ɛMacu 5:20 - ɛWee ne ìTsɛm iHywas

²⁰ Nzi bok nyini, wu ɛ kɛ sang hyel ɛn cik ɛ phyin ɛn niFarisawa na nɛ ninaa ne kpɛl ɛShara gha, ɛtsak kɛ sɔng ɛ sɛ ne bhɛ lel ɛn ne igbɔm ɛdaa ne irywa da nang.

ɛMacu 5:20 ပူးပေါင်းရင်းမြစ်များ

iFilibi 3:9

n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

ɛMacu 7:21

“Sɔng gbik ɛnyi gha ne ɛ ma shii yeres me, ‘ɛDaray, ɛDaray’ ya sɛ bhɛ lel daa ne igbɔm ɛdaa ne irywa da nang, yang so ɛnyi gha ne ɛ kɛ mɔn ɛkɔn na ne ɛKyɛɛ nge ɛdaa ne irywa gha i sim.

Nikɔn ne kɛ Phaal 21:27

Sɔng ɛkɔn ne ishis, ne ɛnyi ne mɔn nikɔn ne ishis gbik ne ɛhaa ne irywɛɛk sɛ́ ne lel ɛgarang ngɛ nang. Ninyi na ne irɛɛk nibhɛ so ndɔ ne ɛWee ne iKen ɛNgɔn ne ɛpharak ka zɔng, nibhɛ bhɛ sɛ lel ndɔ ɛgarang nga.

ɛLuka 18:17

Naa tɔng nyini itin nɛ, ɛhiha ɛnyi gha ne ɛ kɛ sang say igbɔm ɛTaanggbey ba te ɛngɔn ɛshɛɛrɛng ngga, sɔng ɛ sɛ ne bhɛ sɛ lel nang.”

ɛLuka 12:1

Kɛ ne sɛ idira ninyi de kɛ tumɛy gbom, nibhɛ phyii en, ɛYɛso gha ne tsa ɛ boote nɛ ninɔn ne icwam ɛbhɛ na, ɛ yaak nibhɛ, “Wɛɛ ɛn nyini yɛnɛng daa ne iyis niFarisawa de ne iphɛ so iluk ga.

ɛLuka 11:44

ɛKɔn ne ɛnik, nyinɛn niFarisawa wo, daa ɛli ne ˆɛ so ɛn te ikpuu nɛ ninyi hyel lɛ nibhɛ ne sang jii yɛɛ te ikpuu.

ɛMarakus 10:25

iPhɛ so phyongka ɛlangkumɛ lel ne ibong ɛluula ne ɛhaa ne iryat ta yaa lel ne igbɔm ɛTaanggbey ba.”

ɛMarakus 10:15

iTin nɛ ne n nzi tɔng nyini, ɛhiha ɛnyi ne ɛ kɛ sang say igbɔm ɛTaanggbey ba te ɛngɔn ɛshɛɛrɛng nga, sɔng ɛ sɛ ne bhɛ lel ne ifɛ nang.

ɛMacu 18:5

“ɛHiha ɛnyi gha ne ɛ kɛ ne say ɛngɔn ɛshɛɛrɛng nga tɛ ɛsaa bɛ gha lenɛ ne irywɛɛk nge wo, mee nɛ kɛ ne say me.”

ɛMacu 3:10

iTsɛm be ku so ne icwin ne ihon da, ɛhiha ɛhon na ne ɛ kɛ sang yɛk ikpam iywɛnɛng, yaa ne tɛmɛ ɛbhɛ i cwaak ndɔ ne igboo.

ɛMacu 16:12

Ninɔn ne icwam ma ne ji seng, sɔng ɛYɛso gha kaa bo wu tɛ nibhɛ ryɔng no ɛlɔ ne iyis ne i yɛk ne ibɛrɛdi nang, ɛ kaa yang i bo wu tɛ nibhɛ ryɔng en ɛlɔ ne imɛmɛ niFarisawa nɛ niSadukyawa.

2 iKɔrɔntos 3:9

Wu ɛkɔn na ne ɛ yɛɛs ne iku de kɛ sɛ ndiinday de, iphɛ ne so nggbinggbing ɛkɔn na ne ɛ yɛɛs ne cik ɛTaanggbey de ya phyin ne ndiinday de gbom.