ɛMacu 6:1 - ɛWee ne ìTsɛm iHywas

¹ “Wu aa mɔn ɛn ɛtomɛ ɛyɛnɛng nga, sɔng ne ɛ mɔn ɛn te ninyi na yaang nibhɛ ton nyini wo nang. Wu ɛ kɛ mɔn ɛn ɛlɛ wo, sɔng ɛ sɛ ne sɛ ɛn ɛkɔn ɛlɔ ɛkyɛɛ mon na ne ɛ so dak ne irywa wo nang.

ɛMacu 6:1 ပူးပေါင်းရင်းမြစ်များ

ɛMacu 23:5

“Nibhɛ mɔn nikɔn nibhɛ na tɛ ninyi yaang. Nibhɛ haa ikpɛn ne ɛWee ne iBol ɛTaanggbey de nibhɛ robhose ne icwiri gbik ne ibɔ wɛsɛrɛk. Nibhɛ ne hanas ne iwusang ne itsura nibhɛ ifɛ tes dɔrɔng.

ɛYohana 12:43

daa ɛli nɛ nibhɛ kaa sim idɛp niten nisii nibhɛ phyin idɛp ɛTaanggbey da.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

ɛLuka 16:15

Ne ɛ yaak nibhɛ, “Nyinɛn ɛ bo ɛn tɛ ninyi na ji ton nyini wo nang? ɛTaanggbey ya yɛɛ ɛduk ne irway mon ba gbik. Nikɔn na nɛ ninyi na ji wɛɛ tɛ nibhɛ so ɛkɔn na, nibhɛ ne so ɛkɔn ne ishis ɛnu ɛyisɛ ɛTaanggbey ya.”

iGalatiya 6:12

Ninyi na nɛ nibhɛ sim tɛ nibhɛ yaa yɛk nyini nɛ nggbinggbing ɛ hyɛghɛ ɛn icwee da, nibhɛ sim te sɛɛ yɔng wu nibhɛ mɔn ɛkɔn ɛyɛnɛng. Nibhɛ mɔn nyini ɛlɛ wo ɛlɔ nɛ nibhɛ yaa yung sɔ nggbang daa ne ibol ne gangat ɛKiriti ye.

ɛYohana 5:44

Ɛ ku tɔk ɛn te ɛ sɛɛ dɛp ɛn nyini ndɔ mon; sɔng ɛ sim ɛ tɔk ɛn idɛp ɛTaanggbey da ne ɛ so ɛdaan zɔng ngo nang. Aa ne mɔn ɛn ɛlii ɛ nang ne itin nɛ ne mee woo?

2 ɛYohana 1:8

Wɛɛ ɛn nyini yɛnɛng ɛlɔ ne ˆɛ sɛ yung wɔs ɛn ilong ɛtomɛ mɔn de, te yang bhɛ tal nyini ilong mon de hyɔrɔ.

ɛMarakus 8:15

Kɛ ne sɛ nibhɛ so ndɔ ne ihywel ba nang, ɛYɛso gha ne kpɛngke nibhɛ ndɔ ne ivol ne igɔrɔp ɛ yaak nibhɛ, “Wɛɛ ɛn nyini hywɛɛ ne iyis niFarisawa de gbik ne idee ɛHyiridus de.”

ɛMacu 6:16

“Wu aa ne kuma ɛn no, sɔng ne ɛ bees ɛn ɛyisɛ mon na ɛli nɛ niluk ka i mɔn no nang, daa ɛli nɛ nibhɛ bees ɛyisɛ nibhɛ gha tɛ ninyi ji seng wu nibhɛ kuma. Nzi tɔng nyini itin nɛ nibhɛ kɛ ne ku say ilong nibhɛ.

ɛMacu 16:6

ɛYɛso gha ne yaak nibhɛ, “Wɛɛ ɛn nyini yɛnɛng, ryɔng nyini ɛlɔ ne iyis niFarisawa de ne idee niSadukyawa de.”

