ɛMacu 5:30 - ɛWee ne ìTsɛm iHywas

³⁰ Wu iwɔ ne irwye mo ifɛ aa teyɛ ɛ mɔn ɛfɔt to, hyɛ ifɛ ɛ hana, iphɛ phyin ɛ wɔs ɛdɛ ɛlɔ ne ibek mo gha ne yaa bo ibek mo de gbik ko bhɛ cwaak ne ijwee ne igboo wo.

ɛMacu 5:30 ပူးပေါင်းရင်းမြစ်များ

ɛMarakus 9:43

Wu iwɔ ijwaan mo wo ifɛ sɛ teyɛ ɛ mɔn ɛfɔt to nang, ne ɛ hyɛ ifɛ ɛ hana. iPhɛ kɛ jam mɛ ɛ sɛ iken ne inat de ne iwɔ ijwaan no ne aa bhɛ lel ndɔ ne ijwee ne igboo wo ne ibɔ mo de gbik ko.

ɛMacu 5:29

iPhɛ ɛlɛy, wu irisɛ ne iwɔ ne irywe mo iphɛ phɛ yaa teyɛ ɛ mɔn ɛfɔt to, ne ˆɛ tul iphɛ ˆɛ hana, iphɛ phyin ˆɛ wɔs ɛdɛ ɛlɔ ne ibek mo gha, ne yaa bo ibek mo de gbik ko bhɛ cwaak ne ijwee ne igboo wo.

1 ɛBiturus 2:8

Kɛ haa ndɔ ne ɛWee ne iBol ɛTaanggbey i bo, “iKɛɛ yɛdee wo iphɛ yaa teye ɛkɔn ne kyibhɛ, ne ɛkɔn ne hoghɛse ninyi.” iPhɛ ne so ɛlɛy ɛtsak! Ninyi na gbom kɛ kyibhɛ daa ɛli nɛ nibhɛ kɛ mbaray tang roos ibol ɛTaanggbey de. ɛLɛy ne kɛ ne ku ryɔng nibhɛ nɛ.

1 iKɔrɔntos 8:13

iPhɛ ɛlɛy, wu ire de iphɛ ne te ɛgwaa gha ne ɛ so ɛhaa ne roos sa mɔn ɛfɔt to, sɔng na ne tang re inwam nang, ɛlɔ ne naa yung te ɛdɛ ɛgwaa gha ne ɛ so ɛhaa ne roos sa mɔn ɛfɔt.

ɛLuka 17:2

iPhɛ sɛ ne ma yung so ɛbhɛ phyonka i rop ɛbhɛ ne ɛgbaang ne ikɛɛ ne hɔng nkpana ntsuuntsɔ i cwaak ɛbhɛ ndɔ ɛling, ne aa te ɛdɛng ndɔ ne ninɔn nishɛɛrɛng ngɛnaa wo mɔn ɛfɔt to.

ɛMacu 13:21

Sɔng iphɛ ne lel ndɔ nibhɛ kyukyum nang, sɔng iphɛ ne ma phyɔngɔle ndɔ nibhɛ wo nang, yaa sɛ ishishim, ne nggbang kɛ yɛɛs nibhɛ, lenɛ ne ibol ɛTaanggbey de, nibhɛ ne shii hana iphɛ.

ɛLuka 12:5

Naa ne mɔng nyini ɛnyi gha ne ˆaa phok ɛn ɛnik ɛbhɛ wo: phok ɛn ɛnik ɛTaanggbey, ɛbhɛ ɛ bok ito ne ɛ sɛɛ phoo ibek ge ɛ ji cwaak ndɔ ne ijwee ne igboo. Ɛbhɛ ne nzi ne bok nyini wu te ɛ tel ɛn!”

iGalatiya 5:11

Nigwaa en, nzi bol nzi bo wu hang iphɛ so wu nggbinggbing ninaa nɛ nibhɛ kɛ nang ne itin hyɛghɛ icwee, i ne baasek ne me nggbang. Sɛɛ yɔngɔ nzi bo wu tɛ ninaa ne nang ne itin na hyɛghɛ icwee da, n tek ibol ne iku ɛKiriti de daa ne ihon no, sɔng nibhɛ sɛɛ ne sɛ ɛkɔn nɛ nibhɛ yaa baasek me ne nggbang ngga nang.

iRooma 9:33

Te ɛli ne kɛ ku haa i bo, “Yaang ɛn, nggɛ see ikɛɛ ndɔ ne iSihiyɔɔna, ikɛɛ ne phɛ yɛɛs ne ikyibhɛ. ɛPhang ngo yaa ne te ninyi gbom nibhɛ hoghɛse. Gbik ɛhiha ɛnyi, ne ɛ kɛ ne nang ne itin nɛ ne ɛbhɛ sɔng aa ne sɔ ncwa nang.”

