ɛMacu 5:12 - ɛWee ne ìTsɛm iHywas

¹² Taasey ɛn ne irway ihwala, daa ɛli ne ɛ sɛ bhɛ pha ɛn gbom dak ne irywa wo. Ɛlɛy ne kaa ma baasek ninabawa na nggbang ngga nɛ nibhɛ ka so ɛyisɛ mon na.

ɛMacu 5:12 ပူးပေါင်းရင်းမြစ်များ

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 6:16

“Wu aa ne kuma ɛn no, sɔng ne ɛ bees ɛn ɛyisɛ mon na ɛli nɛ niluk ka i mɔn no nang, daa ɛli nɛ nibhɛ bees ɛyisɛ nibhɛ gha tɛ ninyi ji seng wu nibhɛ kuma. Nzi tɔng nyini itin nɛ nibhɛ kɛ ne ku say ilong nibhɛ.

ɛLuka 13:34

ɛYɛso ne ji salan, ɛ yɔngɔ, “Aa, ninaa ne iYɛrushɛlɛm! Ɛ phopho ɛn ninabawa, ne ɛ ta phengɛ ɛn ninaa ɛTaanggbey ya ne kɛ tom nyini nɛ. Nggɛ kyanke me nɛ nyinɛn, te n yaang nggɛ byinki nyini ɛlɔ ɛdaan, ɛli ne itsooro boos ninɔn ne ihywɛ ne ivaat, gbik ne iphɛ ɛlɛy, sɔng ɛ kɛ sim ɛn nang!

ɛLuka 6:23

“Yaa sɛ nikɔn nɛnaa wo kɛ sɛ nyini wo; say ɛn ne irway ihwala, te ɛ yel ɛn isham, daa ɛli ne sɛ mɔn nyini iyɛnɛng gbom daa ne irway wo. Ɛlɛy nɛ nikyɛɛ-nikyɛɛ nibhɛ na kaa mɔn niNabawa na nɛ.”

ɛLuka 6:35

Yang sim ɛn ninaa ne iphup mon na, te ɛ mɔn nibhɛ nikɔn niyɛnɛng. Kɔp ɛn nibhɛ ɛkɔn na, sɔng ne ɛ tas ɛn wu sɛ bhɛ kyii nyini nɛ nang. Sɛ ne bhɛ mɔn nyini iyɛnɛng gbom, ɛ ta te nyini ninɔn ɛTaanggbey ne ɛ so daa Nyu ne irywa na nɛ ne itin nɛ, daa ɛli ne ɛTaanggbey ya tɔɔsel ninaa ne bɛɛs nikɔn na nɛ nibebhe na iyɛnɛng ɛbhɛ de gbik.

ɛTomɛ 16:25

Ne sɛ ɛceree ɛtuk ɛBulus sa ne ɛSila gha ne yaa bol ne ɛTaanggbey nibhɛ yaang ne iywel ɛbhɛ, ɛbyin ninyi na nɛ nibhɛ so ne ijwee ne nyang ngge ne i tenes nibhɛ.

ɛTomɛ 5:41

Ninɔn ne tom ma ne tek ɛnu ɛyisɛ nibhɛ gha ne ɛgbaang ne irway ihwala, daa ɛli nɛ nibhɛ yaang nibhɛ kɛ ma hɔn nibhɛ kɛ sɔ nggbang ngga da ne irywɛɛk ɛYɛso wo.

iRooma 5:3

Sɔng ɛlɛ wo zɔng nang, njwɛɛn bok irway ihwala ndɔ ne nggbang ngga ne njwɛɛn i sɔ wo daa ɛli ne njwɛɛn i yɛɛ wu nggbang ngga i yɛɛs ne irway nviit.

