ɛMacu 6:14 - ɛWee ne ìTsɛm iHywas

¹⁴ “Wu ɛ kɛ hana ɛn ninyi nɛ nibhɛ kɛ mɔn nyini ɛfɔt to, ɛKyɛɛ mon ɛdaa ne irywa gha yaa ne ma hana nyini nɛ.

ɛMacu 6:14 ပူးပေါင်းရင်းမြစ်များ

iFisus 4:32

Yang yaa mɔn ɛn iyɛnɛng ndɔ mon, te ne ˆɛ san ɛn iyɔm nigwaa. Te ɛrɔngɔ hana ɛrɔngɔ nɛ ɛli ne ɛTaanggbey ya kɛ hana nyini ne wo lenɛ ne ɛKiriti gha.

ɛMarakus 11:25

Yaa ne sɛ aa roo ɛn no nang, ne ɛ kyi tsa ɛ han ɛn ninyi na nɛ nikɔn nikpɛɛ na nɛ nibhɛ kɛ mɔn nyini nɛ wo gbik, te ɛKyɛɛ mɔn na ne ɛ so daa ne irywa wo ne ma han nyini ne ɛfɔt mon no ne mang.

iKɔlɔsi 3:13

Boos ɛn ɛbɔk nɛ nigwaa na. Wu ɛdɛng ndɔ mon no kɛ ne bees ɛdɛng ngɛ, hana ɛn ɛbhɛ nɛ. Te ɛli ne ɛDaray ya kɛ hana nyini nɛ ɛfɔt mon no ne ˆɛ ma i han ɛn nyini nɛ.

ɛMacu 7:2

Daa ɛli ne ɛTaanggbey ya sɛ bhɛ hyɛ yɛ ɛshara gha ɛli ne ɛ kɛ hyɛ ɛbyin ninyi nɛ wo, ɛgyuuru gha ne ɛ kɛ nang ngo, ɛbhɛ ne sɛ ne nang ngɛ nɛ.

ɛYakub 2:13

Daa ɛli ne nten ne bol ɛshara de, sɔng ɛTaanggbey ya sɛ ne san iyɔm ɛnyi gha ne ɛ kɛ sang san iyɔm ɛbyin ninyi na nang. iSan iyɔm be sɛ ne yang re ɛwɛng daa ne hyɛ ɛshara gha.

ɛMacu 6:12

Hana njwii ne ɛfɔt mos so, ɛli ne njwi kɛ ma hana ninaa nɛ nibhɛ kɛ mɔn njwi ɛfɔt to nɛ wo.

1 ɛYohana 3:10

I yɛɛ ne seng ɛngɔn ɛTaanggbey ya ne ɛngɔn ɛShɛtan na ɛlɛ: Gbik ɛnyi gha ne hame ɛ mɔn ɛkɔn na ne ɛ so cik sɔng ne ɛ soye ɛNgɔn ɛTaanggbey ya nang, ɛhaa ne ɛ ne mbaray ɛgwaa ɛbhɛ sɔng ne ɛ soye ɛngɔn ɛTaanggbey ya nang.

ɛMacu 5:7

Ninaa ɛwɛng ngaa nggyɛy nɛ nibhɛ bok irway ne san iyɔm ba, daa ɛli ne ɛTaanggbey sɛ ma san iyɔm nibhɛ.

ɛLuka 6:37

“Sɔng ɛ hyɛ ɛn nigwaa mon na ɛshara gha nang, sɔng yaa ne ma hyɛ nyini nɛ nang. Sɔng ɛ hyɛ ɛn nigwaa mon na ɛshara nang, sɔng yaa ne ma hyɛ nyini nɛ nang. Han ɛn nigwaa mon na nɛ, sɛ ne ma han nyini nɛ.