ɛMacu 6:2 - ɛWee ne ìTsɛm iHywas

² “iPhɛ ɛlɛy, wu aa nang ɛtaasek ka ɛkɔn na, sɔng ne ɛ tɔɔrek kpas tɛ niluk ka nɛ nibhɛ tɔɔsel ndɔ ne idee ne itsɔɔy de ne nkpiinɛ da nang. Nibhɛ mɔn ɛlɛ wo te ninyi na ji ton nibhɛ. Nzi ne tɔng nyini itin nɛ, nibhɛ kɛ ku say ilong nibhɛ de.

ɛMacu 6:2 ပူးပေါင်းရင်းမြစ်များ

ɛMacu 15:7

Nyinɛn no ne ɛ so ɛn niluk ka! iBol ɛShaa de kaa so itin nɛ ne ɛ kaa boote daa ne ito mon de ɛ yɔngɔ,

ɛMacu 16:3

I ne sɛ irywa wo kɛ seng, ifɛ sii ne ihwɛlɛ, ne ɛ yɔng ɛn wu inɛn yaa reey izenge wo. ˆƐ yɛɛ ne wɛɛ ɛn inɔp ˆɛ seng ɛn nyu nikɔn nɛ nibhɛ yaa tes, sɔng ˆɛ kɛ ne yɛɛ ne seng ɛn nyu nikɔn nɛ nibhɛ tes ne izam mɛdee wo nang.

ɛMacu 22:18

ɛYɛso gha ne ku yɛɛ idal nibhɛ de, ne ɛ yaak nibhɛ, “Nyinɛn niluk en! iKyee iphɛ kɛ te ˆɛ ten ɛn mɛɛn noo?

ɛMacu 23:5

“Nibhɛ mɔn nikɔn nibhɛ na tɛ ninyi yaang. Nibhɛ haa ikpɛn ne ɛWee ne iBol ɛTaanggbey de nibhɛ robhose ne icwiri gbik ne ibɔ wɛsɛrɛk. Nibhɛ ne hanas ne iwusang ne itsura nibhɛ ifɛ tes dɔrɔng.

ɛMacu 23:6

Nibhɛ sim nilɔ ne sooset ne igbaang ninyi ndɔ ne ijwira, nibhɛ ne ta i kasa nilɔ ne soos ne kɛ tek ninu nikɔɔn nɛ ndɔ ne idee ne itsɔɔy.

ɛMacu 24:51

ɛKyɛɛ ne ijwee ɛkpuru yɛghaa nggyɛ wo sɛ ne bak ɛbhɛ nggbang gbom, ɛ cwaak ɛbhɛ ɛlɔ gha ne ku kɛ tek niluk ghe nɛ. ɛNggyɛ wo ne ɛ sɛ bhɛ san ɛ re izinɛ.

ɛMacu 5:18

Nzi tɔng nyini itin nɛ, ɛdaa ne irywa wo ne ɛzay ya gbik sɛ taal le, sɔng ɛdɛ byibyɔɔrɔk gbik ne ɛdɛ ɛlyilying ne ibol ɛShara gha sɛ phee nang, sɛ shwaasek nibhɛ gbigbik.

ɛMacu 6:16

“Wu aa ne kuma ɛn no, sɔng ne ɛ bees ɛn ɛyisɛ mon na ɛli nɛ niluk ka i mɔn no nang, daa ɛli nɛ nibhɛ bees ɛyisɛ nibhɛ gha tɛ ninyi ji seng wu nibhɛ kuma. Nzi tɔng nyini itin nɛ nibhɛ kɛ ne ku say ilong nibhɛ.

ɛMacu 6:3

Wu aa nang ɛtaasek ka ɛkɔn na, sɔng ne ɛ sim ɛn ɛnyi seng ɛkɔn na ne ɛɛ mɔn ɛn no nang,

ɛMacu 6:5

“Wu ˆaa ne bol ɛn ne ɛTaanggbey ya, sɔng ne ˆɛ roo ɛn tɛ niluk ka nang, daa ɛli nɛ nibhɛ kyinasek tsik ndɔ ne idee ne itsɔɔy gbik nɛ nilamas ne nkpiinɛ nibhɛ roro tɛ ninyi ji yaang nibhɛ. Nzi tɔng nyini itin nɛ nibhɛ kɛ ku say ilong nibhɛ.

ɛMacu 7:5

iGyɛ wo ne ɛ soyɛ ɛluk ka, yang tsa ɛ tul ngguk ne ihon ndɔ ne irisɛ mo de, aa ne ji wɛɛ ywɛywɛy ɛ ji yaang ɛli ne aa tul ɛnkɔlɔng ne irisɛ ɛgwaa mo de.

ɛMarakus 12:39

Nibhɛ sim tɛ nibhɛ sɛ sooset nilɔ ninu nikɔɔn ndɔ ne itɔɔy, nibhɛ ne ta i kasa nilɔ ne igbaang ninyi nibhɛ sooset nɛ ne ijwira.

