ɛMacu 5:8 - ɛWee ne ìTsɛm iHywas

⁸ Ninaa ɛwɛng ngaa nggyɛy nɛ nibhɛ bok irway iwɛwɛy da, daa ɛli nɛ nibhɛ sɛ ne yaang ɛTaanggbey ye.

ɛMacu 5:8 ပူးပေါင်းရင်းမြစ်များ

ɛTomɛ 15:9

Sɔng ɛTaanggbey ya kaa tɔɔrek wu njwɛɛn lap bhe nibhɛ nibhɛ wo nang daa ɛli ne ɛ kuus irway nibhɛ da ifɛ te wɛwɛy lenɛ ne ìnang ne itin nibhɛ.

1 iKɔrɔntos 13:12

ɛLyilyɛghaa wo, njwɛɛn i wɛɛ ɛTaanggbey yegha mbirim te izazurum, ɛtuk kɛghaa nggyɛ wo, njwɛɛn sɛ ne ji yaang ɛbhɛ nkpɔɔng. Sɔng ishweng nge da so hyɔrɔ ɛlyilyɛghaa wo nang, ɛtuk kɛghaa nggyɛ wo nang, nzɛ ne ji seng hyɔrɔ-hyɔrɔ ɛli ɛTaanggbey ya kɛ seng me.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

ɛTitus 1:15

ɛLɔ ɛnyi gha ne irway ɛbhɛ da so wɛwɛy yo, gbik nikɔn na ne so wɛwɛy. ɛLɔ ɛnyi gha ne ɛ kɛ teye ɛkɔn ne ishis sa, ɛ ta sang bok ìnang ne itin de sɔng ɛdɛ ɛkɔn na ne so ɛwɛwɛy ɛlɔ ɛbhɛ nang. Daa ɛli ne irway nibhɛ da gbik ne icwas nibhɛ da kɛ ku bees se.

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

ɛYakub 4:8

Yɛɛs ɛn cɛcɛk ne ɛTaanggbey ya aa ne ma yɛɛs cɛcɛk ne nyinɛn. Nyinɛn ninaa ne ɛfɔt ta, kuus ɛn ibɔ mon ndɔ ɛtomɛ ne ɛfɔt ta, nyinɛn niluk ka te ɛn irway mon wɛwɛy.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

Nikɔn ne kɛ Phaal 22:4

Nibhɛ sɛ yaang ɛyisɛ ɛTaanggbey ya, irywɛɛk ɛTaanggbey yo ne so ne icwiri nibhɛ.