ɛMacu 6:10 - ɛWee ne ìTsɛm iHywas

¹⁰ Te igbɔm mo da yɛɛs ndɔ ɛzay ya, te ne mɔn ɛkɔn na ne ɛ sim ndɔ ɛzay ya ɛli ne ma mɔn daa ne irywa wo.

ɛMacu 6:10 ပူးပေါင်းရင်းမြစ်များ

iBirani 10:36

iPhɛ so nggbinggbing ɛ bo ɛn ɛbɔk te ɛ mɔn ɛn ɛkɔn na ne ɛTaanggbey ya sim, te ɛ sɛ ne say ɛn ɛkɔn na ne kaa ku sim-mɛ wo.

ɛYohana 4:34

ɛYɛso gha ne yaak nibhɛ, “iRe nge de so; te mɔn ɛkɔn na ne ɛnyi gha ne ɛ kɛ tom me wo ɛ sim, te ne n taal ɛtomɛ gha ne ɛ kɛ nang me wo.

ɛMacu 26:42

ɛYɛso gha ne ta kyii, ikyii ne ifaa yɛ ɛbhɛ boote ne ɛTaanggbey ya ɛ yɔngɔ, “ɛKyɛɛ nge, wu phɛ so ngbingbing te ne roos ibol mo de.”

ɛMacu 12:50

Daa ɛli ne ɛhiha ɛnyi ne ɛ mɔn ɛkɔn na ne ɛKyɛɛ nge ɛdaa ne irywa gha sim mo, ɛbhɛ ne ɛ so ɛgwaa nge ɛras sa, ne ɛgwaa nge ɛkuk ka, ne ɛgyinɛ nge gha.”

1 iTasɔlɔnika 5:18

Nang ɛn ɛTaanggbey yegha irway ihwala ndɔ nikɔn na gbik, daa ɛli ne ɛbɛ wo ne ɛTaanggbey ya i sim ɛlɔ mon ndɔ ne ishwɛɛ ne ìtsɛm mon de ne ɛYɛso ɛKiriti gha.

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

ɛYohana 6:40

iShwim ɛKyɛɛ nge da i bo wu ɛhiha ɛnyi gha ne ɛ kɛ yaang me ne nzo ɛNgɔn ɛTaanggbey ya, ɛ nang ne itin nɛ ne mee, aa ne bok iken ne inat. Nzɛ ne yiisik ɛbhɛ ɛtuk ne taal ɛzay ya.”

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

iFisus 6:6

Sɔng ˆɛ mon ɛn ɛtomɛ gha nten de nɛ nibhɛ sonɛ wo, wu tɛ nibhɛ ji ton nyini wo nang. Yang mɔn ɛn ɛkɔn na ne ɛTaanggbey i sim ne irway mon ijwaan daa ɛli ne ˆɛ so ɛn nikpuru ɛKiriti na.

ɛMacu 7:21

“Sɔng gbik ɛnyi gha ne ɛ ma shii yeres me, ‘ɛDaray, ɛDaray’ ya sɛ bhɛ lel daa ne igbɔm ɛdaa ne irywa da nang, yang so ɛnyi gha ne ɛ kɛ mɔn ɛkɔn na ne ɛKyɛɛ nge ɛdaa ne irywa gha i sim.

1 ɛBiturus 2:15

Daa ɛli ne icwas ɛTaanggbey da i sim te sɛɛ icwam ɛnu ninaa ne ivol iwamang ngge lenɛ nɛ nikɔn niyɛnɛng mon na ne ɛɛ mɔn ɛn no.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

ɛMacu 3:2

ɛ bo, “San ɛn ɛbɔk daa ɛli ne igbɔm ɛTaanggbey da yek cɛcɛk.”

ɛLuka 22:42

ɛ yaak ɛbhɛ, “ɛTaa, sɛɛ yɔng aa sim, ɛ sɛɛ ne ba me ɛhyihyangas nggbang ngɛdaa wo. Gbik ne iphɛ ɛlɛy, sɔng nzi ne bo wu te ɛ roos ideeng nge de nang, idee mo ne aa ne roos.”

ɛYohana 7:17

ɛHiha ɛnyi ne ɛ kasa aa mɔn ɛkɔn na ne ɛTaanggbey ye sim mo, aa ne seng, hang nzi mɛmɛ ninyi na ne ɛkɔn na ne ɛ le daa ɛlɔ ɛTaanggbey yɔɔ, hang nzi yung mɛmɛ nibhɛ ɛhaa ne ito nge yɔɔ.

Nikɔn ne kɛ Phaal 19:6

ɛTsim mɛ ɛlɛy ne n da phok ɛdɛ ɛkɔn na te izok ninyi maa, te izok ɛyuus inɛn ne ɛ tel, te irywa ne tɛɛ. Ne n phok izɔlɔs sɛ bo, “Dɛp ɛn ɛTaanggbey ye! Daa ɛli ne ɛDaray ɛTaanggbey njwɛɛn na ɛbhɛ ɛ soye ɛHaa ne iTo gbik, ɛbhɛ ɛ soye ɛhaa ne re igbɔm!

