ɛMacu 5:18 - ɛWee ne ìTsɛm iHywas

¹⁸ Nzi tɔng nyini itin nɛ, ɛdaa ne irywa wo ne ɛzay ya gbik sɛ taal le, sɔng ɛdɛ byibyɔɔrɔk gbik ne ɛdɛ ɛlyilying ne ibol ɛShara gha sɛ phee nang, sɛ shwaasek nibhɛ gbigbik.

ɛMacu 5:18 ပူးပေါင်းရင်းမြစ်များ

ɛLuka 16:17

Gbik ne iphɛ ɛlɛy, iPhɛ sɛ so phyonka irywa ne ivel taal le ne yaa yɔng kɛ tek ɛdɛ tyityin ɛShara ɛMuusaa gha.”

1 ɛBiturus 1:25

ibɔrɔk ne ibol ɛDaray de, yaa ne i shɛɛ nɛ ishay-ishay.” iBol lɛdee wo iphɛ ne so iBol iYɛnɛng ngge ne kɛ tɔng nyini wo.

ɛMarakus 13:30

Nzi tɔng nyini itin nɛ, sɔng ninyi ne izam mɛnaa wo sɛ ne kus gbik nyɛɛn nikɔn nɛnaa wo kyi tes sang.

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

ɛYohana 5:19

ɛYɛso gha ne kyii nibhɛ nɛ ɛ yɔngɔ, “Nzi tɔng nyini itin nɛ, sɔng ɛNgɔn na mɔn ɛdɛ ɛkɔn na nggenggerey yang, ɛ mɔn ɛkɔn na ne ɛ kɛ yaang ɛKyɛɛ gha mɔn, daa ɛli ne gbik ɛkɔn na ɛKyɛɛ ɛbhɛ gha mɔn no, ɛbhɛ ne ɛNgɔn na ne ma mɔn ne mang.

ɛMacu 17:20

ɛYɛso gha ne kyii nɛ ɛ yɔngɔ, “Daa ɛli ne ìnang ne itin mon de kɛ taasek. Nzi tɔng nyini itin nɛ, ɛ sɛ kyi bok ɛn ìnang ne itin de ncɛt te itsara ne imɔsita, ɛ sɛ ne yaak ɛn ɛwarang ngɛ woo, ‘Shompe yɛ ɛbɛ wo te ɛ cwi gɔɔ nggyɛ,’ ɛbhɛ sɛ ne shompeey, sɔng ɛkɔn sɛ ne bɛ nyini nang.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛMacu 13:17

Nzi tɔng nyini itin nɛ, ninabawa na gbom nɛ ninyi ɛTaanggbey ya gbom kɛ sim ɛli nɛ nibhɛ yaa yaang ɛkɔn na ne ɛ yaang ɛn no, sɔng nibhɛ kɛ yaang nang. Nibhɛ ne ta sim ɛli nɛ nibhɛ yaa phok ɛkɔn na ne ɛ phok ɛn no, sɔng nibhɛ kɛ ne phok kang.”

ɛMacu 10:23

Sɛ ne sɛ i baasek nyini nggbang ngga ɛgarang nga, ne ɛ tel ɛn ɛ phɛ ɛn ɛhak ɛgarang. Nzi ne tɔng nyini itin nɛ, sɔng ɛ sɛ tel ɛn ɛ taal ɛn nigarang niSɛrɛla na gbik nyɛɛn ɛNgɔn ɛNyi gha kyi yɛɛs sang.

ɛMacu 6:2

“iPhɛ ɛlɛy, wu aa nang ɛtaasek ka ɛkɔn na, sɔng ne ɛ tɔɔrek kpas tɛ niluk ka nɛ nibhɛ tɔɔsel ndɔ ne idee ne itsɔɔy de ne nkpiinɛ da nang. Nibhɛ mɔn ɛlɛ wo te ninyi na ji ton nibhɛ. Nzi ne tɔng nyini itin nɛ, nibhɛ kɛ ku say ilong nibhɛ de.

ɛMacu 5:26

Nzi tɔng ngɛ itin nɛ, sɔng aa bhɛ wuru tang ɛ kɛ tal ɛkyokyoobo gha ne kɛ hyɛ yɛnɛ wo nang.