ɛMacu 26:31

ɛYɛso gha ne yaak ninɔn ne icwam ɛbhɛ na, “Gbik mon no aa tel ɛn ɛ tek ɛn mɛɛn daa ɛkɔn na ne aa te ne mee wo, te ne shwaak ibol de ne kɛ haa i bo, ‘Naa hale ɛhaa ne hyep ᐩigyol la ᐩigyol lɛ teye shwaa.’

ɛMacu 22:13

“ɛGɔm ma ne yaak nikpuru ɛbhɛ na, ‘Rop ɛn ɛbhɛ ibɔ ne ita te ɛ cwaak ɛn ɛbhɛ ne izay, ɛlɔ gha ne ɛ so gbyik, ɛnggyɛ wo ne aa bhɛ san ne ntsɛk ne izinɛ.’ ”

ɛMacu 25:20

ɛHaa ne kaa nang ɛbhɛ ninom iwii na ne yɛɛs ɛ nang ɛkyɛɛ ne ijwee ɛbhɛ nihak ninom iwii na ɛ yɔngɔ, ‘ɛKyɛɛ ne ijwee, ɛ kaa nang me ninom iwii, nggɛ ne bhɛ sɛ nihak ninom iwii ne ɛdaa ɛco yɛ.’

ɛMacu 16:23

ɛYɛso gha ne hyereey ne ɛ yaak ɛBiturus segha, “Cwi gɔɔ ɛbɛ wo ɛShɛtan ɔɔy! ˆƐ sim aa teyɛ ikɛɛ ne ɛkɔn ne kyibhɛ nge, sɔng icwas sɛdaa wo le ɛlɔ ɛTaanggbey yang, ifɛ le ɛlɔ ɛten ɛsii.”

ɛMacu 11:6

ɛHaa ɛwɛng ngaa nggyɛy ne ɛ say ibol nge de ɛ sang to irway ba.”

ɛMacu 5:22

Mee wo nzi ne bok nyini, ɛnyi gha ne kɛ te njenjek ne ɛgwaa ɛbhɛ gha, sɛ ne bol ɛbhɛ ɛshara. ɛHiha ɛnyi gha ne ɛ bol ivol ivebhe da ɛgwaa ɛbhɛ gha, itɔrɔng ngge sɛ ne soosek ɛbhɛ ɛnu ɛyisɛ. ɛHiha ɛnyi ne ɛ kɛ ne ta yaak ɛgwaa ɛbhɛ wu ɛ soye ɛwamang, ɛ sɛ ne bhɛ lel ne ijwee ne igboo.

ɛMacu 17:27

Gbik ne phɛ ɛlɛy, sɔng njwɛɛn ne sim tɛ ninyi yɛnaa wo sɛɛ te njenjek nang. Bo ikugyaa te ɛbhɛ cwaak ndɔ ɛrenes sa, izing ngge ne ɛyisɛ yɛ ne ɛ kɛ wum, phaal ɛnu yɛ, aa ne sɛ ijam be ne ihywɛ kɛ hɔn ihywɛ aa tal njwii ijam ne ideng ngge, bo ihywɛ te ɛbhɛ tal izee nge ne izee mo.”

ɛMacu 18:8

Wu iwɔ mo, hang icwa mo yɔɔ, ifɛ yaa teyɛ ɛ mɔn ɛfɔt to, ne ɛ hyɛ ifɛ ɛ hana. iPhɛ phyin nɛ nɛ ɛbhɛ lel ɛlɔ ne iken ne inat de tang iwɔ, hang icwa yɔɔ, ne aa boos ibɔ de, ne ita mo de gbik ko, i ji bhɛ cwaak kɛ ne igboo ne sang kuuy yo.