1 iKɔrɔntos 3:8

Sɔng ɛhaa ne tubhus sa labhe ne ɛhaa ne ramas sa nang, ɛTaanggbey ya sɛ bhɛ mɔn ɛrɔngɔ iyɛnɛng ngge kancɛng ne ɛtomɛ gha ne ɛ kɛ mɔn.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

iFilibi 1:29

Daa ɛli ne sɔng kɛ nang nyini izɛɛng ngge te ˆɛ nang ɛn ne itin nɛ ne ɛKiriti gha zɔng nang, kɛ nang nyini te ˆɛ ma sɔ ɛn nggbang ngga ɛlɔ ɛbhɛ gha ne mang.

iFilibi 2:17

ìNang ne itin mon de gbik ne ɛtomɛ mon na ndɔ ɛDaray ya so te hap itsanga ɛlɔ ɛbhɛ gha. Sɛ ne kyi yɔng yaa lok neyi nge na daa ne hap itsanga yɛdee wo, nzɛ ne phok iyɛnɛng, n da bok irway ihwala nɛ nyinɛn no gbik.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

iKɔlɔsi 3:24

Daa ɛli ne ˆɛ yɛɛ ɛn ɛDaray ya bok isha ne iphɛ so iyɛnɛng mon ne ɛ sɛ́ nang nyini, ɛlɔ ne ɛDaray ɛKiriti gha ne ˆɛ mɔn ɛn ɛbhɛ ɛtomɛ gha.

1 iTasɔlɔnika 2:15

niYahodawa na bhɛ kaa phoo ɛDaray ɛYɛso yegha nɛ ninabawa ne ile na nibhɛ ta baasek njwii nggbang ngga. Nibhɛ kɛ bees ɛTaanggbey ye irway gbom, nibhɛ ne bok iphup be nɛ ninyi na gbik.

iBirani 10:34

Ɛ kaa san ɛn iyɔm ninyi nibhɛ so ne nyang. Kaa ne phɔrɔt nikɔn mon ne ihwet, ne ɛ sim ɛn ɛlɛy ne irway ihwala, daa ɛli ne ɛ yɛɛ ɛ bok ɛn nikɔn niyɛnɛng nɛ nibhɛ kɛ jam gbom nibhɛ so ninaa ne inat.

iBirani 11:26

Ɛ kaa kasa ncwa da ne aa sɔ ɛlɔ ɛKiriti gha phyin iryat ne iMasad de ne iyɛnɛng gbom, daa ɛli ne ɛ kaa sit irwisɛ ɛbhɛ ne iyɛnɛng ngge ne sɛ bhɛ mɔn ɛbhɛ nɛ gɔɔ ɛyisɛ gha.

iBirani 11:33

Kaa lenɛ ne ìnang ne itin nibhɛ de, nibhɛ ne re nigɔm ne itsom, nibhɛ bol ɛshara ntin, nibhɛ ne say ɛkɔn na ne ɛTaanggbey kɛ ku sim-mɛ, nibhɛ cwamas ninu nikuramanza.

iBirani 11:6

Wɛlɛng ɛnyi ne aa te ɛTaanggbey yegha phok iyɛnɛng tang ɛ kɛ nang ne itin nɛ. Daa ɛli ne gbik ɛnyi gha ne ɛ yaaso ɛlɔ ɛTaanggbey ya, iphɛ so nggbinggbing ɛ nang ne itin nɛ wu ɛTaanggbey ya sonɛ. Wu ɛ mɔn ninyi na nɛ nibhɛ tɔk ɛbhɛ wo iyɛnɛng.

ɛYakub 1:2

Nigwaa en, bo ɛn nggbang ngga ne ˆɛ sɔ ɛn ihywee-ihywee de te mpɛ teye ɛkɔn ne irway ihwala,

ɛYakub 5:10

Nigwaa en, taate ɛn nɛ ninabawa na nɛ nibhɛ kaa boote ndɔ ne irywɛɛk ɛDaray yo. Roos ɛn ngkɔɔl nibhɛ daa ne rop iku nibhɛ de ndɔ ne nggbang ngga.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.