ɛYohana 21:18

Nzi tɔng ngɛ itin nɛ, nten de ne ɛ tɔ ne ifas da, ɛ kaa ne i yɛk kɛ ne itsura, ɛ phɛ ɛlɔ gha ne irway mo bok kɛ wu te ɛ phɛ, yaa ne sɛ ɛ kɛ helem mo, aa ne yaa yinɛ ibɔ mo ɛhak ɛnyi bhɛ yɛk kɛ ne itsura ba ɛ bo yɛ ɛ phɛ nɛ ɛlɔ gha ne sɔng ɛ sim mang.”

ɛYohana 16:23

Sɛ́ sɛ ɛtuk kɛghaa nggyɛ wo kɛ yɛɛs, sɔng ɛ sɛ tang phom ɛn mɛɛn ɛkɔn nang. Nzi tɔng nyini itin nɛ ɛKyɛɛ nge sɛ nang nyini gbik ɛkɔn negha ne ɛ kɛ phom ɛn daa ɛli ne ɛ so ɛn ninaa nge na.

ɛYohana 16:20

Nzi tɔng nyini itin nɛ, ɛ sɛ san ɛn ɛ banga ɛn ikpun ɛzay ya ne jii sɛ. Ɛ sɛ bok ɛn irway ishwii, irway ishwii mon da sɛ ne teye irway ihwala.

ɛYohana 14:12

Nzi tɔng nyini itin nɛ, gbik ɛnyi gha ɛ kɛ nang ne itin nɛ ne me wo, aa ne mɔn nikɔn na ne nzi mɔn no. Aa ne mɔn nikɔn na nɛ nibhɛ phyin ninaa wo, daa ɛli ne naa phɛ ɛlɔ ɛKyɛɛ gha.

ɛYohana 13:38

ɛYɛso gha ne kyii nɛ ɛ yɔngɔ, “Aa nang iken mo de ɛlɔ me woo? Nzi tɔng ngɛ itin nɛ, aa re ishamas ɛ yɔng wu hang i yɛɛ me ɛ te ɛtat nyɛɛn ɛrom kyi tɛpeey!”

ɛYohana 13:16

Nzi tɔng nyini itin nɛ, “Sɔng ɛkpuru gha phyin ɛkyɛɛ ne ijwee ɛbhɛ gha nang, sɔng ɛngɔn ne tom ma ne phyin ɛnyi gha ne ɛ kɛ tom ɛbhɛ wo nang.

ɛYohana 12:24

Nzi tɔng nyini itin nɛ: wu itsarak ɛlikama de kɛ sang lel ne ivel ihywɛ ku, ihywɛ yaa ne ku i shɛɛ itsarak izaan. Wu ihywɛ kɛ ne ku nang, ihywɛ yaa ne yɛk ɛtsak itsarak gbom.

ɛYohana 10:7

iPhɛ ɛlɛy, ɛYɛso gha ne ta ɛ yaak nibhɛ, “Nzi tɔng nyini itin nɛ, Mee nzo ɛnu ne izuk ne ibang ntsabhak ge.

ɛYohana 10:1

ɛYɛso gha ne yaak nibhɛ, “Nzi tɔng nyini itin nɛ, ɛnyi gha ne ɛ kɛ sang roos ɛnu ne izuk ne ibang ne ntsabhak ge, ɛ kyii roos ikɛk ge ɛ lel lo ɛ soye ɛhaa ɛyi, ne ɛhaa ne bo ihwet ɛ phɔrɔt nɛ nikɔn ninyi.

ɛYohana 8:58

ɛYɛso gha ne yaak nibhɛ, “Nzi tɔng nyini itin nɛ, ɛli ne tang yɛk ɛBaraying nge gha, ‘Nggu Sonɛ.’ ”

ɛYohana 8:51

Nzi tɔng nyini itin nɛ, ɛhiha ɛnyi ne ɛ kɛ roos ibol nge de, sɔng ɛ sɛ ne ku nang.”

ɛYohana 8:34

ɛYɛso gha ne kyii nɛ ɛ yɔngɔ, “Nzi tɔng nyini itin nɛ, ɛhiha ɛnyi ne ɛ kɛ mɔn ɛfɔt, ɛ kɛ teye ɛkpuru ne ɛfɔt ta.

ɛYohana 6:53

ɛYɛso gha ne yaak nibhɛ, “Nzi tɔng nyini itin nɛ, wu ɛ kɛ sang re ɛn ibek ɛNgɔn ɛNyi de ɛ ta sɔ ɛn neyi ɛbhɛ na, sɔng ne ɛ bok ɛn iken ndɔ mon nang.

