ɛMacu 4:23 - ɛWee ne ìTsɛm iHywas

²³ ɛYɛso gha ne kaan ne ivel ne iGalili da gbik, ɛ mɛmɛ ninyi na nɛ ndɔ ne idee ne itsɔɔy niYahodawa na, ɛ tɔng nibhɛ ibol iyɛnɛng ne igbɔm ɛTaanggbey da, ɛ ta tes nishwa nɛ ninaa ne irɔ niken.

ɛMacu 4:23 ပူးပေါင်းရင်းမြစ်များ

ɛMacu 9:35

ɛYɛso gha roos nigarang ne ndiinday ya nɛ nishɛɛrɛng ngɛ gbik, ɛ leesel ne idee ne itsɔɔy da, ɛɛ mɛmɛ nibhɛ nɛ, ɛ tɔng ibol iyɛnɛng ne igbɔm be, ɛ ta tes ninaa nɛ nibhɛ bok ishwa de ihywee-ihywee niken gbik.

ɛMarakus 1:39

iPhɛ ɛlɛy yang ɛYɛso gha ne roos nigarang nga nɛ nibhɛ so ndɔ ne ivel ne iGalili ba gbik, ɛ leesel ndɔ ne idee ne itɔɔy nibhɛ ba gbik, ɛ tɔng nibhɛ ibol iyɛnɛng ngge. Ɛ ta phyii tuul niphoo na nɛ nibhɛ sos ndɔ ninyi na dɔng.

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.

ɛLuka 7:22

Ne ɛ ji kyii ninyi ifaa yɛnaa nggyɛ wo nɛ ɛ yɔngɔ, “Kyii ɛn ɛbhɛ tɔng ɛn ɛYohana yegha nikɔn na ne ɛ kɛ yaang ɛn no, gbik nɛ ninaa ne ɛ kɛ phok ɛn no. Niwil la kɛ yaa wɛɛ, nigyamil la yaa hyel tsik. Nikparong nga kɛ tes niken, nirwan na kɛ yaa tenes ivol, ikpom ba ta semese. Kɛ ne ta tɔng nihala ninyi na iBol iYɛnɛng ngge.

ɛMacu 11:5

Ɛ kɛ yaang ɛ ɛli nɛ niwil la kɛ yaa wɛɛ, nigyamil la kɛ yaa hyel tsik, nikparong nga kɛ tes wɛwɛy, nirwan na kɛ yaa tenes ivol, ikpom ba ta semese, ne ta tɔng nihala na iBol iYɛnɛng ngge.

ɛMacu 13:54

ɛ phɛ ɛgarang ɛbhɛ. Ɛya bhɛ mɛmɛ ninyi na nɛ ndɔ ne idee ne itsɔɔy nibhɛ, ninyi na ne wum ɛnu zii daa ne imɛmɛ ɛbhɛ da, nibhɛ ne yɔngɔ, “ɛNyi yɛghaa wo bhɛ le ne ntsɛntsɛng ngɛdee wo ɛbii? Ɛ ta lenɛ nikɔn ne kparat tɛ na wo ɛbii?

ɛMarakus 1:21

ɛYɛso gha, nɛ ninyi yɛnaa nggyɛ wo ne phɛ ɛgarang ne iKafanahum. Kɛ ne sɛ ɛtuk ne wɛsɛ niYahodawa na kɛ tuu nang ɛYɛso gha ne bhɛ lel ndɔ ne ijwee ne itɔɔy nibhɛ wo, ɛ yaa mɛmɛ ninyi na nɛ.

iRooma 10:15

Yaa ne ta mɔn ɛli ninaa ne sanga ibol la bhɛ sanga ibol de wu kɛ sang tom nibhɛ woo? Te ɛli ne kɛ haa ndɔ ne ɛWee ne iBol ɛTaanggbey yo i bo, “iYɛɛs ninaa ne sanga ibol iyɛnɛng ngge kɛ jam gbom!”

ɛLuka 8:1

ɛTsim mɛ ɛlɛy, ɛYɛso gha ne leesel ndɔ nigarang nga nɛ nigyigyaarang ɛ tɔng ibol iYɛnɛng ne igbɔm ɛTaanggbey de. Ninɔn ne icwam ɛbhɛ ɛnduwubɔ nɛ ninyi ifaa na kaa ne i kungus ɛbhɛ,

ɛMarakus 6:2

Kɛ ne sɛ ɛtuk ne wɛsɛ niYahodawa na kɛ tuu nang, ɛYɛso gha ne bhɛ lel ndɔ ne itɔɔy niYahodawa de ɛ yaa mɛmɛ ninyi na nɛ. Ninyi na kaa ne sonɛ gbom nɛ nibhɛ tenes ɛbhɛ wo. Kɛ ne sɛ nibhɛ kɛ phok ibol ɛbhɛ de nang, nibhɛ ne yaa wɛɛ ɛbhɛ zii. Nidɛng ne ji boote nibhɛ yɔngɔ, “ɛNyi yɛghaa wo le ne ishweng ngɛdaa wo ɛbii? iYa ihywee ne ishweng ne ɛTaanggbey ya kɛ ji nang ɛbhɛ ɛlɛ wo, ne ɛɛ mɔn nɛ nikɔn ne kparat ta ɛlɛ woo?

