ɛMacu 5:9 - ɛWee ne ìTsɛm iHywas

⁹ Ninaa ɛwɛng ngaa nggyɛy nɛ nibhɛ te i shɛɛ ncaang ngo, daa ɛli ne sɛ yaak nibhɛ ninɔn ɛTaanggbey.

ɛMacu 5:9 ပူးပေါင်းရင်းမြစ်များ

ɛMacu 5:45

Te ɛ te ɛn ɛKyɛɛ mon ɛdaa ne irywa gha, Ɛɛ yɛk ngɛ iroy ɛbhɛ de wuru ninyi nibebhe na nɛ niyɛnɛng ngɛ, ne ɛ tom ninyi ne icik ka nɛ ninaa nɛ nibhɛ sang so cik ko ne inɛn da.

ɛMacu 5:48

Ne ɛ ma te ɛn hyɔrɔ, ɛli ne ɛKyɛɛ ɛdaa ne irywa mon na ma so hyɔrɔ wo.

ɛLuka 20:36

Nibhɛ sɛ tes tɛ niMalɛka sɔng iku sɛ ne tang sɛ nibhɛ nang. Nibhɛ sɛ ne tes se ninɔn ɛTaanggbey daa ɛli nɛ nibhɛ kɛ yiisitsik ndɔ ne ikpuu ba.

ɛLuka 6:35

Yang sim ɛn ninaa ne iphup mon na, te ɛ mɔn nibhɛ nikɔn niyɛnɛng. Kɔp ɛn nibhɛ ɛkɔn na, sɔng ne ɛ tas ɛn wu sɛ bhɛ kyii nyini nɛ nang. Sɛ ne bhɛ mɔn nyini iyɛnɛng gbom, ɛ ta te nyini ninɔn ɛTaanggbey ne ɛ so daa Nyu ne irywa na nɛ ne itin nɛ, daa ɛli ne ɛTaanggbey ya tɔɔsel ninaa ne bɛɛs nikɔn na nɛ nibebhe na iyɛnɛng ɛbhɛ de gbik.

ɛTomɛ 7:26

Ne cwiil ihwɛlɛ yɛ, ɛMuusaa gha ne sɛ nidɛng nigwaa ɛbhɛ na nibhɛ ifaa nibhɛ hal en, ɛMuusaa gha ne i tɔk ɛli ne aa hobhose nibhɛ. Ne ɛ yaak nibhɛ, ‘Nisaa en, ɛ so ɛn nigwaa, ikyee iphɛ kɛ te ɛ lɛng ɛn nyini woo?’

iRooma 12:18

Mɔn ɛn ɛkɔn na ne aa yɛɛ ne mɔn ɛn te ɛ shɛɛ ɛn ncaang nɛ ninyi na gbik.

iRooma 8:14

Ninyi na ne iKabyik ɛTaanggbey de i hyel nɛ nibhɛ wo, ne soye ninɔn ɛTaanggbey.

iRooma 8:16

iKabyik ɛTaanggbey de ne ito ne iphɛ gbik ne idee njwɛɛn de kɛ tɔɔrek wu njwɛɛn soye ninɔn ɛTaanggbey ya.

iRooma 8:19

Gbik nikɔn na ne kɛ ryɔng ngo i has irway nibhɛ hyep ɛli ne ɛTaanggbey ya yaa tɔɔrek ninɔn ɛbhɛ na wɛsɛrɛk ɛzay ya.

1 iKɔrɔntos 6:6

ɛHaa ne roos sa yaa ne yang ji kyi bo ɛgwaa ɛbhɛ ɛhaa ne roos ɛ phɛ nɛ ne icwam ɛshara, ɛlɔ ninaa ne hame nibhɛ ma yung soye ninaa ne roos!

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFilibi 4:2

Nzi roro ne ɛYudiya gha, nzi ne ta roro ne ɛSintikyi gha, ryɔng ɛn ndɔ ɛDaray ya.

iKɔlɔsi 3:13

Boos ɛn ɛbɔk nɛ nigwaa na. Wu ɛdɛng ndɔ mon no kɛ ne bees ɛdɛng ngɛ, hana ɛn ɛbhɛ nɛ. Te ɛli ne ɛDaray ya kɛ hana nyini nɛ ɛfɔt mon no ne ˆɛ ma i han ɛn nyini nɛ.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.