ɛYohana 6:47

Nzi tɔng nyini itin nɛ, ɛhiha ɛnyi ne ɛ kɛ nang ne itin ne me wo, ɛ bok iken ne inat.

ɛYohana 6:32

ɛYɛso gha ne yaak nibhɛ, “Nzi tɔng nyini itin nɛ, sɔng ɛMuusaa gha ɛbhɛ kaa nang nyini ire de ne iphɛ le daa ne irywa wo nang, ɛKyɛɛ nge ɛbhɛ ɛ kaa nang ire ntin ɛdaa ne irywa de.

ɛYohana 6:26

ɛYɛso gha ne kyii nɛ ɛ yɔngɔ, “Nzi tɔng nyini itin nɛ, sɔng ɛ tɔk ɛn mɛɛn daa ɛli ne ɛ kɛ yaang ɛn nikɔn ne kparat ta ne nggɛ mɔn nang, ɛɛ tɔk ɛn mɛɛn daa ɛli ne nggɛ nang nyini ire ɛ re ɛn ɛ sighisi ɛn.

ɛYohana 3:11

Nzi tɔng ngɛ itin nɛ, njwìi bol ɛkɔn negha ne njwi yɛɛ, njwii ne ta tɔng ninyi ɛkɔn na njwi kɛ yaang, gbik ne iphɛ ɛlɛy sɔng ɛnyi kɛ ne say ibol mos de nang.

ɛYohana 3:5

ɛYɛso gha ne kyii nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi ndɔ inɛn gbik ne iKabyik, sɔng ɛ sɛ ne bhɛ lel ne igbɔm ɛTaanggbey da nang.

ɛYohana 3:3

ɛYɛso gha ne kyii ɛbhɛ nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi gha dɔng, sɔng ɛ sɛ ne bhɛ yaang igbɔm ɛTaanggbey da nang.”

ɛYohana 1:51

Ne ɛ yaak nibhɛ, “Nzi tɔng nyini itin nɛ, ɛ sɛ yaang ɛn irywa kɛ phaal le, nimalɛka ɛTaanggbey ji le ne ɛdak kɛ nibhɛ tɔmɔs nibhɛ ta i waase daa ɛNgɔn ɛNyi gha.”

ɛLuka 23:43

ɛYɛso gha ne kyii ɛbhɛ nɛ, ɛ yaak ɛbhɛ, “Nzi tɔng ngɛ itin nɛ, izenge wo aa bhɛ soos ɛlɔ nge daa ne ijwee ne irway ihwala wo.”

ɛLuka 18:29

ɛYɛso gha ne yaak nibhɛ, “Nzi tɔng nyini itin nɛ, gbik ɛnyi gha ne ɛ kɛ tek ijwee ɛbhɛ wo, nɛ ɛkuk ɛbhɛ gha, nɛ nigwaa ɛbhɛ na, nɛ nikyɛɛ ɛbhɛ na gbik nɛ ninɔn ɛbhɛ na, ɛlɔ ne ibol ne igbɔm ɛTaanggbey ba.

ɛLuka 18:17

Naa tɔng nyini itin nɛ, ɛhiha ɛnyi gha ne ɛ kɛ sang say igbɔm ɛTaanggbey ba te ɛngɔn ɛshɛɛrɛng ngga, sɔng ɛ sɛ ne bhɛ sɛ lel nang.”

ɛLuka 13:35

iPhɛ ɛlɛy naa ne tek nyini ijwee mon no, sɔng aa tang yaang ɛn mɛɛn dɔng nang, sɛ ɛ kɛ kyi yɔngɔ ɛn, ‘ɛHaa ɛwɛng ngaa nggyɛy ne ɛ kɛ yɛɛs ndɔ ne irywɛɛk ɛDaray.’ ”

ɛLuka 12:37

iPhɛ sɛ soye ɛkɔn ne irway ihwala daa nikpuru na ne ɛkyɛɛ ne ijwee nibhɛ na kɛ bhɛ kyii ɛ sɛ nibhɛ tɔ semey nibhɛ hyep po. Naa tɔng nyini, ɛkyɛɛ ne ijwee gha sɛ ne tul itsura, ɛ yɛk ghe ne itsura ne wol ire, ɛ yaak nibhɛ tɛ nibhɛ sooset, ɛ ji nang ɛrɔngɔ ire de, ɛ hyep nibhɛ, nibhɛ re.

