ɛMacu 5:25 - ɛWee ne ìTsɛm iHywas

²⁵ “Ryɔng ɛn dodooy ne ɛnyi gha ne ɛ bok bol de ne igyɛ wo, ne ɛ kɛ bo yɛ ɛ phɛɛs ne icwam ɛshara wo. Ryɔng ɛn ɛ tɔ ɛn ne nkiinɛ aa yung bhɛ nang ngɛ ne ɛhaa ne bol ɛshara gha. ɛHaa ne bol ɛshara gha ne ji nang ngɛ ne ɛhaa ne rop pa, ɛhaa ne rop pa ji rop pɛ ne ijwee ne nyang ngge.

ɛMacu 5:25 ပူးပေါင်းရင်းမြစ်များ

iBirani 3:13

Ne ɛ tes ɛn itso mon itsɔngɔl gɛgɛy cɛcɛɛy. Mɔn ɛn ɛlɛ wo nten de ne ɛ so ɛn niken “iZenge,” ɛlɔ ne ɛfɔt to ya yung luk ɛdɛ mon irway ɛbhɛ te gɛgɛy.

iBirani 3:7

iPhɛ ɛlɛy, te ɛli ne iKabyik ɛTaanggbey de bo, “iZenge wo, yaa sɛ ɛ kɛ phok ɛn izɔlɔs ɛTaanggbey de,

iBirani 12:17

ɛTsim mɛ, ɛli ne ˆɛ yɛɛ ɛn no, ɛ kaa i sim te ɛ sɛ kyii ta say ɛwɛng ne ikɔɔn ɛbhɛ gha, ne mbaray ɛbhɛ. Sɔng ɛ kaa ne tang sɛ ɛnkiinɛ ne san ɛbɔk nang, gbik ɛli ne ɛ kaa jung tɔk ɛwɛng ngɛghaa nggyɛ wo nɛ niyilis sa.

2 iKɔrɔntos 6:2

Daa ɛli ne ɛTaanggbey ya i bo, “Nggɛ phok nyini, nten de ne naa nang izɛɛng nge de. Nggɛ ne phyik nyini, ɛtuk ne iphɔrɔt ta.” Phok ɛn, nten nɛdee wo ne aa nang izɛɛng ngge, izenge wo iphɛ ne so ɛtuk ka ne aa nang iphɔrɔt da.

ɛMacu 26:58

ɛBiturus sa ne kungus ɛYɛso yegha kyakyak, ɛbhɛ hɔn ɛsaa ne ijwee ɛgɔm nibo niYahodawa na. Ne ɛbhɛ lel ndɔ ɛsaa gha ɛ soos nɛ ninaa ne hyep pa, te ɛ yaang ɛkɔn na ne aa te.

ɛLuka 18:3

ɛDɛ ɛkuk ne izuk ka kaa ne so ɛgarang ngeghaa nggyɛ wo. ɛKuk kɛghaa nggyɛ wo kaa ne maa kyisi ɛlɔ ɛnyi gha, ɛɛ roro ne ɛbhɛ ɛ bok ɛbhɛ, ‘Nang me ɛkɔn na ne ɛ soye ɛhaa nge ndɔ ne ibol nge de ne ɛhaa ne iphup nge gha.’ ”