ɛMacu 24:14

Sɛ ne sanga iBol iYɛnɛng ne iGbɔm ɛTaanggbey da ɛzay ya gbik, tɛ igbagha ɛzay yo phok nyɛɛn, ɛzay ya ne ji kyi taal le.

ɛMacu 12:9

ɛYɛso gha ne tek ɛnggyɛ wo ɛbhɛ lel ndɔ ne ijwee ne itɔɔy yo.

ɛYohana 18:20

ɛYɛso gha ne kyii ɛbhɛ nɛ ɛ yɔngɔ, “Nggɛ bol ne ɛzay ya wɛsɛrɛk. Nggɛ ne i mɛmɛ ninyi na nɛ ndɔ ne idee ne itsɔɔy ne ndɔ ne iDeng ɛlɔ gha nɛ niYahodawa na kaa tumɛɛy yɛ. Sɔng nggɛ bol idɛ bol de gying nang.

ɛLuka 13:10

Kaa ne sɛ ɛdɛ ɛTuk ne iWɛsɛ niYahodawa na, ɛYɛso gha so ndɔ mɛmɛ ninyi na nɛ ndɔ ne idɛ ijwee ne itɔɔy yo,

ɛLuka 9:11

Kɛ ne sɛ idira Ninyi de kɛ phok ibol lɛ, nibhɛ ne ta kungus. ɛYɛso gha ne bhɛ say nibhɛ, ɛ tɔng nibhɛ ibol ne igbɔm ɛTaanggbey ba, ɛ ta tes nisha na niken dɔng.

ɛLuka 5:17

Kaa ne sɛ ɛdɛ ɛtuk kɛ ne ɛYɛso gha so ne mɛmɛ ninyi na nɛ wo, niFarisawa na nɛ Ninaa ne Kpɛl ɛShara gha ne ma sooset ɛnggyɛ wo, nibhɛ kaa ne les nigarang ne iGalili, ne iYahudiya gbik ne iYɛrushɛlɛm. iTo-ndiinday ɛDaray de kaa ne so ndɔ ɛYɛso gha hyɔrɔ, ne ɛ tes nisha na niken.

ɛMarakus 6:6

ɛYɛso gha ne yaang ɛkɔn ne kparat daa ne yɔm ne say ibol nibhɛ de. ɛYɛso gha ne leesel ndɔ nigarang nga nɛ nibhɛ so cɛcɛk ɛnggyɛ wo, ɛ mɛmɛ ninyi na nɛ.

ɛMarakus 3:10

Ɛ kaa ne ku tes ninyi na niken gbom. iPhɛ nɛ nisha na ne yaa phyii en ɛlɔ ɛbhɛ gha nibhɛ sim tɛ nibhɛ sɛ dat ɛbhɛ.

ɛMarakus 1:14

Kɛ ne sɛ ɛli ne ɛgɔm ɛHyiridus sa kɛ wum ɛYohana yegha ɛ cwaal ɛbhɛ ndɔ ne ijwee ne inyang ngo nang ɛYɛso gha ne phɛ ne ivel ne iGalili, ɛ yaa bhɛ tɔng ninyi na ibol iyɛnɛng ɛTaanggbey de.

ɛTomɛ 20:25

“ɛLyilyɛghaa wo nzi yɛɛ gbik mon no, ne nggɛ roos nyini n tɔng nyini ibol ne igbɔm ɛTaanggbey da, sɔng aa tang yaang ɛn mɛɛn nang.

ɛTomɛ 18:4

Ne i sɛ ɛtuk ne iWɛsɛ niYahodawa na, ɛBulus sa ne i bol nibhɛ ne i wɛɛ ibol, nɛ niYahodawa na nɛ ninyi na ne hame nibhɛ soye niYahodawa na ndɔ ne ijwee ne itɔɔy yo ɛ sim te ɛ sɛɛ te nibhɛ nibhɛ hyereey.

ɛYohana 6:59

ɛYɛso gha kaa bol ivol lɛbaa wo ɛli ne ɛ kaa mɛmɛ ninyi na nɛ ndɔ ne ijwee ne itɔɔy ne iKafanahum.

