ɛMacu 5:7 - ɛWee ne ìTsɛm iHywas

⁷ Ninaa ɛwɛng ngaa nggyɛy nɛ nibhɛ bok irway ne san iyɔm ba, daa ɛli ne ɛTaanggbey sɛ ma san iyɔm nibhɛ.

ɛMacu 5:7 ပူးပေါင်းရင်းမြစ်များ

iFisus 4:32

Yang yaa mɔn ɛn iyɛnɛng ndɔ mon, te ne ˆɛ san ɛn iyɔm nigwaa. Te ɛrɔngɔ hana ɛrɔngɔ nɛ ɛli ne ɛTaanggbey ya kɛ hana nyini ne wo lenɛ ne ɛKiriti gha.

ɛYakub 2:13

Daa ɛli ne nten ne bol ɛshara de, sɔng ɛTaanggbey ya sɛ ne san iyɔm ɛnyi gha ne ɛ kɛ sang san iyɔm ɛbyin ninyi na nang. iSan iyɔm be sɛ ne yang re ɛwɛng daa ne hyɛ ɛshara gha.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

ɛLuka 6:35

Yang sim ɛn ninaa ne iphup mon na, te ɛ mɔn nibhɛ nikɔn niyɛnɛng. Kɔp ɛn nibhɛ ɛkɔn na, sɔng ne ɛ tas ɛn wu sɛ bhɛ kyii nyini nɛ nang. Sɛ ne bhɛ mɔn nyini iyɛnɛng gbom, ɛ ta te nyini ninɔn ɛTaanggbey ne ɛ so daa Nyu ne irywa na nɛ ne itin nɛ, daa ɛli ne ɛTaanggbey ya tɔɔsel ninaa ne bɛɛs nikɔn na nɛ nibebhe na iyɛnɛng ɛbhɛ de gbik.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

iBirani 4:16

iPhɛ ɛlɛy, ne njwɛɛn shompeey cɛcɛk ne ɛcuruu ne igbɔm ɛTaanggbey ya ne irway nviit, te njwɛɛn sɛ isan iyɔm ɛTaanggbey, njwɛɛn ta sɛ izɛɛng ne ihywɛ yaa phyik njwɛɛn nten de ne njwɛɛn i tɔk iphyik ga.

1 ɛBiturus 2:10

Ne ile de, sɔng ɛ kaa so ɛn ninyi ne kɛ bo te ɛkɔn nang, ɛlyilyɛghaa wo, ne ɛ ji so ɛn ninyi ɛTaanggbey ya. Ne ile de, sɔng ɛ kaa say ɛn isan iyɔm ɛTaanggbey de nang, ɛlyilyɛghaa wo, ɛ kɛ ne say ɛn ìsan iyɔm ɛTaanggbey de.

ɛMarakus 11:25

Yaa ne sɛ aa roo ɛn no nang, ne ɛ kyi tsa ɛ han ɛn ninyi na nɛ nikɔn nikpɛɛ na nɛ nibhɛ kɛ mɔn nyini nɛ wo gbik, te ɛKyɛɛ mɔn na ne ɛ so daa ne irywa wo ne ma han nyini ne ɛfɔt mon no ne mang.

1 ɛTimɔti 1:13

Gbik ɛli ne nggaa so ɛhaa ne bol ivol ne bɛɛs ɛTaanggbey yegha, ne ɛhaa ne baasek ninaa ne roos ɛbhɛ na nggbang ngga, ne ɛhaa ne towos ɛTaanggbey yegha, kaa ne tɔɔrek me isan iyɔm. Daa ɛli ne nggaa mɔn nikɔn nɛnaa wo daa ne yɔm ne iyɛɛ gbik ne yɔm ìnang ne itin.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

1 ɛTimɔti 1:16

Gbik ne iphɛ ɛlɛy, ɛTaanggbey ya kɛ ne tɔɔrek me isan iyɔm gbom, mee wo ne n shɛs ne ɛfɔt to ndɔ ninaa ne ɛfɔt ta. ɛYɛso ɛKiriti gha kɛ mɔn ɛlɛ wo te ɛ tɔɔrek wu ɛbɔk ɛbhɛ ne ɛ sang ɛgak, te n te me ɛkɔn ne mɛmɛ nɛ ɛlɔ ninaa nɛ nibhɛ sɛ nang ne itin nɛ ne ɛbhɛ, nibhɛ sɛ iken ne inat de.

2 iKɔrɔntos 4:1

iPhɛ ɛlɛy, daa ɛli ne njwii mɔn ɛtomɛ yɛghaa wo lenɛ ne isan iyɔm ɛTaanggbey, sɔng njwi aa ne tul irway nang.

iRooma 11:30

Ne ile de, nyinɛn no ne hame ɛ so ɛn niYahodawa na, sɔng ɛ kaa ma roos ɛn ibol ɛTaanggbey de nang, ɛlyilyɛghaa wo ɛTaanggbey ya kɛ ne san iyɔm mon, daa ɛli ne sɔng niYahodawa na kɛ roos ibol ɛbhɛ de nang.