ɛMarakus 7:6

ɛYɛso gha ne kyii nɛ ɛ yaak nibhɛ, “Nyinɛn niluk en, ibol ɛNɛbi ɛShaa de so itin nɛ ne ɛ kaa haa ɛ bo, ɛTaanggbey ya bo, ‘Ninyi yɛnaa wo i naas me ne ndiinday de ne ɛnu zɔng, irway nibhɛ da ne so kyaam ne mee.

ɛLuka 11:41

Sɛɛ yɔng aa nang ɛn nihala na ɛkɔn na ne ɛ bok ɛn no, aa ne te ɛn iwɛwɛy.”

ɛLuka 11:43

ɛKɔn ne ɛnik, nyinɛn niFarisawa wo, daa ɛli ne ɛ sim tɛ sɛɛ naas nyini nilɔ ne igbaang ninyi ne idee ne itsɔɔy ba, ˆɛ ta i sim ɛn te sɛɛ kyiisi nyini ndɔ nitungga.

ɛLuka 12:33

Lɛbhɛl ɛn nikɔn mon na gbik, te ɛ nang ɛn nihala. Aa ne ji sɛ ɛn irambak ne ijam ne hame iphɛ bees se, iryat ɛdaa ne irywa ne hame ihywɛ taal le, sɔng ninaa ɛyi ne bo nang, sɔng nzuu ne ta bees sang.

ɛLuka 12:56

niLuk en! Ɛ yɛɛ ne seng ɛn ɛli ne ɛzay ya hyel; ikyee iphɛ kɛ ne te aa sang seng ɛn nten ne izam mɛdee woo?”

ɛLuka 13:15

ɛDaray ya ne kyii nɛ, ɛ yɔngɔ, “Nyinɛn niluk ghe, ɛrɔngɔ yaa tul ᐩigyol ɛbhɛ ne ɛjaakyi ɛbhɛ, ɛbhɛ nang ɛbhɛ inɛn ɛtuk ne iwɛsɛ gha.

ɛLuka 20:46

“Wɛɛ ɛn nyini yɛnɛng ɛlɔ Ninaa ne Kpɛl ɛShara gha. Nibhɛ sɔsɔɔy igbaang ne itsura cɛcɛɛy, nibhɛ ne ji sim te sɛɛ kyiisi nibhɛ, ta naas nibhɛ ne ndiinday ndɔ nitungga. Nibhɛ ne ta i sim tɛ nibhɛ sɛ sooset nilɔ ninu nikɔɔn ndɔ ne itsɔɔy, nibhɛ ta i kasa nilɔ ne igbaang ninyi nibhɛ sooset nɛ ne ijwira.

ɛLuka 6:24

“iPhɛ ne so nyini ɛkɔn ne ɛnik, nyinɛn no ne ɛ bok ɛn iryat de ɛlyilyɛghaa wo, ɛ kɛ ku phok iyɛnɛng mon de.

ɛLuka 6:42

Aa mɔn ɛlii ɛ yaak ɛgwaa mo gha, “Yɛɛs te n tul lɛ ɛnkɔlɔng ne irisɛ mo wo,” ɛ ji sang yaang ngguk ne ihon de ne iphɛ so yɛ ndɔ ne irisɛ mo dee? iGyɛ wo ne ɛ soyɛ ɛluk ka, yang tsa ɛ tul ngguk ne ihon de ne irisɛ mo de nyɛɛn, aa ne ji wɛɛ yɛnɛng ɛ tul ɛnkɔlɔng ne irisɛ ɛgwaa mo de.

ɛYohana 13:29

ɛLi ne ɛYahuza gha ɛbhɛ kaa boos nibhɛ ijam be nang, nibhɛ kaa ne i wɛɛ te ɛYɛso gha bok ɛbhɛ wu te ɛbhɛ say ɛkɔn na nɛ nibhɛ sɛ re ne iDira de, ɛbyin nɛ ne i wɛɛ te ɛ bok ɛbhɛ wu te ɛ nang ninyi nihala ɛkɔn.

ɛYohana 5:41

“Sɔng nzi ne tɔk tɛ niten nisii nibhɛ sɛɛ dɛp me nang.

ɛYohana 5:44

Ɛ ku tɔk ɛn te ɛ sɛɛ dɛp ɛn nyini ndɔ mon; sɔng ɛ sim ɛ tɔk ɛn idɛp ɛTaanggbey da ne ɛ so ɛdaan zɔng ngo nang. Aa ne mɔn ɛn ɛlii ɛ nang ne itin nɛ ne mee woo?

ɛYohana 7:18

ɛNyi gha ne ɛ bol ivol ne ito ɛbhɛ da, ɛ mɔn ɛlɛy te ɛ sɛ ito ɛbhɛ ndiinday. ɛNyi gha ne ɛ sim te sɛ nang ɛhaa ne ɛ kɛ tom ɛbhɛ ndiinday de, ɛ so ɛhaa ne itin nɛ; sɔng irywɛɛk ne so ndɔ ɛbhɛ wo nang.

ɛTomɛ 10:2

ɛKɔnɛliyas sa nɛ ninaa ne ijwee ɛbhɛ gbik kaa ne i phok ɛnik ɛTaanggbey ne ɛ phyighis ninyi nihala ɛ ta i bol ne ɛTaanggbey cɛcɛɛy.

