ɛMacu 5:11 - ɛWee ne ìTsɛm iHywas

¹¹ “Ɛ so ɛn nyini ninaa ɛwɛng wu ninyi na i towos nyini, nibhɛ baasek nyini nggbang, nibhɛ robhos nyini ne ihyoo nikɔn nibebhe ihywee-ihywee ɛlɔ mee wo.

ɛMacu 5:11 ပူးပေါင်းရင်းမြစ်များ

1 ɛBiturus 4:14

Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.

ɛLuka 21:17

Ninyi na gbik sɛ ne mbaray nyinɛn ɛlɔ me wo.

ɛMarakus 13:13

Ninyi gbom sɛ ne yaa mbaray nyini ɛlɔ me wo. ɛNyi gha ne ɛ sɛ ne kyinak gɛgɛy ndɔ ne ibol nge de nang ɛbhɛ sɛ ne phɔrɔt.

ɛMacu 24:9

“Sɛ ne wumus nyini i naas ninyi nɛ ninaa ne baasek nyini nggbang, nibhɛ ne phobho nyini. iGbagha wo gbik sɛ ne mbaray nyini ɛlɔ me wo.

ɛLuka 6:22

Ninaa ɛwɛng ngaa nggyɛy, ne ɛzay kɛ mbaray nibhɛ wo, ɛ towos nibhɛ wo ɛ yaak nibhɛ wu nibhɛ soye nibebhe na lenɛ ne ɛNgɔn ɛNyi gha.

1 ɛBiturus 2:23

Kaa sɛ ninyi na i towos ɛbhɛ wo, sɔng ne ɛ kyii ne ɛkɔn nang. Kaa ne sɛ ɛ sɔ nggbang, sɔng ne ɛ yɔng wu yaa tal nang. Ɛ kaa yang ku sit irwisɛ ɛbhɛ daa ɛTaanggbey ne ɛbhɛ so ɛhaa ne bol ɛshara cik.

ɛYohana 15:21

Nibhɛ yaa mɔn nyini ɛlɛ wo daa ɛli ne ɛ so ɛn ninyi nge; sɔng nibhɛ ne yɛɛ ɛHaa ne ɛ kɛ tom me wo nang.

ɛMacu 10:22

Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.

ɛMacu 10:39

ɛHiha ɛnyi ne ɛ ne sim iken ɛbhɛ de aa ne wɔs iphɛ, ɛhaa ne kɛ ne wɔs iken ɛbhɛ de ɛlɔ me wo aa ne sɛ iphɛ.

Nikɔn ne kɛ Phaal 2:3

Nzi yɛɛ ɛ bok ɛbɔk, ɛ kɛ ne sɔ nggbang gagak ɛlɔ ne irywɛɛk nge wo, sɔng ɛ kɛ ne te kpos nang.

ɛMacu 19:29

Gbik ɛnyi gha ne ɛ kɛ ne tek idee, nɛ nigwaa niras sɛ nɛ nikuk kɛ, ne ɛkyɛɛ ne ɛgyinɛ, nɛ ninɔn, ne ihap ɛlɔ me wo, ɛ sɛ ne bhɛ say nikɔn nɛnaa wo i kyii tiil ɛbhɛ nɛ ikɔl idaan, ne ji ta nang ɛbhɛ iken ne inat.

2 iKɔrɔntos 4:11

Gbik ndɔ ne ishwɛɛ mos da, njwi so ɛnu ne iku ɛlɔ ne ibol ɛYɛso de, te sɛ yaang ishwɛɛ ɛYɛso da ndɔ ne ibek mos de ne iphɛ so idee ne iku de.

1 iKɔrɔntos 4:10

Njwi kɛ tes se niwamang te sɛ i nang ɛKiriti ye ne ndiinday, ne ɛ ji so ɛn ninaa ne ntsɛntsɛng ndɔ ɛKiriti gha! Sɔng njwi bok ihwet nang, ne ɛ bok ɛn ihwet! I naas nyini ne ndiinday, ne i bɛɛs njwii!

iRooma 8:36

Te ɛli ne kɛ haa ndɔ ne ɛwee ne ibol ɛTaanggbey yo bo: “ɛLɔ nggyɛ ne njwi yaang iku cɛcɛɛy kɛ bo njwii te ᐩigyol ntsabhak ne yaa hyɛghɛ.”