ɛLuka 10:9

Tes ɛn ninaa nisha ɛgarang ngɛ niken; ɛ yaak ɛn ninaa ɛgarang, ‘iGbɔm ɛTaanggbey ba so cɛcɛk ne nyinɛn.’

ɛLuka 6:17

ɛYɛso gha ne tɔm nɛ ninɔn ne tom ɛbhɛ na, ɛ ji kyinak ɛlɔ ne ɛ so tas, ne idira ninɔn ne icwam ɛbhɛ de. iDira ninyi kaa ne ma so ɛnggyɛ wo, nibhɛ kaa ne les ne ivel ne iYahudiya, ne iYɛrushɛlɛm, gbik ne ibum ne iTaya, ne iSidɔn.

ɛMacu 14:14

Kɛ ne sɛ ɛYɛso gha kɛ wuru ndɔ ne ikparak ko ne ɛ yaang idira ninyi de gbom. ɛYɛso gha ne san iyɔm nibhɛ, ne ɛ tes nishwa nibhɛ na niken.

ɛMacu 13:19

Nidɛng ninyi na sonɛ ne i sɛ nɛ nibhɛ kɛ phok ibol ne igbɔm ɛTaanggbey de sɔng nibhɛ ne seng iphɛ nang, ɛShɛtan na ne yɛɛs ɛ phɔt ɛkɔn na ne kɛ tup ndɔ ne irway nibhɛ da. Nibhɛ bhɛ ne so te ihywee de ne ihywɛ kɛ ho nkiinɛ wo.

ɛMacu 3:2

ɛ bo, “San ɛn ɛbɔk daa ɛli ne igbɔm ɛTaanggbey da yek cɛcɛk.”

ɛYohana 7:1

ɛTsim mɛ ɛlɛy, ɛYɛso ne kaan ndɔ ne iGalili, sɔng ɛ sim te ɛ sɛ phɛ ne iYahudiya de nang, daa ɛli nɛ niYahodawa ne iYahudiya na kaa ku i tɔk iken ɛbhɛ.

ɛLuka 20:1

Kaa ne sɛ ɛdɛ ɛtuk kɛ, ɛYɛso gha so ndɔ ne ɛsaa ne ideng nga ɛ mɛmɛ ninyi na nɛ ɛ ta i tɔng nibhɛ ibol iyɛnɛng ngge, nindiinday nibo ɛTaanggbey ya nɛ ninaa ne Kpɛl ɛShara gha gbik nɛ Ninu niKɔɔn ɛgarang nga ne bhɛ sɛ ɛbhɛ,

ɛLuka 4:14

ɛYɛso gha ne kyii ɛ phɛ ne iGalili de. iTo-ndiinday ne iKabyik ɛTaanggbey de kaa ne so ndɔ ɛbhɛ, ngka ɛbhɛ de ne ta shii shwalat ndɔ ɛgarang nga gbik.

ɛLuka 6:6

Kaa ne ta sɛ ɛdɛ ɛtuk ne iWɛsɛ gha dɔng, ɛYɛso gha ne phɛ ndɔ ne ijwee ne itɔɔy ɛ yaa bhɛ mɛmɛ ninyi na nɛ. ɛDɛ ɛnyi gha kaa ne ma so ɛnggyɛ wo, ne iwɔ ne irwye ɛbhɛ kɛ baghat.

ɛLuka 7:21

Nɛ nten-nten nɛ, ɛYɛso gha ne tes ninaa ne shwa na niken ihywee-ihywee. Ɛ tuul ikpabyik niphoo ndɔ ninaa nɛ nibhɛ bok ifɛ, ɛ ta phaasel ninaa niwil irwisɛ.

ɛLuka 9:60

ɛYɛso gha ne kyii nɛ ɛ yaak ɛbhɛ, “Tek te ikpom ba rɛrɛs ikpom, igyɛ wo ne ɛ cwi ɛbhɛ tɔng ibol ne igbɔm ɛTaanggbey de.”

ɛLuka 16:16

“Kaa ne sanga ibol ɛShara ɛMuusaa de ne idee niNabawa de phyii bhɛ hɔn nten ɛYohana, ne ji le ɛnggyɛ wo, ne yaa tɔng ibol iyɛnɛng ne iGbɔm ɛTaanggbey da, ɛrɔngɔ ne yɛk ne ɛhyɛhyɛk ne lel nɛ ndɔ yɛ.

ɛTomɛ 28:31

Sɔng kaa ne i ring ɛbhɛ ne sanga ibol ɛTaanggbey de nang, iphɛ ɛlɛy ne ɛɛ sanga ibol ne igbɔm ɛTaanggbey da, ɛ mɛmɛ ninyi na ne ibol ɛDaray ɛYɛso ɛKiriti de wɛlɛng ɛnik.