ɛMacu 7:15 - ɛWee ne ìTsɛm iHywas

¹⁵ “Wɛɛ ɛn nyini yɛnɛng ɛlɔ ninabawa ne irywɛɛk ka. Nibhɛ yɛɛset ɛlɔ mon na te ntsabhak, ɛlɛy ndɔ nibhɛ, nibhɛ ne so tɛ nibabu ne izaram nɛ nibhɛ.

ɛMacu 7:15 ပူးပေါင်းရင်းမြစ်များ

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

ɛMacu 24:11

Ninabawa ne irywɛɛk sɛ ne yɛɛset gbom nibhɛ ne luk ninyi na gbom.

iKɔlɔsi 2:8

Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

2 ɛBiturus 3:17

iPhɛ ɛlɛy, nigwaa nge ne nzi sim, daa ɛli ne ɛ ku yɛɛ ɛn ɛlɛ wo, ne ɛ shɛɛ ɛn ɛkanang, ɛlɔ nɛ imɛmɛ ne irywɛɛk ne ninaa ne sang roos ikpii da yaa yung hɔ ihywɛɛ mon nibhɛ te nyini ɛ ho ɛn.

ɛLuka 6:26

ɛKɔn ne ɛnik nyinɛn no nɛ ninyi na i ton nyini ɛlyilyɛghaa wo, ɛlɛy nɛ nikyɛɛ-nikyɛɛ nibhɛ na kaa mɔn ninabawa ne hal irywɛɛk ka nɛ.”

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

2 ɛTimɔti 4:3

Daa ɛli ne nten yaaso nɛ ninyi na sɛ mbaray imɛmɛ ne itin de. Nibhɛ sɛ yang tumɛ nikyɛɛ ne icwam nɛ nibhɛ yaa mɛmɛ nibhɛ nɛ nikɔn na ne itoro ne rangas nibhɛ i sim te iphɛ yaa phok.

iFilibi 3:2

Wɛɛ ɛn nyini yɛnɛng ɛlɔ ninyi nibebhe yɛnaa nggyɛ wo, ninyi na nɛ nibhɛ so tɛ nibabu na. Ninyi na nɛ nibhɛ bo wu iphɛ so nggbinggbing i hyɛ ɛhaa ne ɛ kɛ nang ne itin nɛ ne ɛDaray ya itee de.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iGalatiya 2:4

Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

ɛLuka 12:15

ɛYɛso gha ne ji boote nɛ ninyi na ɛ yaak nibhɛ, “Wɛɛ ɛn nyini yɛnɛng daa ne irisɛ nikɔn nigwaa mon da, daa ɛli ne sɔng iryat de ihywɛ nang ɛnyi gha iken de nang.”

Nikɔn ne kɛ Phaal 16:13

Ne n ji yaang ikpabyik ivebhe ifɛ cwat ne ifɛ so te itswambɔlɔk. iKpabyik kɛdaa nggyɛ wo kaa wuusi ndɔ ɛnu ne ɛgbaang ne izɔ igywebhe de, ne ɛnu ne inyam igywebhe de gbik ne ɛnu ɛnɛbi ne rywɛɛk ka.

iFisus 5:6

Sɔng ɛdɛ ɛnyi gha luk nyini ne ivol ɛbuu da nang. Nzo ihywee nikɔn nɛnaa wo bhɛ hɔ njenjek ɛTaanggbey de daa nisang-phok ka.

ɛTomɛ 13:40

Wɛɛ ɛn nyini yɛnɛng ɛkɔn na ne ɛTaanggbey ya kɛ bol ɛnu ninabawa na yaa yung sɛ nyini. ɛKɔn na ne ɛ bo,

ɛYohana 10:12

Sɔng ɛnyi gha ne kɛ kɔp ɛbhɛ wo ɛbhɛ so ɛhaa ntsabhak ka nang, sɔng ntsabhak ge ne so izee ɛbhɛ nang. iPhɛ ɛlɛy yaa ne sɛ ɛ kɛ yaang nibu-nizaram, ne ɛ tel ɛ tek ntsabhak ge. Nibu-nizaram ma ne ji sɛngɛre ntsabhak ge ihywɛ ne teye shwaa.

ɛMacu 16:11

iKyee phɛ kɛ ne te ɛ sang seng ɛn wu hang ibol ne ibɛrɛdi de ne nzi bol loo? Nzi bo ryɔng ɛn nyini ɛlɔ ne iyis niFarisawa de, ne idee niSadukyawa de.”

ɛMacu 16:6

ɛYɛso gha ne yaak nibhɛ, “Wɛɛ ɛn nyini yɛnɛng, ryɔng nyini ɛlɔ ne iyis niFarisawa de ne idee niSadukyawa de.”

ɛMacu 10:17

Wɛɛ ɛn nyini yɛnɛng ɛlɔ ninyi na, nibhɛ sɛ nang nyini ɛlɔ ne itɔrɔng nibhɛ, i ji bhɛ hal nyini ndɔ ne idee ne itsɔɔy nibhɛ de.

Nikɔn ne kɛ Phaal 17:6

Ne n yaang ɛkuk ka kɛ te ziizii nɛ neyi ninyi ɛTaanggbey ne kɛ tul kang gbik nɛ ninyi na ne kɛ phobho lenɛ ne ishɛɛda nibhɛ daa ɛYɛso. Ne sɛ nggɛ yaang ɛbhɛ wo ne n wum me zii.

ɛTomɛ 13:6

Nibhɛ ne bhɛ roos nigarang ne ikop ne iKuburus de gbik, nibhɛ ne phyii hɔn iPafos. ɛNggyɛy yo, nibhɛ ne bhɛ sɛ ɛdɛ ɛnyi ne iYahudiya gha ne ɛ so ɛnɛbi ne irywɛɛk ne kaa bok ɛbhɛ ɛBa-ɛYɛshuwa.

ɛMacu 7:14

ɛNu ne izuk ne iken na ne ji so nggbyak, ɛnkiinɛ yɛ ne ta bok nggbang, ninaa ne roos sɛ ne so ncɛt.

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.