ɛTomɛ 10:31

Ne ɛ yaak me, ‘ɛKɔnɛliyas, ɛTaanggbey ya kɛ say ivol mo da ne ɛ kɛ bol ne ɛbhɛ wo. Ɛ ne tas ne izɛɛng ngge ne ɛ naas ninyi nihala na.

ɛTomɛ 10:4

ɛKɔnɛliyas sa ne wum ɛnik ɛ see ɛmalɛka gha ne irwisɛ, ɛ phom ɛbhɛ ɛ yɔngɔ, “ɛDaray, ikyee lɛɛ?” ɛMalɛka gha ne kyii nɛ ɛ yaak ɛbhɛ, “ɛTaanggbey ya kɛ say ivol da ne ɛ bol nɛ ɛbhɛ wo gbik nɛ nikɔn niyɛnɛng nga ne ɛ mɔn nihala na nɛ wo. Ɛ kɛ say nibhɛ te ihap itsanga.

ɛTomɛ 11:29

Ninaa ne roos ne iNtakiya na ne bol nibhɛ sime nɛ wu ɛrɔngɔ yaa nang ɛkɔn na ne aa yɛɛ ne nang ngɛ te i phyik ninaa ne roos ne iYahudiya na nɛ.

ɛTomɛ 24:17

“Kɛ ne sɛ ɛtsim ishay maa ne hame nzo ne iYɛrushɛlɛm be, nggɛ ne yɛɛs ne te i nang ninyi mos ijam ne ihywɛ so iphyik te ne n da nang ɛTaanggbey ye.

ɛTomɛ 9:36

ɛDɛ ɛhaa ne roos sa kaa ne sonɛ ne iYopa ne kaa bok ɛbhɛ ɛTabita, ne ta yeres ɛbhɛ ɛDokas ne ilem ne iGirik. ɛTabita gha kaa mɔn nikɔn niyɛnɛng cɛcɛɛy, ɛ ta phyighis ninyi nihala.

iRooma 12:8

Wu izɛɛng ngɛ so izee ne tes ninyi itsɔngɔl gɛgɛy te ne ɛ tes itsɔngɔl de gɛgɛy yo, wu izɛɛng ngɛ ne so izee ne nang ɛkɔn, te ne ɛ nang ne irway walala, wu izɛɛng ngɛ ne so izee ne igbɔm, te ne ɛ boos ninyi na byirik, wu izɛɛng ngɛ ne so izee ne san iyɔm, te ne ɛ san iyɔm be ndɔ ne izinɛ ne ishwɛ.

1 iKɔrɔntos 13:3

Nzɛ kyi nang ɛkɔn na ne n bok gbik, n da nang ibek nge te wɔɔ, wu ne n sang bok ishwim ba, sɔng iphɛ yaa ne nang me ɛkɔn nang.

iGalatiya 2:10

Ɛkɔn na nɛ nibhɛ kɛ taate njwii nɛ zɔng, nibhɛ kaa yaak njwii te njwi tas nɛ ninyi nihala, icwas sɛ ne nggaa ne ma ku bok ne irway.

iFisus 4:28

ɛNyi gha ne ɛɛ hyel ɛyi, te ɛ kɔɔng ihyel ɛyi da te ne ɛ yaa mɔn ɛtomɛ ne ibɔ ɛbhɛ ɛli ne aa re ilong ɛbhɛ, te ɛ phyii sɛ ɛkɔn ɛli ne aa phyik ninyi nihala nɛ.

1 iTasɔlɔnika 2:6

Sɔng njwii tɔk te ɛten ɛsii bhɛ sɛ ton njwii nang. Hang nyinɛn yɔɔ, hang nihak ninyi yɔɔ, sɔng njwii sim nang. Sɛɛ yɔng njwii tɔk ko, njwi sɛɛ ne mɔn ɛtomɛ ne ihwet mos, ne njwi soye ninɔn ne tom ɛDaray ya njwi yɛk nyini nɛ ɛ phyik ɛn njwii.

1 ɛTimɔti 6:18

Yaak nibhɛ tɛ nibhɛ mɔn nikɔn niyɛnɛng, tɛ nibhɛ hɔn gbom ndɔ ne mɔn nikɔn niyɛnɛng nga, tɛ nibhɛ phyik ninyi na ne irway walala, nibhɛ yɛk irway ne nang.

ɛFilimɔn 1:7

Ɛgwaa, ishwin mo da kɛ nang me irway ihwala gbom, Ifɛ ne ta te me itsɔngɔl gɛgɛy. Daa ɛli ne ɛ hanas ninyi ɛTaanggbey ya ne ihwet.

iBirani 13:16

Sɔng ne ˆɛ te ɛn bap ne mɔn iyɛnɛng ngge gbik ne ìtsɛm ne phyighis ɛn ninyi na nɛ nikɔn na ne ˆɛ bok ɛn no nang. Mɔn ɛlɛ wo daa ɛli ne ihywee ne hap itsanga yɛdee nggyɛ wo i nang ɛTaanggbey irway ihwala.

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.