɛ wo ne ihwet, te sɛ yɔng wu ɛɛ hal nibhɛ ne ɛntsɛng ne igyɔs. Ɛ sɛ́ ne phɔsɔm nibhɛ, tɛ nibhɛ so iron ne itsom.”

ɛYohana 14:7

Sɛɛ yɔng ˆɛ kɛ seng ɛn mɛɛn no, ˆɛ sɛɛ ne maa seng ɛn ɛKyɛɛ nge gha. Yaa ne tsa izenge wo, ɛ kɛ ne seng ɛn ɛbhɛ, ɛ kɛ ne ta yaang ɛn ɛbhɛ.”

ɛYohana 5:17

ɛYɛso gha ne yaak nibhɛ, “ɛKyɛɛ nge gha maa tɔ ɛtomɛ gha, iphɛ ne so ngbingbing n ma mɔn ne mang.”

ɛMacu 26:39

ɛYɛso gha kɛ shompeey gyigyɔɔ, ɛ ho ne ivel, ɛyisɛ ɛbhɛ ne so ne ivel da, ne ɛ roo ɛ yɔngɔ, “ɛKyɛɛ nge, sɛɛ yɔng ˆaa sim ˆɛ sɛɛ ne ba me ɛhyihyangas nggbang ngɛdaa wo, gbik ne iphɛ ɛlɛy, sɔng nzi ne bo wu te ɛ roos idee nge nang, idee mo ne yaa roos.”

ɛMacu 18:10

“Wɛɛ ɛn nyini, sɔng ɛ bɛɛs ɛn ɛdɛng ndɔ ne ninɔn nishɛɛrɛng ngɛnaa wo nang. Nzi tɔng nyini, nimalɛka nibhɛ na i shɛɛ ɛlɔ ɛKyɛɛ nge daa ne irywa wo.”

ɛMacu 18:19

“Nzi ne ta bok nyini, wu ninyi ifaa ndɔ ɛzay ya kɛ sim me nɛ daa ɛdɛ ɛkɔn na nɛ nibhɛ roro, ɛKyɛɛ nge gha ne ɛ so daa ne irywa wo, aa ne mɔn nibhɛ ɛkɔn nɛ.

ɛMacu 25:10

“Kɛ ne sɛ nibhɛ bhɛ tɔ ɛlɔ ne say inɔɔy ba, ɛyiyaa ne yɛl la ne ji tuu. Nibhɛ iwii na nɛ nibhɛ kɛ ku ryɔng en no ne lel ɛlɔ ne idira tom ɛyɛl lo. Ne cwaal ɛnu ne izuk kɛ.