ɛMacu 4:3 - ɛWee ne ìTsɛm iHywas

³ ɛShɛtan na ne ji yɛɛs ɛ yaak ɛYɛso yegha, “Wu ɛ so yɛ ɛNgɔn ɛTaanggbey ya, ne ɛ yɛk ngɛ ikpɛɛ yɛdaa wo teye ire.”

ɛMacu 4:3 ပူးပေါင်းရင်းမြစ်များ

ɛMacu 14:33

Ninaa nɛ nibhɛ so ndɔ ne ikparak ko, ne re ɛYɛso yegha ntsong, nibhɛ bo: “iTin nɛ, igyɛ soyɛ ɛNgɔn ɛTaanggbey ya.”

ɛMacu 16:16

ɛSimɔn ɛBiturus sa ne kyii nɛ ɛ yɔngɔ, “iGyɛ ɛ soyɛ ɛKiriti, ɛNgɔn ɛTaanggbey ne iken.”

ɛMacu 26:63

ɛYɛso gha ne i shɛɛ nggbyak. ɛGɔm nibo gha ne yaak ɛbhɛ, “Nzi bol ne igyɛ ndɔ ne irywɛɛk ɛTaanggbey, mɔng njwii, igyɛ so ɛKiriti ghaa, ne ɛ soye ɛNgɔn ɛTaanggbey yaa?”

ɛMacu 3:17

iZɔlɔs ne le dak ne irywa wo ihywɛ yɔngɔ, “ɛNgɔn nge gha wo ne nzi sim; n bok irway ihwala ne ɛbhɛ gbom.”

ɛMarakus 1:1

iBol iYɛnɛng ngɛdee wo so idee ɛYɛso ɛKiriti ne ɛ soye ɛNgɔn ɛTaanggbey.

ɛMarakus 3:11

Ne i sɛ ɛli nɛ ninaa ne niphoo na kɛ yaang ɛYɛso yegha, nibhɛ ne ho ɛnu ɛyisɛ ɛbhɛ, nibhɛ ta ikun nibhɛ yɔngɔ, “iGyɛ ɛ soyɛ ɛNgɔn ɛTaanggbey ya!”

ɛMarakus 5:7

Ne ɛ ji boote ne ɛgbaang ne izɔlɔs ɛ yɔngɔ, “ɛYɛso ne ɛ so ɛNgɔn ɛHaa ne Ndiinday gbik. iKyee iphɛ kɛ byinki yɛ ne me woo? Nzi ne roro ne igyɛ ndɔ ne irywɛɛk ɛTaanggbey, sɔng ɛ bak me nggbang nang!”

ɛLuka 1:35

ɛMalɛka gha ne kyii nɛ, ɛ yaak ɛbhɛ, “iKabyik ɛTaanggbey yaa lel ndɔ nggyɛ. ɛTaanggbey ɛdaa ne Nyu ne irywa gha yaa ne cwaal lɛ ne ito-ndiinday ɛbhɛ. iPhɛ ɛlɛy ɛngɔn mo gha ne so ɛngɔn ne ɛ kɛ tul kang, ɛNgɔn ɛTaanggbey.

ɛLuka 22:70

Nibhɛ ne byinki izɔlɔs, nibhɛ yaak ɛYɛso yegha, “Ɛ so ɛNgɔn ɛTaanggbey naa?” ɛYɛso gha ne kyii nibhɛ nɛ, ɛ yaak nibhɛ, “Nyinɛn ɛ bo ɛn ɛlɛy.”

ɛLuka 4:3

ɛShɛtan na ne yaak ɛbhɛ, “Wu ɛ soye ɛNgɔn ɛTaanggbey ya, ne ɛ hyere ikɛɛ yɛdee bɛ, iphɛ teye ire.”

ɛLuka 4:41

niPhoo na ne ma wuusi ndɔ ninyi na gbom. Nibhɛ ne i banga ikpun, nibhɛ bo, “Ɛ soyɛ ɛNgɔn ɛTaanggbey!” ɛYɛso gha ne sit niphoo na ne ɛbung, ɛ ring nibhɛ ne bol lɛ, daa ɛli nɛ nibhɛ yɛɛ ɛli ne ɛYɛso gha so ɛKiriti gha.

ɛLuka 4:9

ɛShɛtan na ne bo ɛYɛso yegha ɛ phɛ nɛ ne iYɛrushɛlɛm ɛbhɛ wara nɛ daa ɛco ne iDeng nga, ɛ ji yaak ɛbhɛ, “Wu ɛ soye ɛNgɔn ɛTaanggbey ya, ne ɛ le ɛbɛ wo ɛ taay ndɔ ne ivel.”

