ɛMacu 5:10 - ɛWee ne ìTsɛm iHywas

¹⁰ Ninaa ɛwɛng ngaa nggyɛy ne i baasek nibhɛ nggbang daa ɛli nɛ nibhɛ hyel cik daa ɛli ne igbɔm ɛdaa ne irywa da soye ivaa nibhɛ.

ɛMacu 5:10 ပူးပေါင်းရင်းမြစ်များ

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

ɛMacu 5:3

“Ninaa ɛwɛng ngaa nggyɛy nɛ nibhɛ kɛ seng itaasek ne ikabyik nibhɛ da, daa ɛli ne igbɔm ɛdaa ne irywa da so ivaa nibhɛ.

ɛLuka 6:22

Ninaa ɛwɛng ngaa nggyɛy, ne ɛzay kɛ mbaray nibhɛ wo, ɛ towos nibhɛ wo ɛ yaak nibhɛ wu nibhɛ soye nibebhe na lenɛ ne ɛNgɔn ɛNyi gha.

2 ɛTimɔti 2:12

Wu njwɛɛn kɛ ne rop iku, njwɛɛn sɛ ne re igbɔm ne ɛbhɛ. Wu njwɛɛn kɛ ne yɔng wu hang i yɛɛ ɛbhɛ, ɛ sɛ ne ma yɔng wu hang i yɛɛ njwɛɛn.

iFilibi 1:28

Sɔng ˆɛ phok ɛn ɛnik ninaa ne iphup mon na nang, yang kyinak ɛn ne irway nviit. ɛBɛ wo kɛ tɔɔrek ncɛncɛng wu nibhɛ ne sɛ bees so, i ji phɔt nyini wo daa ɛli ne ɛTaanggbey ya ɛbhɛ so ɛhaa ne nang ɛwɛng nga.

ɛLuka 21:12

Sɛ ne wumus nyini i baasek nyini nggbang, i phɛɛs ne nyinɛn ne itsɔɔy bhɛ bol nyini ɛshara ji cwaasek nyini ne idee ne nyang. Sɛ kpuusi nyini i phɛ nɛ ɛlɔ ne igbaang nigɔm nɛ nishɛɛrɛng ngɛ lenɛ ne irywɛɛk nge wo, nyɛɛn nikɔn nɛnaa wo kyi tes so.

ɛYohana 15:20

“Tas ɛn ne ɛkɔn na ne nggaa mɔng nyini wo, nzi bo, ‘Sɔng ɛkpuru gha phyin ɛkyɛɛ ne ijwee ɛbhɛ gha nang.’ Wu ɛzay ya kɛ ne bak me nggbang ngga, iphɛ ne so nggbinggbing ɛ ma bak nyini ne mang. Sɛɛ yɔng nibhɛ kɛ roos ibol nge de nibhɛ sɛɛ ne ma roos idee mon de.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

2 ɛTimɔti 3:11

ˆƐ ta yɛɛ nggbang ngga ne ɛ ɛmpyep pa ne ɛ kɛ sɛ me ivel iNtakiya da, ne iKɔnyum de, ne iLisitira de ne itak iyɔm ba ne nggɛ bone ɛbɔk ka. Gbik ne iphɛ ɛlɛy ɛTaanggbey ɛbhɛ kɛ ne phɔt me ndɔ ne nggbang ngɛ da nggyɛ wo.

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛMarakus 10:30

aa ne sɛ idɛ idee de, nɛ nigwaa niras sa, nɛ nikyɛɛ na, ne ihap be idee ne iphɛ kɛ hɔn ɛnom ɛdaan ndɔ ɛzay yegha wo. Aa ne kyii ta sɔ nggbang dɔng. Ɛ sɛ ne ji bhɛ sɛ iken ne inat ɛzay ya ne ɛ yaaso wo.

