ɛMacu 5:29 - ɛWee ne ìTsɛm iHywas

²⁹ iPhɛ ɛlɛy, wu irisɛ ne iwɔ ne irywe mo iphɛ phɛ yaa teyɛ ɛ mɔn ɛfɔt to, ne ˆɛ tul iphɛ ˆɛ hana, iphɛ phyin ˆɛ wɔs ɛdɛ ɛlɔ ne ibek mo gha, ne yaa bo ibek mo de gbik ko bhɛ cwaak ne ijwee ne igboo wo.

ɛMacu 5:29 ပူးပေါင်းရင်းမြစ်များ

iRooma 8:13

Wu ˆɛ kɛ ne shɛɛ ɛn ɛli ne icwas ne irway ɛten ɛsii da i sim mo ˆaa ne kus ɛn. Wu ˆɛ kɛ ne yang phoo ɛn icwas nikɔn na nɛ nibhɛ te nyini ˆɛ mɔn ɛn ɛfɔt to lenɛ ne ihwet ne iKabyik ga ˆaa ne shɛɛ ɛn niken.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

1 iKɔrɔntos 9:27

Nzi ne gbaat ibek nge de gbom, nggɛ bo iphɛ te ɛkpuru nge, ɛlɔ ne yaa yung sɛ ɛtsim mɛ ne nggɛ sanga nidɛng ibol iyɛnɛng ngge, ji kyi bhɛ ring me ne say ilong nge.

iRooma 6:6

Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

ɛMarakus 8:36

iPhɛ so ɛnyi gha kyee, ne aa tumɛ nikɔn ɛzay yɛnaa wo ɛ ji wɔs iken ɛbhɛ dee?

ɛMacu 19:12

Nikɔn na sonɛ maa nɛ nibhɛ tes ninyi na shɛɛ tang tuul nikuk ka; nidɛng sonɛ ne kɛ ku ryɔng nibhɛ ɛli ne hame nibhɛ yaa yɛɛ ne tul ɛkuk ka. Nidɛng ne sonɛ nɛ nihak ninyi nibhɛ kɛ mɔn nibhɛ ɛlɛy. Nidɛng ne sonɛ nɛ nibhɛ mbaray tang tul ɛkuk ka lenɛ ne ibol ne igbɔm ɛdaa ne irywa. Te ɛnyi gha ne ɛ bok irway ne say ibol lɛdee wo te ne ɛ mɔn ɛlɛy.”

ɛMacu 10:28

Sɔng ne ɛ phok ɛn ɛnik ninyi wo nɛ nibhɛ sɛ phoo ibek ge, nibhɛ sang ji yɛɛ ne phoo iken de nang. Yang phok ɛn ɛnik ɛnyi ne aa yɛɛ ne bees ibek ge gbik ne iken de ndɔ ne ijwee ne igboo wo.

ɛMacu 23:15

“ɛKɔn ne ɛnik nyinɛn ninaa ne kpɛl ɛshara gha nɛ niFarisawa na. ˆƐ so ɛn niluk! ˆƐ beese ɛn niling, ˆɛ kaan ɛn ndɔ nigarang nga gbik, ˆɛɛ tɔk ɛn ɛnyi ɛdaan ne ˆɛ sɛɛ san ɛbɔk. Yaa ne sɛ ˆɛ kɛ sɛ ɛn ɛdaan na, ne ˆɛ kyii te ɛn ɛbhɛ ɛ phee nyini ne bebhe de gbom.

ɛMacu 16:26

iPhɛ so ɛnyi gha ikyee ne aa sɛ ɛzay ya gbik ko ɛ ji wɔs iken ɛbhɛ dee? iKyee ne ɛnyi gha sɛ yɛɛ ne bo ɛ sunu ne iken ɛbhɛ dee?

ɛMacu 5:22

Mee wo nzi ne bok nyini, ɛnyi gha ne kɛ te njenjek ne ɛgwaa ɛbhɛ gha, sɛ ne bol ɛbhɛ ɛshara. ɛHiha ɛnyi gha ne ɛ bol ivol ivebhe da ɛgwaa ɛbhɛ gha, itɔrɔng ngge sɛ ne soosek ɛbhɛ ɛnu ɛyisɛ. ɛHiha ɛnyi ne ɛ kɛ ne ta yaak ɛgwaa ɛbhɛ wu ɛ soye ɛwamang, ɛ sɛ ne bhɛ lel ne ijwee ne igboo.

ɛMacu 23:33

“Ɛ so ɛn te izɔ, nɛ ninɔn ne izɔ igywebhe! Ɛ sɛ mɔn ɛn ɛli ɛ sang bhɛ lel ɛn ndɔ ne ijwee ne igboo woo?

ɛLuka 12:5

Naa ne mɔng nyini ɛnyi gha ne ˆaa phok ɛn ɛnik ɛbhɛ wo: phok ɛn ɛnik ɛTaanggbey, ɛbhɛ ɛ bok ito ne ɛ sɛɛ phoo ibek ge ɛ ji cwaak ndɔ ne ijwee ne igboo. Ɛbhɛ ne nzi ne bok nyini wu te ɛ tel ɛn!”

ɛMacu 5:30

Wu iwɔ ne irwye mo ifɛ aa teyɛ ɛ mɔn ɛfɔt to, hyɛ ifɛ ɛ hana, iphɛ phyin ɛ wɔs ɛdɛ ɛlɔ ne ibek mo gha ne yaa bo ibek mo de gbik ko bhɛ cwaak ne ijwee ne igboo wo.

ɛMacu 11:6

ɛHaa ɛwɛng ngaa nggyɛy ne ɛ say ibol nge de ɛ sang to irway ba.”

ɛMacu 17:27

Gbik ne phɛ ɛlɛy, sɔng njwɛɛn ne sim tɛ ninyi yɛnaa wo sɛɛ te njenjek nang. Bo ikugyaa te ɛbhɛ cwaak ndɔ ɛrenes sa, izing ngge ne ɛyisɛ yɛ ne ɛ kɛ wum, phaal ɛnu yɛ, aa ne sɛ ijam be ne ihywɛ kɛ hɔn ihywɛ aa tal njwii ijam ne ideng ngge, bo ihywɛ te ɛbhɛ tal izee nge ne izee mo.”