ɛYohana 1:34

Nggaa ne yaang iphɛ kɛ te ɛlɛy daa ɛYɛso gha, nzi ne tɔng nyini wu ɛbhɛ ɛ soye ɛNgɔn ɛTaanggbey ya.”

ɛYohana 1:49

ɛNatanyɛl la ne yɔngɔ, “ɛKyɛɛ ne iCwam, igyɛ ɛ so ɛNgɔn ɛTaanggbey; igyɛ ne ɛ soyɛ ɛgɔm niSɛrɛla gha.”

ɛYohana 20:31

Kɛ ne haa ninaa wo te ɛ nang ɛn ne itin wu ɛYɛso gha ɛbhɛ soye ɛKiriti gha, ɛNgɔn ɛTaanggbey ya. Te ne ji lenɛ ne itin de ne ɛ kɛ nang ɛn ne ɛbhɛ wo, ɛ sɛ ɛn iken ndɔ ne irywɛɛk ɛbhɛ wo.

ɛYohana 9:35

ɛYɛso gha ne phok ɛli nɛ nibhɛ kɛ tul ɛnyi gha gɔɔ ne izay ne itɔɔy yo, kɛ ne sɛ ɛ kɛ sɛ ɛbhɛ, ne ɛ yaak ɛbhɛ, “Ɛ kɛ nang ne itin nɛ ne ɛNgɔn ɛNyi ghaa?”

ɛTomɛ 9:20

Ne phyɔngɔle ncɛt, ɛShawulu gha ne yaa sanga ibol ɛYɛso de ndɔ ne idee ne itɔɔy niYahodawa de wu ɛYɛso gha so ɛngɔn ɛTaanggbey.

2 iKɔrɔntos 1:19

Daa ɛli ne ɛYɛso ɛKiriti gha ne ɛ so ɛNgɔn ɛTaanggbey ya, ne nggaa tɔng nyini ibol ɛbhɛ de, ɛSila gha, gbik ne ɛTimɔti gha ma tɔng nyini wo, sɔng ɛ so ɛnyi ne so “Ɛɛy” ne “Kwa” nang. Ɛbhɛ yang so “Ɛɛy” ɛTaanggbey.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

1 iTasɔlɔnika 3:5

iPhɛ ɛlɛy, kɛ sɛ nggɛ yaang naa sang yɛɛ ne bo ɛbɔk ka daa ne yɔm ne yaang nyini wo, ne n tom ɛTimɔti ye te n phok ɛli ne ìnang ne itin mon de so. Daa ɛli ne nggɛ wum ɛnik, nzi wɛɛ te ɛhaa ne luk ka yaa yung luk nyini ˆɛ hoghɛse ɛn, ɛtomɛ mos sa te buu.

iBirani 12:16

Wɛɛ ɛn yɛnɛng, sɔng ɛdɛ mon teye ɛhaa ne ra nzangas nang, sɔng ɛdɛ mon ne teye ɛhaa ne sang phok ɛnik ɛTaanggbey yɔɔ te ɛSuwa gha ne ɛ kaa rɛp ikɔɔn ɛbhɛ de ɛlɔ ɛkyɛɛrɛng ne ire gha nang.

iBirani 4:14

iPhɛ ɛlɛy, nɛ njwɛɛn kyinak gɛgɛy daa ìnang ne itin ne njwɛɛn de ne njwɛɛn tɔng ngo. Te njwɛɛn mɔn ɛlɛ wo daa ɛli ne njwɛɛn bok ɛgbaang ɛgɔm nibo wo ne ɛ kɛ phɛ daa ne irywa wo, ɛnu ɛyisɛ ɛTaanggbey ya, ɛbhɛ so ɛYɛso ne ɛ so ɛNgɔn ɛTaanggbey.

iBirani 7:3

Sɔng ɛMakyisɛdɛk ka bok ɛkyɛɛ nang, sɔng ne ɛ bok ɛgyinɛ nang, sɔng ne ɛ bok icwaang nang. Sɔng ishwɛɛ ɛbhɛ da kaa ne bok ɛtum ne ɛgak nang. Ɛ kaa ku so te ɛNgɔn ɛTaanggbey, ɛ soye ɛbo ne inat.

1 ɛYohana 3:8

Gbik ɛnyi gha ne ɛ re ɛnu ɛyisɛ ne mɔn ɛfɔt to, ɛ soye ɛhaa ɛShɛtan, daa ɛli ne ɛShɛtan na kaa ku mɔn ɛfɔt to ne ile ne ɛtum mɛ. ɛKɔn na ne ɛ kɛ te ɛNgɔn ɛTaanggbey ya yɛɛs ɛzay ya so te bunga nitomɛ ɛShɛtan na.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.