ɛMacu 7:13 - ɛWee ne ìTsɛm iHywas

¹³ “Roos ɛn ɛnu ne izuk ɛnggbyak ka ɛ lel ɛn, daa ɛli ne ɛnu izuk ne ijwee ne igboo gha so halasa, ɛnkiinɛ yɛ ne ta so phyongka, ninaa ne roos sɛ ne so gbom.

ɛMacu 7:13 ပူးပေါင်းရင်းမြစ်များ

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 10:9

Mee n so ɛnu ne izuk ne ibang nga, ɛhiha ɛnyi ne ɛ kɛ roos ɛlɔ nge gha ɛ lel, aa ne phɔrɔt. Aa ne i leesel ɛ ta wuusi, ne i hyep ɛbhɛ yɛnɛng.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

ɛMacu 3:2

ɛ bo, “San ɛn ɛbɔk daa ɛli ne igbɔm ɛTaanggbey da yek cɛcɛk.”

ɛMacu 3:8

Mɔn ɛn nikɔn na nɛ nibhɛ yaa tɔɔrek wu ɛ kɛ san ɛn ɛbɔk ka.

2 iKɔrɔntos 6:17

iPhɛ ɛlɛy wuru ɛn ndɔ nibhɛ, hobhos ɛn nyini nɛ nibhɛ, n phok ɛTaanggbey ya. Sɔng ɛ dat ɛn ibebhe nang, ɛlɛy naa ne ji say nyini.

ɛMacu 23:13

“ɛKɔn ne ɛnik nyinɛn ninaa ne kpɛl ɛShara gha nɛ niFarisawa na! Ɛ so ɛn niluk! Ɛ kɛ cwaal ɛn ninyi na ɛnu ne izuk ne igbɔm ɛdaa ne irywa da, sɔng ɛ kɛ lel ɛn nang, sɔng ɛ kɛ ne kyii ta tek ɛn ninyi na nɛ nibhɛ sim nibhɛ aa lel lo nibhɛ lel nang.

Nikɔn ne kɛ Phaal 20:15

Gbik ɛnyi gha ne kɛ sang sɛ irywɛɛk ɛbhɛ ndɔ ne ɛWee ne iKen no, ne cwaak ɛbhɛ ndɔ ne ɛling ne igboo gha.

iFilibi 3:19

ɛGyeng nibhɛ so ibees se, ɛtaanggbey nibhɛ so iphul. Nibhɛ i hal ɛgyɛy ne iyɔm ne ncwa nibhɛ de, irway nibhɛ so daa nikɔn ɛzay.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

ɛTomɛ 3:19

iPhɛ ɛlɛy yang, ne ɛ san ɛn ɛbɔk te ɛ kyii ɛn ɛlɔ ɛTaanggbey ya te ɛ kuus nyini ɛfɔt mon no.

Nikɔn ne kɛ Phaal 20:3

ɛMalɛka gha kaa cwaak ɛbhɛ ndɔ ne ibong kyukyum be, ɛ cwaal, ɛ ji baa iphɛ te ɛ ring ɛbhɛ ne luk igbagha wo ishay ɛnom ɛdaan de phyii taal le. ɛTsim mɛ ɛlɛy ne ji biri ɛbhɛ i nang ɛbhɛ nten ncɛt.

1 ɛYohana 5:19

Njwɛɛn i yɛɛ wu njwɛɛn soye ninɔn ɛTaanggbey, ɛzay ya gbik ne so ne iwɔ ɛShɛtan.

ɛMacu 25:46

Nibhɛ sɛ ne ji bhɛ lel ndɔ ne nggbang ne inat, ninyi ne cik ka ne ma bhɛ lel ndɔ niken ne inat.”

ɛMacu 25:41

“ɛGɔm ma sɛ ne ji yaak ninaa ɛgɔɔ ne iwɔ ne itsan ɛbhɛ na, ‘Cwi ɛn gɔɔ, ɛ so ɛn ɛkawɛy, cwi ɛn ndɔ ne igboo ne sang kuuy yo ne kɛ ku ryɔng ɛShɛtan negha nɛwo gbik nɛ nimalɛka ɛbhɛ na!

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

iRooma 9:22

ɛLɛy ne ɛtomɛ ɛTaanggbey ya ne so. Ɛ kɛ sim aa tɔɔrek njenjek ɛbhɛ de ɛ ta tɔɔrek ihwet ɛbhɛ de kpas, ne ɛ ma kyi bo ɛbɔk gbom daa ninaa na ne iphɛ ku so aa te njenjek nɛ nibhɛ, nɛ ninaa ne iphɛ ku so yaa bees nibhɛ.

ɛLuka 14:33

Ɛlɛy ne iphɛ ne so, sɔng ɛdɛ mon yaa ne yɛɛ ne teye ɛngɔn ne icwam nge gha wu ɛ kɛ sang hana nikɔn na ne ɛ bok ko nang.”

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

ɛLuka 9:33

Ne sɛ ninyi na yaa tek ɛYɛso yegha, ɛBiturus sa ne shii yɔngɔ, “ɛNdiinday iphɛ kɛ jam mɛ ɛli ne njwi so ɛbɛ wo, shɛɛ yak te njwi ryɔng nyini ifo ifɛ icwat; idɛng yaaso idee mo, idɛng ne so idee ɛMuusaa, idɛng ne ji so idee ɛLiya.” Sɔng ɛ kaa ne i yɛɛ ɛkɔn na ne ɛ bol nang.

ɛMacu 7:14

ɛNu ne izuk ne iken na ne ji so nggbyak, ɛnkiinɛ yɛ ne ta bok nggbang, ninaa ne roos sɛ ne so ncɛt.