ɛMacu 6:31 - ɛWee ne ìTsɛm iHywas

³¹ iPhɛ ɛlɛy, sɔng ne ɛ tɔɔ sap ɛn ibol ɛkɔn de ne aa re ɛn ɛ ta sɔ ɛn no nang. Sɔng ne ɛ ta sap ɛn ibol ne ɛtura de ne aa yɛk ɛn nɛ wo nang.

ɛMacu 6:31 ပူးပေါင်းရင်းမြစ်များ

1 ɛBiturus 5:7

Tek ɛn ɛTaanggbey yegha nɛ nikɔn na nɛ nibhɛ tak nyini iyɔm be gbik, daa ɛli ne ɛbhɛ ɛ so ɛhaa ne wɛɛ nyini.

ɛLuka 12:29

“iPhɛ ɛlɛy, sɔng ne ɛ ma shii tas ɛn ɛkɔn na ne ˆaa re, ɛ sɔ ɛn no nang.

ɛMacu 4:4

ɛYɛso gha ne kyii nɛ ɛ yaak ɛShɛtan ne gha, “Kɛ ku haa ndɔ ne ɛWee ne iBol ɛTaanggbey yo i bo, ‘Sɔng ne ire de zɔng ne ɛnyi gha i shɛɛ nɛ ɛken na nang. ɛNyi gha yaa yang shɛɛ ɛken na daa ne gbik idɛ, ibol de ne iphɛ kɛ wuru ɛlɔ ɛTaanggbey.’ ”

ɛMacu 15:33

Ninɔn ne icwam ɛbhɛ na ne yaak ɛYɛso yegha, “Njwɛɛn naa le ne ire de ɛbii ndɔ ɛhay yɛghaa wo ne phɛ yaa hɔn idira ninyi yɛdee woo?”

ɛMacu 6:25

“iPhɛ ɛlɛy nzi ne bok nyini, sɔng ˆɛ sap ɛn ibol ɛkɔn de ne ˆaa re ɛn, ˆɛ sɔ ɛn nang. Sɔng ne ˆɛ tas ibol ne itsura de ne aa yɛk ɛn nyini nɛ ne ibek nang. Nzi shɛɛ bo iken de phyin ire de? Nzi ne ta bo ibek ge ne ma ta phyin itsura da nang?

ɛMacu 6:27

Ɛya phɛ yɛ ndɔ mon no ne ɛ Sɛɛ sap po ɛ phyii hante ne ɛwa ɛdaan ndɔ nituk ɛbhɛ naa?

ɛLuka 10:41

ɛYɛso gha ne kyii nɛ, ɛ yaak ɛbhɛ, “ɛMata yɛɛ! Nzi yaang ɛ bok icwas mo daa nikɔn gbom.

ɛLuka 12:11

“Sɛ ne sɛ kɛ phɛ nɛ nyinɛn ne idee ne itɔɔy de, ne ɛlɔ nigɔm ma gbik ne ɛlɔ nindiinday ya, sɔng ɛ sap ɛn ibol de ne ˆaa bhɛ kyii ɛn nɛ nang.

ɛLuka 12:22

ɛYɛso gha ne ji yaak ninɔn ne icwam ɛbhɛ na, iPhɛ ɛlɛy nzi ne bok nyini, sɔng ˆɛ sap ɛn ibol ɛkɔn de ne ˆaa re ɛn, ˆɛ sɔ ɛn nang. Sɔng ne ˆɛ tas ibol ne itsura de ne aa yɛk ɛn nyini nɛ ne ibek nang.

iFilibi 4:6

Sɔng ˆɛ sap ɛn ɛkɔn nang. Yang mɔng ɛn ɛTaanggbey yegha gbik nikɔn na ne ˆɛ sim ɛn ndɔ ne ibol ne ɛbhɛ, roo ɛn ɛbhɛ ne irway ihwala.