ɛMacu 6:12 - ɛWee ne ìTsɛm iHywas

¹² Hana njwii ne ɛfɔt mos so, ɛli ne njwi kɛ ma hana ninaa nɛ nibhɛ kɛ mɔn njwi ɛfɔt to nɛ wo.

ɛMacu 6:12 ပူးပေါင်းရင်းမြစ်များ

iFisus 4:32

Yang yaa mɔn ɛn iyɛnɛng ndɔ mon, te ne ˆɛ san ɛn iyɔm nigwaa. Te ɛrɔngɔ hana ɛrɔngɔ nɛ ɛli ne ɛTaanggbey ya kɛ hana nyini ne wo lenɛ ne ɛKiriti gha.

ɛMarakus 11:25

Yaa ne sɛ aa roo ɛn no nang, ne ɛ kyi tsa ɛ han ɛn ninyi na nɛ nikɔn nikpɛɛ na nɛ nibhɛ kɛ mɔn nyini nɛ wo gbik, te ɛKyɛɛ mɔn na ne ɛ so daa ne irywa wo ne ma han nyini ne ɛfɔt mon no ne mang.

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iKɔlɔsi 3:13

Boos ɛn ɛbɔk nɛ nigwaa na. Wu ɛdɛng ndɔ mon no kɛ ne bees ɛdɛng ngɛ, hana ɛn ɛbhɛ nɛ. Te ɛli ne ɛDaray ya kɛ hana nyini nɛ ɛfɔt mon no ne ˆɛ ma i han ɛn nyini nɛ.

ɛLuka 11:4

Hana njwii ne ɛfɔt mos so, ɛli ne njwi kɛ ma hana ninaa nɛ nibhɛ kɛ mɔn njwii ɛfɔt to. Sɔng ɛ sim njwi ho ndɔ ne itɛrɛk ga nang.’ ”

ɛLuka 6:37

“Sɔng ɛ hyɛ ɛn nigwaa mon na ɛshara gha nang, sɔng yaa ne ma hyɛ nyini nɛ nang. Sɔng ɛ hyɛ ɛn nigwaa mon na ɛshara nang, sɔng yaa ne ma hyɛ nyini nɛ nang. Han ɛn nigwaa mon na nɛ, sɛ ne ma han nyini nɛ.

ɛTomɛ 13:38

“iPhɛ ɛlɛy nigwaa nge, seng ɛn wu kɛ lenɛ ne ɛYɛso gha ne hana nyini ne ɛfɔt mon no, sɔng kɛ lenɛ ne ɛShara ɛMuusaa nang.

ɛMacu 9:2

ɛNggyɛ wo nidɛng ninyi na ne yɛɛs ɛbhɛ ne ɛdɛ ɛnyi gha ne ɛ so ɛbaghat ɛ kɛ laal ne iphuurang. Kɛ ne se ɛYɛso gha kɛ yaang ìnang ne itin nibhɛ de, ne ɛ yaak ɛbaghat ta, “ɛNyɛn sɔng ɛ sap nang, kɛ hana yɛ ne ɛfɔt mo wo.”

ɛMacu 26:28

Neyi nge naa wo ne kɛ lok tɛ nibhɛ yaa shwaak ìtsɛm ihywas daa ninyi na gbom.

ɛLuka 13:4

Ninyi ɛnduwubɔ nɛ nibhɛ ɛnaras ne iSilɔm ma ne ijwee wo kaa ho daa nibhɛ ifɛ phobho nibhɛ wo lɛɛ? Ɛ ji wɛɛ ɛn te iphɛ kɛ tɔɔrek wu nibhɛ kaa phyin ɛbyin ninyi na nɛ nibhɛ so ne iYɛrushɛlɛm be ne ɛfɔt too?