ɛLuka 11:51

Sɛ lenɛ neyi ɛHabila bhɛ hɔn nɛ ninaa ɛZakaraya, ne kaa phoo ɛceree ɛraa ne hap itsanga ne ɛlɔ ne kɛ Tul Kang ne iDeng ngge. Ɛɛy! Nzi tɔng nyini, ninaa ne izam mɛnaa wo sɛ ne ma sɔ nggbang ngɛ.”

ɛMarakus 14:30

ɛYɛso gha ne yaak ɛbhɛ, “N nzi tɔng nge itin nɛ, ɛrom yaa yɔng te tɛpeey ɛhaa ɛphaa yɛ, aa ne ton ɛ tenɛ ɛtat, ɛ yɔng wu hang i yɛɛ me.”

ɛMarakus 14:25

Nzi tɔng nyini itin nɛ sɔng na tang ta sɔ inɛn ɛnap pɛdaa wo nang, sɛ ɛtuk kɛghaa nggyɛy ne n nzɛ sɔ mpas sɛ dak ne igbom ɛTaanggbey.”

ɛMarakus 14:18

Kɛ ne sɛ nibhɛ so ne re ire de nang ɛYɛso gha ne yaak nibhɛ, “Nzi tɔng nyini itin nɛ ɛdɛ mon so ɛbɛ wo, ne njwii re ire yɛdee wo ne ɛbhɛ, ɛbhɛ sɛ ne rɛp me!”

ɛMarakus 14:9

ɛTsak! Gbik ɛlɔ gha ne sɛ bhɛ sanga ne ɛnu ne ibol iyɛnɛng nge gha ndɔ ɛzay ya, sɛ ne ma phyii dat ngka ɛkuk kɛdee wo, da ɛkɔn na ne ɛ kɛ mɔn me nɛ wo. Ninyi na sɛ ne i maa tas ne ɛbhɛ.

ɛMarakus 12:43

ɛYɛso gha ne yel-le ninɔn ne icwam ɛbhɛ na ɛ yaak nibhɛ, “Nzi tɔng nyini itin nɛ izɛɛng ɛkusang ngɛdee wo ihywee phyin izee ne ɛbyin ninyi de gbigbik nɛ nibhɛ kɛ cwaasek ngɛ wo.

ɛMarakus 11:23

Nzi tɔng nyini itin nɛ, ɛhiha ɛnyi ne ɛ sɛ kyi yaak ɛphang ngɛwoo be, ‘Yilitsik ɛbhɛ ho ndɔ ɛrenes,’ ɛ sang kyii to irway ne daa ne ibol lɛ, ɛ yang nang ne itin nɛ daa ne ibol de ne ɛ kɛ boote wo, ɛkɔn na ne ɛ kɛ boote wo aa ne te.

ɛMarakus 10:29

ɛYɛso gha ne kyii nɛ ɛ yaak ɛbhɛ, “N nzi tɔng ninyi itin nɛ! ɛNyi gha ne ɛ kɛ tek ijwee ɛbhɛ nɛ nigwaa ɛbhɛ niras, nɛ nigwaa ɛbhɛ nikuk, ne ɛkyɛɛ ɛbhɛ, ne ɛgyinɛ ɛbhɛ, nɛ ninɔn ɛbhɛ, ne ihwap ɛbhɛ ɛlɔ me wo ne ibol iyɛnɛng ngge,

ɛMarakus 10:15

iTin nɛ ne n nzi tɔng nyini, ɛhiha ɛnyi ne ɛ kɛ sang say igbɔm ɛTaanggbey ba te ɛngɔn ɛshɛɛrɛng nga, sɔng ɛ sɛ ne bhɛ lel ne ifɛ nang.

ɛMarakus 9:41

Nzi tɔng nyini itin nɛ, ɛnyi gha ne ɛ kɛ nang nyini inɛn ne so ɛhyihyangas daa ɛli ne ɛ so ɛn ninaa ɛKiriti na, iphɛ ne so nggbinggbing ɛ sɛ ɛwɛng ɛbhɛ.”

ɛMarakus 9:1

ɛYɛso gha ne ta yaak nibhɛ, “iTin nɛ ne naa mɔng nyini, ɛbyin mon so ɛbɛ wo ne sɔng nibhɛ sɛ kus sang nyɛɛn nibhɛ yaang igbɔm ɛTaanggbey da yaaso ndɔ ne ito-ndiinday de nang.”

