ɛMacu 5:22 - ɛWee ne ìTsɛm iHywas

²² Mee wo nzi ne bok nyini, ɛnyi gha ne kɛ te njenjek ne ɛgwaa ɛbhɛ gha, sɛ ne bol ɛbhɛ ɛshara. ɛHiha ɛnyi gha ne ɛ bol ivol ivebhe da ɛgwaa ɛbhɛ gha, itɔrɔng ngge sɛ ne soosek ɛbhɛ ɛnu ɛyisɛ. ɛHiha ɛnyi ne ɛ kɛ ne ta yaak ɛgwaa ɛbhɛ wu ɛ soye ɛwamang, ɛ sɛ ne bhɛ lel ne ijwee ne igboo.

ɛMacu 5:22 ပူးပေါင်းရင်းမြစ်များ

1 ɛYohana 2:9

Gbik ɛnyi gha ne ɛ bo wu i so ndɔ ne iwɛwɛy de ɛ kyi ta i mbaray ɛgwaa ɛbhɛ gha ne ɛ kyi tɔ ndɔ ne igbyik ge.

ɛYakub 3:6

iLem ɛnyi de ne so te igboo. iPhɛ soye ɛzay ne ibebhe ndɔ ne ibek njwɛɛn de! iLem be i yɛɛ ne bees ɛnyi gha gbik. iPhɛ i yɛɛ ne te irway ɛnyi da gbik phele ifɛ bees ishwɛɛ ɛbhɛ. Sɛ ne ma wɔɔ ilem be ne ito ne iphɛ ne igboo wo ne ifɛ le ne ijwee ne igboo wo.

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

ɛMacu 10:28

Sɔng ne ɛ phok ɛn ɛnik ninyi wo nɛ nibhɛ sɛ phoo ibek ge, nibhɛ sang ji yɛɛ ne phoo iken de nang. Yang phok ɛn ɛnik ɛnyi ne aa yɛɛ ne bees ibek ge gbik ne iken de ndɔ ne ijwee ne igboo wo.

ɛMacu 18:35

Ɛlɛy, ne ɛKyɛɛ nge gha ne ɛ so daa ne irywa wo yaa ne mɔn gbik ɛnyi gha ne ɛ kɛ mbaray tang hana ɛgwaa ɛbhɛ gha nɛ ndɔ ɛkyikyum ne irway ɛbhɛ gha.”

1 ɛBiturus 3:9

Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

iRooma 12:10

Te ɛrɔngɔ sim ɛrɔngɔ ne ihywee ne ishwim ba ne ifɛ so ivaa ninaa ne roos. Te ɛrɔngɔ nang ɛrɔngɔ ne ndiinday ɛ phyin ito ɛbhɛ.

1 ɛBiturus 2:23

Kaa sɛ ninyi na i towos ɛbhɛ wo, sɔng ne ɛ kyii ne ɛkɔn nang. Kaa ne sɛ ɛ sɔ nggbang, sɔng ne ɛ yɔng wu yaa tal nang. Ɛ kaa yang ku sit irwisɛ ɛbhɛ daa ɛTaanggbey ne ɛbhɛ so ɛhaa ne bol ɛshara cik.

ɛMacu 18:21

ɛBiturus sa ne yɛɛs ɛlɔ ɛYɛso gha ɛ phom ɛbhɛ ɛ yɔngɔ, “ɛDaray, ɛmaghee ne ɛgwaa nge gha sɛɛ mɔn me ɛfɔt to maa nzi han ɛbhɛ nɛ woo? ɛNiitaa yee?”

ɛYahuza 1:9

Yung yaang ɛn ɛndiinday nimalɛka gha ne kaa bok ɛbhɛ ɛMakyɛl la, kaa sɛ ɛli nɛ nibhɛ sin en ne ikom ɛMuusaa de ne ɛShɛtan na, sɔng ɛMakyɛl la kaa hyɛ ne ɛShɛtan negha ɛshara ɛ boote ne ɛbhɛ ibol ne bɛɛs nang, ɛ kaa yang yaak ɛbhɛ, “Te ɛDaray sit tɛ ne ɛbung!”

1 ɛYohana 3:10

I yɛɛ ne seng ɛngɔn ɛTaanggbey ya ne ɛngɔn ɛShɛtan na ɛlɛ: Gbik ɛnyi gha ne hame ɛ mɔn ɛkɔn na ne ɛ so cik sɔng ne ɛ soye ɛNgɔn ɛTaanggbey ya nang, ɛhaa ne ɛ ne mbaray ɛgwaa ɛbhɛ sɔng ne ɛ soye ɛngɔn ɛTaanggbey ya nang.