ɛLuka 6:20

ɛYɛso gha ne yɛɛn ninɔn ne icwam ɛbhɛ na, ne ɛ yɔngɔ: “Ninaa ɛwɛng ngaa nggyɛy nɛ nibhɛ so nihala na, daa ɛli ne igbɔm ɛTaanggbey da soye ivaa mon.

ɛMacu 10:23

Sɛ ne sɛ i baasek nyini nggbang ngga ɛgarang nga, ne ɛ tel ɛn ɛ phɛ ɛn ɛhak ɛgarang. Nzi ne tɔng nyini itin nɛ, sɔng ɛ sɛ tel ɛn ɛ taal ɛn nigarang niSɛrɛla na gbik nyɛɛn ɛNgɔn ɛNyi gha kyi yɛɛs sang.

1 ɛYohana 3:12

Sɔng ˆɛ te ɛn te ɛKɛɛnu gha ne ɛ kaa soye ɛngɔn ɛShɛtan na, ne ɛ kaa phoo ɛgwaa ɛbhɛ gha nang. iKyee iphɛ kaa te ɛ phoo ɛgwaa ɛbhɛ ghaa? ɛKɛɛnu gha kaa phoo ɛgwaa ɛbhɛ gha daa ɛli nɛ nitomɛ ɛbhɛ ɛKɛɛnu gha kaa so nibebhe yɛ, ninaa ɛgwaa ɛbhɛ na ne so cik.

ɛTomɛ 8:1

ɛShawulu gha ne sim ɛli ne kɛ phoo ɛSitivin ne gha. ɛTuk kɛghaa nggyɛ wo ɛgbaang nggbang ne sɛ idira ninaa ne roos de nɛ nibhɛ so ne iYɛrushɛlɛm be. Nibhɛ ne tes en shwaa nibhɛ phɛ ne iYahudiya ne iSamariya. Ninɔn ne tom ma zɔng nibhɛ mak ne iYɛrushɛlɛm be.

ɛTomɛ 5:40

Nibhɛ ne yel-le ninɔn ne tom ma ndɔ ne ijwee wo, nibhɛ hal nibhɛ. Nibhɛ ji yaak nibhɛ wu hang nibhɛ tang boote ibol ndɔ ne irywɛɛk ɛYɛso wo dɔng. Nibhɛ ne ji yaak nibhɛ te nibhɛ hyel.

ɛMacu 19:14

ɛYɛso gha ne yɔngɔ, “Tek ɛn ninɔn na nibhɛ yɛɛs ɛlɔ nge gha, sɔng ɛ ring ɛn nibhɛ nɛ wo nang, daa ɛli ne igbɔm ɛdaa ne irywa da so ivaa ne ihywee nibhɛ.”

ɛMarakus 10:14

Kɛ ne sɛ ɛYɛso gha kɛ yaang ɛlɛ wo nang, ne ɛ phu irway nɛ ninɔn ne icwam ɛbhɛ na. Ne ɛ ji yaak nibhɛ, “Sɔng ɛ ring ɛn ninɔn na ne yɛɛs ɛlɔ nge gha nang, tek ɛn nibhɛ daa ɛli ne igbɔm ɛTaanggbey ba so ivaa ninaa nɛ nibhɛ so te ninɔn na.

ɛLuka 22:29

Nzi ne naas nyini igbɔm ba ɛli ne ɛKyɛɛ nge gha kɛ ma nang me wo.

ɛYakub 5:11

ɛTsak, njwɛɛn i yeres ninaa nɛ nibhɛ kɛ rop iku de ninaa ɛwɛng. ˆƐ kɛ phok ɛn ihywee ne rop iku de ne ɛYuba gha kaa rop po, ne ˆɛ ta seng ɛn ɛli ne ɛDaray ya kɛ sit ɛbhɛ ne ɛwɛng nga ne ɛtsim mɛ wo. Daa ɛli ne ɛDaray ya so hyɔrɔ ne rɔ-irway gbik ne san iyɔm.