ɛMacu 4:7 - ɛWee ne ìTsɛm iHywas

⁷ ɛYɛso gha ne kyii ɛbhɛ nɛ ɛ yɔngɔ, “Kɛ ta ku haa ndɔ ne ɛWee ne iBol ɛTaanggbey i bo, ‘Sɔng ɛ tɛrɛk ɛDaray ɛTaanggbey mo gha nang.’ ”

ɛMacu 4:7 ပူးပေါင်းရင်းမြစ်များ

1 iKɔrɔntos 10:9

Sɔng njwɛɛn tɛɛsek ɛDaray yegha ɛli nɛ nidɛng ndɔ nibhɛ wo kaa mɔn, izɔ de phobho nibhɛ wo nang.

iBirani 3:9

ɛNggyɛ wo nɛ nikyɛɛ mon na kaa phɔghɔ me, nibhɛ tɛɛsek me wo, nibhɛ ji yaang nikɔn na ne nggɛ mɔn ndɔ ne ishay nzuwubɔ nwaas da.

ɛTomɛ 5:9

ɛBiturus sa ne yaak ɛSafaratu yegha, “iKyee iphɛ kɛ te ɛ kɛ byinki ɛn ɛnu gha ne ɛras mo gha ɛɛ phɔwɔse ɛn iKabyik ɛDaray dee? iPhɛ dee ninyi na nɛ nibhɛ kɛ bhɛ rɛɛ ɛras mo gha, nibhɛ kɛ bhɛ kyii nibhɛ yɛɛs ne tuu ɛnu ne izuk, nibhɛ yaa ne ma ta bo yɛ nibhɛ wuru nɛ.”

ɛMacu 4:4

ɛYɛso gha ne kyii nɛ ɛ yaak ɛShɛtan ne gha, “Kɛ ku haa ndɔ ne ɛWee ne iBol ɛTaanggbey yo i bo, ‘Sɔng ne ire de zɔng ne ɛnyi gha i shɛɛ nɛ ɛken na nang. ɛNyi gha yaa yang shɛɛ ɛken na daa ne gbik idɛ, ibol de ne iphɛ kɛ wuru ɛlɔ ɛTaanggbey.’ ”

ɛMacu 4:10

ɛYɛso gha ne kyii nɛ ɛ yaak ɛbhɛ, “Cwi gɔɔ ɛbɛ wo ɛShɛtan nɔɔy! Kɛ ku haa ndɔ ne ɛWee ne iBol ɛTaanggbey yo bo, ‘Re ɛDaray ɛTaanggbey mo gha ntsong, ɛbhɛ zɔng ne aa re ɛbhɛ ntsong ngga.’ ”

ɛMacu 21:42

ɛYɛso gha ne yaak nibhɛ, “Ɛ ku shɛɛ tang tɔng ɛn ɛkɔn na ne ɛWee ne iBol ɛTaanggbey yo bo lo naa? Ɛbhɛ bo, ‘iKɛɛ de nɛ ninaa ne lɔl ijwee na kɛ mbaray yo, iphɛ phɛ kɛ kyii teye ɛkangashi yɛ. ɛTaanggbey ɛbhɛ kɛ mɔn ɛlɛy, iphɛ ne so njwɛɛn ɛkɔn ne wɛɛ zii.’

ɛMacu 21:16

Nibhɛ ne yaak ɛYɛso yegha, “Ɛ phok ɛkɔn na nɛ ninɔn nɛnaa wo ibol lee?” ɛYɛso gha ne kyii nɛ ɛ yaak nibhɛ, “Ɛɛy, ɛ kɛ ku shɛɛ tang tɔng ɛn ɛWee ne iBol ɛTaanggbey ne ɛbhɛ bo, ‘Ɛ kɛ mɛmɛ ninɔn nishɛrɛng ngɛ, nɛ ninɔn nishesheng, tɛ nibhɛ dɛp pɛ wo naa?’ ”

ɛLuka 4:12

ɛYɛso gha ne kyii nɛ, ɛ yaak ɛbhɛ, “Kɛ haa ndɔ ne ɛWee ne iBol ɛTaanggbey i bo, Sɔng ɛ tɛrɛk ɛDaray ɛTaanggbey mo gha nang.”

ɛTomɛ 15:10

iKyee phɛ ne kɛ te ɛɛ mbaray nyini ɛkɔn na ne ɛTaanggbey ya kɛ tɔɔrek njwɛɛn no wu iphɛ so itin de ɛ ji yaak ninaa ne roos sa nɛ nibhɛ tɔɔsek nikɔn nirighitik kaa? Nikɔn nɛnaa wo kaa bɛ nikyɛɛ-nikyɛɛ njwɛɛn na ne njwɛɛn nɛ gbik.