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

1 iTasɔlɔnika 4:6

Sɔng ɛdɛ mon ne bees ɛgwaa ɛbhɛ irway, ɛ mɔn ɛbhɛ ibebhe daa nikɔn nɛnaa wo nang. Njwi kɛ ku tɔng nyini, njwii ne ta kpɛng nyini wu ɛDaray ya sɛ baasek ninaa ne mɔn nikɔn nɛnaa wo nggbang.

ɛMarakus 14:55

Nindiinday nibo ɛTaanggbey ya gbik ne iTɔrɔng niYahodawa de ne maa tɔk ɛkɔn na nɛ nibhɛ sɛɛ sɛ nibhɛ wum ɛYɛso yegha nɛ te nibhɛ phoo ɛbhɛ, sɔng nibhɛ ne sɛ ɛkɔn nang.

ɛMacu 26:59

Nindiinday nibo na gbik ne itɔrɔng ge ne tɔk ɛli nɛ nibhɛ sɛɛ rop ɛYɛso yegha ne ihyoo tɛ nibhɛ phoo ɛbhɛ.

ɛYohana 11:47

iPhɛ ɛlɛy, niFarisawa na nɛ nindiinday nibo ɛTaanggbey ya ne yeres ninaa ne iTɔrɔng nga gbik, nibhɛ ne yɔngɔ, “iKyee ne njwɛɛn yaa mɔn daa mɛɛ? Yaang ɛn nikɔn ne kparat ta ne ɛnyi yeghaa wo mɔn no!

Nikɔn ne kɛ Phaal 20:14

Ne ji cwaak iku de gbik ne ɛlɔ ne ikpom ma ndɔ ɛling ne igboo wo. ɛLing ne igboo gha bhɛ ne soye iku ne ifaa de.

ɛTomɛ 7:37

Ne ta so ɛMuusaa ɛdaan kɛgha wo ne ɛ kaa yaak ninyi niSɛrɛla na, ‘ɛTaanggbey ya sɛ tom nyini ne ɛdɛ ɛNɛbi gha te mee wo, ɛ sɛ ne so ɛdɛ ɛnyi mon na.

ɛLuka 12:5

Naa ne mɔng nyini ɛnyi gha ne ˆaa phok ɛn ɛnik ɛbhɛ wo: phok ɛn ɛnik ɛTaanggbey, ɛbhɛ ɛ bok ito ne ɛ sɛɛ phoo ibek ge ɛ ji cwaak ndɔ ne ijwee ne igboo. Ɛbhɛ ne nzi ne bok nyini wu te ɛ tel ɛn!”

ɛMacu 5:44

Mee wo nzi ne bok nyini, sim ɛn ninaa ne iphup mon na, te ɛ bol ɛn ne ɛTaanggbey daa ninaa nɛ nibhɛ baasek nyini nggbang ngga.

ɛMacu 5:34

Mee wo nzi ne bok nyini, sɔng ɛ lɛlɛm ɛn ihywa de nang, ko ncɛt. Sɔng ɛ lɛlɛm ɛn ihywa de ne ɛdaa ne irywa nang daa ɛli ifɛ so ɛcuruu ne igbɔm ɛTaanggbey.

ɛMacu 3:17

iZɔlɔs ne le dak ne irywa wo ihywɛ yɔngɔ, “ɛNgɔn nge gha wo ne nzi sim; n bok irway ihwala ne ɛbhɛ gbom.”

1 ɛYohana 5:16

Wu ɛdɛ ɛnyi gha kɛ yaang ɛgwaa ɛbhɛ i mɔn ɛfɔt ne ɛbhɛ kɛ sang hɔn iku ne ikabyik, te ne ɛ boote ne ɛTaanggbey daa ɛhaa ne ɛfɔt ta, ɛTaanggbey ya yaa ne nang ɛbhɛ iken. Nzi bol daa ɛnyi gha ne hame ɛfɔt ɛbhɛ wo kɛ hɔn ɛli ne aa ku iku ne ikabyik. ɛDɛ ɛfɔt to ne sonɛ ne ɛbhɛ i hɔn iku de. Sɔng nzi ne bo wu te bol ne ɛTaanggbey ya daa ne ɛfɔt tɛwoo nggyɛ wo nang.