1 iTasɔlɔnika 4:3

Daa ɛli ne icwas ɛTaanggbey so te ɛ tul nyini kang. iPhɛ ɛlɛy ne ˆɛ tel ɛn ishwɛɛ ne nzangas de.

ɛTomɛ 21:14

Ne sɛ njwi kɛ yaang ɛli ne yaa sang sunu ɛbhɛ irway da, njwi ne kunggbyak njwii yɔngɔ, “Te ɛDaray ya mɔn ɛkɔn na ne ɛ yaang ɛ kɛ jam ɛbhɛ.”

ɛTomɛ 13:22

Ɛtsim mɛ ne ɛTaanggbey ya kɛ tul ɛSool legha, ne ɛ yɛk ne ɛDoda ɛ teye ɛgɔm nibhɛ gha. ɛTaanggbey ya ne boote daa ne ito ɛDoda de ɛ yɔngɔ, ‘Nggɛ sɛ ɛDoda ye ne ɛ so ɛngɔn ɛYɛsɛ, ɛbhɛ so ɛnyi gha ne nggɛ cwaak ɛbhɛ ndɔ. Aa ne mɔn me nikɔn na gbik ne nzi sim te ɛ sɛ mɔn.’ ”

ɛMacu 4:17

Ne lenɛ nten nɛdee nggyɛ wo ne ɛYɛso gha ne tsa sanga ibol ɛbhɛ de ɛ bo, “San ɛn ɛbɔk, daa ɛli ne igbɔm ɛdaa ne irywa da yek cɛcɛk.”

Nikɔn ne kɛ Phaal 12:10

Ne n ji phok ɛgbaang ne izɔlɔs daa ne irywa wo, ihywɛ bo, “Nten nɛdee wo ne iphɔrɔt ɛTaanggbey njwɛɛn da, ne ito ɛbhɛ de ne igbɔm ɛbhɛ, ne ito ɛKiriti ɛbhɛ de kɛ shwaak ghe. Daa ɛli ne kɛ top ɛhaa ne banga ikun na, ikun nigwaa njwɛɛn na ndɔ ɛzay ya. Ɛbhɛ ɛ banga ikun nigwaa njwɛɛn de ɛnu ɛyisɛ ɛTaanggbey njwɛɛn na, ne igbey ne ɛtuk gbik.

1 ɛBiturus 4:2

iPhɛ ɛlɛy, nggbinggbing ɛ yaa shɛɛ ɛbyin ne ishwɛɛ ɛbhɛ gha ndɔ ɛzay yɛghaa wo ɛɛ roos ɛkɔn na ne ɛ so icwas ɛTaanggbey, sɔng ɛkɔn na ibek i sim nang.

iBirani 10:7

iPhɛ ɛlɛy, ɛKiriti gha kɛ ne yɔngɔ, ‘Mee woo bɛ ɛTaanggbey, nggɛ yɛɛs te n mɔn ɛkɔn na ne ˆɛ sim te ɛli ne kɛ ku haa ndɔ ne ɛWee ne iBol mo de.’ ”

ɛLuka 19:38

Nibhɛ bo, “Te sit ɛgɔm ma ne ɛ kɛ yɛɛs ndɔ ne irywɛɛk ɛDaray yo nɛ ɛwɛng. Kɛ ne sɛ irway ne laal ɛdaa ne irywa ne ito-ndiinday daa Nyu ne irywa.”

ɛMarakus 3:35

ɛHiha ɛnyi ne ɛ kɛ mɔn ɛkɔn na ne ɛTaanggbey ya sim, ɛbhɛ so ɛgwaa nge ɛras sa ne ɛgwaa nge ɛkuk ka. Ɛbhɛ ne ɛ ta so ɛgyinɛ nge gha dɔng.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛMarakus 11:10

“Te ɛTaanggbey ya sit igbɔm ɛkyɛɛ njwɛɛn ɛDoda da ne ifɛ yaaso wo ne ɛwɛng.” “Hosana ne ɛTaanggbey ɛdaa ne ɛnyu ne irywa gha.”

Nikɔn ne kɛ Phaal 11:15

ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

iBirani 1:14

ɛTsak, gbik nimalɛka na soye ikpabyik ne ifɛ mɔn ɛTaanggbey ye ɛtomɛ, ɛTaanggbey ya ne tomos nibhɛ tɛ nibhɛ phyik ninaa nɛ nibhɛ aa say iphɔrɔt da.

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

ɛLuka 19:11

Kɛ ne sɛ ninyi na so ndɔ ne tenes ivol ba, ɛYɛso gha ne tɔng nibhɛ idɛ ibol de ndɔ ne igɔrɔp, daa ɛli ne ɛ kaa yek cɛcɛk ne iYɛrushɛlɛm be ninyi na ne ji yaa wɛɛ te igbɔm ɛTaanggbey ba yungaa tuu.

ɛTomɛ 22:14

Ne ɛ ji yɔngɔ, ‘ɛTaanggbey nikyɛɛ-nikyɛɛ njwɛɛn na kɛ ku kasa yɛ te ɛ seng icwas ɛbhɛ. Te ɛ yaang ɛNyi gha ne i yeres ɛbhɛ ɛNyi ɛCik ka ɛ ta phok ibol ɛbhɛ.