ɛLuka 21:12

Sɛ ne wumus nyini i baasek nyini nggbang, i phɛɛs ne nyinɛn ne itsɔɔy bhɛ bol nyini ɛshara ji cwaasek nyini ne idee ne nyang. Sɛ kpuusi nyini i phɛ nɛ ɛlɔ ne igbaang nigɔm nɛ nishɛɛrɛng ngɛ lenɛ ne irywɛɛk nge wo, nyɛɛn nikɔn nɛnaa wo kyi tes so.

ɛLuka 9:24

ɛHiha ɛNyi ne ɛ sim aa phɔt ito ɛbhɛ de, aa kyii wɔs iphɛ. ɛHaa ne ɛ kɛ ne mbaray ito ɛbhɛ ɛlɔ me wo, aa ne phɔt iphɛ.

ɛMarakus 8:35

ɛHiha ɛnyi ne ɛ sim te aa phɔt iken ɛbhɛ de, aa ne wɔs iphɛ. ɛHaa ne ɛ kɛ ne wɔs iken ɛbhɛ de ɛlɔ me wo ne ibol iyɛnɛng ngge, aa ne sɛ iphɛ.

ɛMacu 10:25

iPhɛ kɛ hɔn ɛNgɔn ne icwam ma nɛ ɛ te tɛ ɛkyɛɛ ne icwam ɛbhɛ gha. iPhɛ kɛ ne ma hɔn ɛkpuru gha nɛ ɛ te tɛ ɛkyɛɛ ne ijwee ɛbhɛ. Wu kɛ yɔngɔ wu ɛkyɛɛ ne ijwee gha soye ɛBɛlizɛbul la, yaa ne yel-le ninaa ne ijwee ɛbhɛ na ne irɛɛk ge ne iphɛ phyin idede nggyɛ wo.

ɛTomɛ 9:16

Na tɔɔrek ɛbhɛ nggbang ngga ne iphɛ so ngbingbing ɛ sɔ mpɛ ɛlɔ me wo.”

ɛMarakus 13:9

Nyinɛn ne ninyi nge wo nang, ne ɛ wɛɛ ɛn nyini yɛnɛng. Sɛ lenɛ ne ibol nge de, ne bol nyini nishara, i phɛɛs ne nyinɛn ndɔ itsɔɔy bhɛ hal nyini. Ne kpuusi nyini i phɛɛs nɛ ɛlɔ ne igbaang nigɔm gbik nɛ nishɛrɛng ngɛ. ɛNggyɛ yo ne ɛ sɛ ne bhɛ sɛ ɛn ikɛk ɛ tɔng ɛn nibhɛ ibol nge de.

ɛMacu 27:39

Ninyi na nɛ nibhɛ kaa phebhe wo ne i tes itso rarak nibhɛ bol ivol ne bɛɛs daa ɛYɛso ghaa,

ɛMarakus 4:17

Sɔng ibol lɛ ne kyii lel ndɔ ne irway nibhɛ kyukyum nang. Sɔng iphɛ ne phyɔngɔle nɛ nang. iPhɛ ɛlɛy ne sɛ iku ne nggbang sɔng te sɛ nibhɛ lenɛ ne ibol lɛdee wo, nibhɛ shii hana iphɛ nibhɛ kyii ne ɛtsim.

ɛMacu 10:18

Sɛ ne lenɛ ne me wo, ne hɔ nyini i phɛɛs nɛ ɛlɔ nindiinday gbik nɛ nigɔm, ɛ ji bhɛ tɔng nibhɛ ibol iyɛnɛng ngge, ɛ ta tɔng ɛn ninaa ne hame nibhɛ so niYahodawa na.

ɛYohana 9:28

Nibhɛ ne toke ɛbhɛ nibhɛ yɔngɔ, “iGyɛ ɛ so ɛngɔn ne icwam ɛnyi yɛghaa nggyɛ wo, njwi so ninɔn ne icwam ɛMuusaa!

iFilibi 1:29

Daa ɛli ne sɔng kɛ nang nyini izɛɛng ngge te ˆɛ nang ɛn ne itin nɛ ne ɛKiriti gha zɔng nang, kɛ nang nyini te ˆɛ ma sɔ ɛn nggbang ngga ɛlɔ ɛbhɛ gha ne mang.