ɛYakub 2:20

iGyɛ niwamang ngo, ˆɛ sim te sɛ ji ta tɔɔrek kɛ wu ìnang ne itin de tang nitomɛ na so buu woo?

iBirani 12:25

Wɛɛ ɛn yɛnɛng, sɔng ˆɛ mbaray ɛn nyini tang tenes ɛn ɛnyi gha ne ɛ bol lo nang. Seng ɛn, ninyi na nɛ nibhɛ kɛ mbaray tang tenes ibol ɛnyi de ne ɛ kaa kpɛng nibhɛ ndɔ ɛzay ya, sɔng nibhɛ kɛ ne phɔrɔt nang. Yaa ne ji mɔn ɛlii njwɛɛn phɔrɔt to wu njwɛɛn kɛ mbaray tang tenes ɛnyi gha ne ɛ kpɛng njwɛɛn daa ne irywa woo?

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

1 iKɔrɔntos 6:10

Nɛ ninaa ɛyi na, nɛ ninaa ne idɔphiri na, nɛ ninaa ne sɔ nibhɛ tes ziizii wo. Nɛ ninaa ne towos ninyi na, nɛ ninaa ne luk ninyi nibhɛ phɔrɔt nikɔn nibhɛ na gbik. Sɔng ɛdɛ ɛbhɛ sɛ bhɛ lel ne igbɔm ɛTaanggbey da nang.

1 iKɔrɔntos 6:6

ɛHaa ne roos sa yaa ne yang ji kyi bo ɛgwaa ɛbhɛ ɛhaa ne roos ɛ phɛ nɛ ne icwam ɛshara, ɛlɔ ninaa ne hame nibhɛ ma yung soye ninaa ne roos!

ɛTomɛ 5:27

Ne sɛ nibhɛ kɛ yɛɛs nɛ ninɔn ne tom ma, nibhɛ ne tek nibhɛ ɛnu ɛyisɛ ne itɔrɔng nga. ɛGɔm nibo gha ne phomos nibhɛ,

ɛYohana 15:25

ɛKɔn nɛghaa wo kɛ ne te wo te i shwaak ɛkɔn na ne kɛ haa ndɔ ɛShara nibhɛ gha i bo: ‘Nibhɛ kɛ phok ɛn nibhɛ mbaray mee tang ɛkɔn.’

ɛYohana 8:48

niYahodawa na ne yaak ɛYɛso yegha, “Sɔng ibol mos de so itin nɛ ne njwi kaa yɔng wu ɛ soyɛ ɛnyi ne iSamariya gha, ɛphoo gha ta so ndɔ mo de nang nge?”

ɛYohana 7:20

Ninyi na kyii ne nɛ, nibhɛ yaak ɛbhɛ, “Ɛ bok ɛphoo ndɔ mo. Ɛhay ɛbhɛ sim aa phoo yɛwoo?”

ɛMarakus 15:1

Kɛ ne cwiil ne ihwɛlɛ ywiriri, nindiinday nibo ɛTaanggbey ya nɛ nindiinday ne igbagha na, nɛ ninaa ne kpɛl ɛShara na, nɛ nibhɛ so itɔrɔng ngge, ne rop ɛnu, nibhɛ ji robhos ɛYɛso yegha, nibhɛ bo ɛbhɛ, nibhɛ phɛ nɛ ɛlɔ ɛBilatus.

ɛMacu 25:41

“ɛGɔm ma sɛ ne ji yaak ninaa ɛgɔɔ ne iwɔ ne itsan ɛbhɛ na, ‘Cwi ɛn gɔɔ, ɛ so ɛn ɛkawɛy, cwi ɛn ndɔ ne igboo ne sang kuuy yo ne kɛ ku ryɔng ɛShɛtan negha nɛwo gbik nɛ nimalɛka ɛbhɛ na!

ɛMacu 23:33

“Ɛ so ɛn te izɔ, nɛ ninɔn ne izɔ igywebhe! Ɛ sɛ mɔn ɛn ɛli ɛ sang bhɛ lel ɛn ndɔ ne ijwee ne igboo woo?

ɛMacu 23:15

“ɛKɔn ne ɛnik nyinɛn ninaa ne kpɛl ɛshara gha nɛ niFarisawa na. ˆƐ so ɛn niluk! ˆƐ beese ɛn niling, ˆɛ kaan ɛn ndɔ nigarang nga gbik, ˆɛɛ tɔk ɛn ɛnyi ɛdaan ne ˆɛ sɛɛ san ɛbɔk. Yaa ne sɛ ˆɛ kɛ sɛ ɛn ɛdaan na, ne ˆɛ kyii te ɛn ɛbhɛ ɛ phee nyini ne bebhe de gbom.