ɛMarakus 8:12

ɛYɛso gha ne kyangkey ɛ hɔwɔ ifɔng. Ne Ɛ yaak nibhɛ, “iKyee iphɛ kɛ te ninyi nten nɛnaa wo tɔk te sɛ tɔɔsel nibhɛ nikɔn ne kparat ta ɛlɛ woo? iTin nɛ ne n nzi tɔng nyini, sɔng na tɔɔrek nibhɛ ɛkɔn nang.”

ɛMarakus 6:11

Yaa ne sɛ ɛlɔ gha nɛ ninyi yɛ kɛ bhɛ mbaray nyini nɛ, nibhɛ ta mbaray tang phok ibol mon de, ne ɛ wuru ɛn ɛ te ɛn ɛbung ne ita mon kokok. ɛBung ngɛghaa nggyɛ wo ɛbhɛ sɛ ne wum nibhɛ.”

ɛMarakus 3:28

“Naa tɔng nyini itin nɛ, ɛTaanggbey ya sɛ han ninyi na ne ibebhe de nɛ nibhɛ kɛ mɔn ɛbhɛ nɛ wo gbik, ɛ phyii han nibhɛ ne ivol ikpɛɛ da nɛ nibhɛ kɛ bol lo gbik.

ɛMacu 25:45

“ɛGɔm ma sɛ ne ma kyii nɛ, ɛ yaak nibhɛ, ‘Nzi tɔng nyini nɛ, ɛli ne ɛ kaa shɛɛ tang mɔn ɛn ɛdɛng ne ɛ kɛ taasek ndɔ ninaa wo, mee ne ɛ kaa ne shɛɛ tang mɔn ɛn mɛɛn nɛ.’

ɛMacu 25:40

“ɛGɔm ma sɛ ne kyii nɛ ɛ yaak nibhɛ, ‘Nzi tɔng nyini itin nɛ, ɛli ne kaa mɔn ɛn ɛdɛng ɛdaan ne ɛ kɛ taasek ko ndɔ nigwaa nge na, mee ne ɛ kaa ne mɔn ɛn mɛɛn nɛ.’

ɛMacu 25:12

“ɛYiyaam ne yɛl la ne kyii nɛ, ɛ yɔngɔ, ‘Nzi tɔng nyini itin nɛ, sɔng nzi yɛɛ nyini nang.’

ɛMacu 24:47

Nzi tɔng nyini, ɛkyɛɛ ne ijwee ɛbhɛ gha yaa ne yɛk ɛbhɛ nɛ ɛ teye ɛhaa ne wɛɛ ɛbhɛ nikɔn ɛbhɛ na gbik.

ɛMacu 24:2

ɛYɛso gha ne kyii nibhɛ nɛ, ɛ yɔngɔ, “Ɛ yaang ɛn idee yɛdee woo? Nzi ne tɔng nyini itin nɛ, sɔng i sɛ tek ikɛɛ iphɛ idaan daa ne ihak tang kɛ top nang.”

ɛMacu 23:36

Nzi ne tɔng nyini, nikɔn nɛnaa wo sɛ ne tes daa ninyi ne izam mɛnaa wo gbik.”

ɛMacu 21:31

“ɛYaphɛɛ yɛ ndɔ ninɔn ifaa yɛnaa wo ɛbhɛ kɛ mɔn ɛkɔn na ne ɛkyɛɛ gha sim me? “Nibhɛ ne yaak ɛYɛso yegha, ‘ɛKɔɔn na.’ “ɛYɛso gha ne yaak nibhɛ nzi tɔng nyini itin nɛ, ninaa ne saasel ijam ne ivel nɛ nikuk ne re shwaa na sɛ bhɛ leesel ne igbɔm ɛTaanggbey da ɛyisɛ mon.

ɛMacu 21:21

ɛYɛso gha ne kyii nibhɛ nɛ, ne ɛ yɔngɔ, “Nzi tɔng nyini itin nɛ, wu ɛ bok ɛn ìnang ne itin tang ɛ to ɛn irway daa ne iphɛ, ɛ sɛ ne mɔn ɛn ɛkɔn na ne ɛ phyin ɛhaa ne nggɛ mɔn ɛpharang ngɛghaa wo nɛ wo. Ɛ sɛɛ ma yung yaak ɛn ɛwarang ngɛ wo, ‘Yilitsik te ɛbhɛ ho ndɔ ɛling,’ iphɛ sɛɛ ne te ɛlɛy.