ɛLuka 12:15

ɛYɛso gha ne ji boote nɛ ninyi na ɛ yaak nibhɛ, “Wɛɛ ɛn nyini yɛnɛng daa ne irisɛ nikɔn nigwaa mon da, daa ɛli ne sɔng iryat de ihywɛ nang ɛnyi gha iken de nang.”

ɛMacu 5:48

Ne ɛ ma te ɛn hyɔrɔ, ɛli ne ɛKyɛɛ ɛdaa ne irywa mon na ma so hyɔrɔ wo.

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛLuka 11:35

Ne ˆɛ wɛɛ ɛn nyini hywɛɛ te ˆɛ seng ɛn, sɔng iwɛwɛy mon de kyii teye igbyik kang.

ɛLuka 12:1

Kɛ ne sɛ idira ninyi de kɛ tumɛy gbom, nibhɛ phyii en, ɛYɛso gha ne tsa ɛ boote nɛ ninɔn ne icwam ɛbhɛ na, ɛ yaak nibhɛ, “Wɛɛ ɛn nyini yɛnɛng daa ne iyis niFarisawa de ne iphɛ so iluk ga.

ɛMacu 25:40

“ɛGɔm ma sɛ ne kyii nɛ ɛ yaak nibhɛ, ‘Nzi tɔng nyini itin nɛ, ɛli ne kaa mɔn ɛn ɛdɛng ɛdaan ne ɛ kɛ taasek ko ndɔ nigwaa nge na, mee ne ɛ kaa ne mɔn ɛn mɛɛn nɛ.’

ɛMacu 5:46

Wu ɛ ne sim ɛn ninyi na nɛ nibhɛ ma sim nyini wo, ɛyakɔn ne ɛ sɛ ne ji pha ɛn ne? Nzo nzi shɛɛ bo ɛlɛy nɛ ninaa ne saasel ijam ne ivel la ma mɔn.

ɛMacu 23:13

“ɛKɔn ne ɛnik nyinɛn ninaa ne kpɛl ɛShara gha nɛ niFarisawa na! Ɛ so ɛn niluk! Ɛ kɛ cwaal ɛn ninyi na ɛnu ne izuk ne igbɔm ɛdaa ne irywa da, sɔng ɛ kɛ lel ɛn nang, sɔng ɛ kɛ ne kyii ta tek ɛn ninyi na nɛ nibhɛ sim nibhɛ aa lel lo nibhɛ lel nang.

ɛMacu 6:9

“Yaa sɛ aa bol ɛn ne ɛTaanggbey ya, te ne ɛ yɔng ɛn, ‘ɛTaa mos daa ne irywa, te nang irywɛɛk mo wo ne ndiinday,

iBirani 2:1

iPhɛ ɛlɛy, iphɛ so nggbinggbing njwɛɛn wɛɛ ibol de ne kaa tɔng njwɛɛn no yɛnɛng ɛlɔ ne iphɛ yaa yung te njwɛɛn lap en.

iBirani 11:26

Ɛ kaa kasa ncwa da ne aa sɔ ɛlɔ ɛKiriti gha phyin iryat ne iMasad de ne iyɛnɛng gbom, daa ɛli ne ɛ kaa sit irwisɛ ɛbhɛ ne iyɛnɛng ngge ne sɛ bhɛ mɔn ɛbhɛ nɛ gɔɔ ɛyisɛ gha.

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛTomɛ 3:12

Ne sɛ ɛBiturus sa kɛ yaang ɛlɛ wo ne ɛ yaak nibhɛ: “Ninyi niSɛrɛla, ikyee iphɛ kɛ te ˆɛ kɛ wum nyini zii daa ɛkɔn nɛghaa woo? iKyee phɛ kɛ ne te ˆɛ wɛɛ ɛn njwii woo? ˆƐ wɛɛ ɛn te ihwet mos ifɛ kɛ te ɛnyi yɛghaa wo hyel lo naa? Hang ɛ wɛɛ ɛn te irway ne re ntsong mos?