ɛMacu 17:5

Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

ɛMacu 12:24

Ne sɛ niFarisawa na kɛ phok ɛlɛ wo, nibhɛ ne yɔngɔ, “ɛNyi yɛghaa wo tuul niphoo na daa ɛli ne ɛBɛlizɛbul, ne ɛ so ɛgɔm niphoo, ɛbhɛ kɛ nang ɛbhɛ ihwet tɛ.”

ɛMacu 10:17

Wɛɛ ɛn nyini yɛnɛng ɛlɔ ninyi na, nibhɛ sɛ nang nyini ɛlɔ ne itɔrɔng nibhɛ, i ji bhɛ hal nyini ndɔ ne idee ne itsɔɔy nibhɛ de.

ɛLuka 22:66

Kɛ ne sɛ ihwɛlɛ kɛ wuru, Ninu niKɔɔn na, nɛ nindiinday nibo ɛTaanggbey ya, gbik nɛ Ninaa ne Kpɛl ɛShara gha ne sɛm en ne itɔrɔng, ne bo ɛYɛso yegha i phɛ nɛ.

ɛTomɛ 4:15

Nibhɛ ne yɛk ɛBiturus segha nɛ ne ɛYohana gha nibhɛ wuru ndɔ ne ijwee ne itɔrɔng ngo, iTɔrɔng ngge ne ji boote ndɔ nibhɛ.

ɛTomɛ 5:21

Ne sɛ nibhɛ kɛ phok ɛlɛ wo, nibhɛ ne wuru ne ihwɛlɛ gbyigbyik nibhɛ phɛ ndɔ ne iDeng ngge, nibhɛ yaa bhɛ mɛmɛ ninyi na nɛ. Ne sɛ ɛgɔm nibo gha nɛ ninyi ɛbhɛ na kɛɛ tuu, ne yel-le itɔrɔng ngge nɛ ninu nikɔɔn niSɛrɛla na, nibhɛ ne ji tom mɛ ne ijwee ne nyang ngo te bhɛ bo ninɔn ne tom ma yɛɛs nɛ.

ɛTomɛ 6:12

iBol lɛ iphɛ ne ji te ninyi na, nɛ ninu ne ikɔɔn na gbik nɛ ninaa ne kpɛl ɛshara gha ne te njenjek, nibhɛ wum ɛSitivin ne gha nibhɛ phɛ ne ɛbhɛ ɛnu ɛyisɛ ne itɔrɔng ngge.

ɛTomɛ 6:15

Gbik ninaa ne itɔrɔng nga ne see ɛSitivin ne gha ne irwisɛ, nibhɛ ne yaang ɛyisɛ ɛbhɛ gha so te ɛhaa ɛmalɛka.

ɛTomɛ 22:30

Ne cwiil ihwɛlɛ yɛ, ɛgbaang ɛndiinday nisooja na ne jung i sim te aa seng ɛkɔn na ne ɛ kɛ te niYahodawa na kɛ rɛrɛ da ne ito ɛBulus de. Ne ɛ biri inyang ngge ne kɛ rop ɛBulus segha nɛ wo, ɛ yɛk ngɛ nindiinday nibo niYahodawa na gbik itɔrɔng niYahodawa de sɛme, ɛ ji bo ɛBulus segha ɛ phɛ nɛ ɛlɔ ne itɔrɔng ngge. ɛBulus sa ne bhɛ kyinak ɛnu ɛyisɛ ne itɔrɔng ngge.

ɛTomɛ 23:1

ɛBulus sa ne sit itɔrɔng ngge ne irwisɛ, ne ɛ yɔngɔ, “Nigwaa nge niSɛrɛla, izɔlɔs ne irway nge so byirik daa ɛTaanggbey ya ne nggɛ mɔn no, sɔng nzi to irway izenge wo ɛlɛ daa ɛtomɛ gha ne nggɛ mɔn no nang.”

ɛTomɛ 24:20

Tɛ ninyi yɛnaa wo nɛ nibhɛ kɛ kyinasek ɛbɛ wo mɔng ne ɛkɔn na kaa sɛ me nɛ ɛben nɛ ɛli ne kaa phɛ ne mee ɛnu ɛyisɛ ne itɔrɔng nga.