ɛMacu 19:28

ɛYɛso gha ne yaak nibhɛ, “Nzi tɔng nyini itin nɛ, ɛzay ɛphas sa, nten de ɛNgɔn ɛNyi gha sɛ bhɛ soos ɛlɔ ne soos ɛndiinday ne igbɔm ɛbhɛ da, nyinɛn no ne ɛ kɛ roos ɛn mɛɛn no, ɛ sɛ ne ma sooset en daa nicuruu ne igbɔm ɛnduwubɔ nɛ nibhɛ ifaa, ɛ bol ɛn itaang ɛnduwubɔ nɛ nibhɛ ifaa niSɛrɛla de ɛshara.

ɛMacu 19:23

ɛYɛso gha ne yaak ninɔn ne icwam ɛbhɛ na, “Nzi tɔng nyini itin nɛ, iphɛ bok nggbang ɛhaa ne iryat ta bhɛ lel dak ne igbɔm ɛdaa ne irywa da.

ɛMacu 18:18

Nzi tɔng nyini itin nɛ, gbik ɛkɔn na ne ɛ kɛ rop ɛn ndɔ ɛzay ya kɛ ne ma rop ɛbhɛ daa ne irywa wo, ɛkɔn na ɛ kɛ ne biri ɛn ndɔ ɛzay ya, kɛ ne ma biri daa ne irywa wo.

ɛMacu 18:3

ne ɛ ji yɔngɔ, “Nzi tɔng nyini itin nɛ, wu ɛ kɛ sang hyere nyini ɛ te ɛn tɛ ninɔn nishɛɛrɛng, sɔng ɛ sɛ ne bhɛ lel ɛn ne iGbɔm ɛdaa ne irywa ba nang.

ɛMacu 11:11

“Nzi tɔng nyini itin nɛ, gbik ɛnyi gha ne ɛkuk kɛ yɛk ɛbhɛ, ɛYohana ne Yaak ne iBatisima gha ne phyin ɛbhɛ. Gbik ne iphɛ ɛlɛy, ɛnyi gha ne ɛ kɛ ne taasek gbom ndɔ igbɔm ɛTaanggbey, ne ɛ phyin ɛbhɛ.

ɛMacu 10:42

ɛNyi gha ne ɛ kɛ ne nang ɛhaa ne ɛ phyin ne ncɛt ndɔ ninyi nge na ɛhyihyangas ne inɛn ntsentseng, daa ɛli ne ɛ soye ɛngɔn ne icwam ma, nzi ne tɔng nyini itin nɛ, sɔng ɛ sɛ́ ne wɔs iyɛnɛng ɛbhɛ de ne yaa mɔn ɛbhɛ nɛ wo nang.”

ɛMacu 10:15

Nzi ne tɔng nyini itin nɛ, sɛ ne san iyɔm ɛgarang ne iSɔdɔm gbik ne iGomora i phyin ɛgarang ngɛghaa nggyɛ wo ɛtuk ɛshara gha.

ɛMacu 8:10

Ne sɛ ɛYɛso gha kɛ phok ɛlɛ wo, ne ɛ wum ɛnu zii, ne ɛ ji yaak ninyi na nɛ nibhɛ kungus ɛbhɛ wo, “Nzi tɔng nyini itin nɛ, sɔng nggɛ ku sɛ ɛdɛ ɛnyi niSɛrɛla gha ne ɛ bok ihywee ne ìnang ne itin nɛdee wo nang.

ɛMacu 6:16

“Wu aa ne kuma ɛn no, sɔng ne ɛ bees ɛn ɛyisɛ mon na ɛli nɛ niluk ka i mɔn no nang, daa ɛli nɛ nibhɛ bees ɛyisɛ nibhɛ gha tɛ ninyi ji seng wu nibhɛ kuma. Nzi tɔng nyini itin nɛ nibhɛ kɛ ne ku say ilong nibhɛ.

ɛLuka 4:24

Ne ɛ hante nɛ, ɛ yaak nibhɛ, “Nzi tɔng nyini itin nɛ, sɔng i sim ɛnɛbi gha ɛgarang ɛbhɛ gha nang.”