ɛMacu 4:13 - ɛWee ne ìTsɛm iHywas

¹³ ɛYɛso gha kaa ne tek iNazarat de ɛ phɛ ɛgarang ne iKafanahum ne ɛ so cɛcɛk ne ɛling nga. ɛGarang ngɛghaa nggyɛ wo kaa ne soye ɛgyeng ne ivel ne iZɛbalun ne iNatali.

ɛMacu 4:13 ပူးပေါင်းရင်းမြစ်များ

ɛYohana 4:46

ɛYɛso gha ne ta phɛ ne iKaana ne ɛ so ne iGalili, ɛlɔ gha ne ɛ kaa hyere inɛn da mpɛ teye inɛn ɛnap ba. ɛDɛ ndiinday ne ivel la kaa ne so ɛnggyɛ wo ne ɛngɔn ɛbhɛ kaa so ne ɛgarang ne iKafanahum, ɛ so shwa.

ɛMarakus 1:21

ɛYɛso gha, nɛ ninyi yɛnaa nggyɛ wo ne phɛ ɛgarang ne iKafanahum. Kɛ ne sɛ ɛtuk ne wɛsɛ niYahodawa na kɛ tuu nang ɛYɛso gha ne bhɛ lel ndɔ ne ijwee ne itɔɔy nibhɛ wo, ɛ yaa mɛmɛ ninyi na nɛ.

ɛMacu 11:23

iGyɛ wo lɛɛ? iKafanahum, ɛ ji wɛɛ te sɛ tɔɔk kɛ daa ne irywa naa? Kwa! Sɛ yang cwaak kɛ ndɔ ɛtata ɛlɔ ne ikpom ma. Sɛɛ yɔng kɛ mɔn ihywee nikɔn ne kparat de ne kɛ mɔn ndɔ ne igyɛ ɛgarang ne iSɔdɔm, ninaa ne iSɔdɔm na saa ne shɛɛ nɛ ɛbhɛ hɔn izenge.

ɛYohana 6:59

ɛYɛso gha kaa bol ivol lɛbaa wo ɛli ne ɛ kaa mɛmɛ ninyi na nɛ ndɔ ne ijwee ne itɔɔy ne iKafanahum.

ɛYohana 6:24

Kɛ ne sɛ idira ninyi de kɛ yaang ɛli ne hame ɛYɛso gha gbik nɛ ninɔn ne icwam na so ɛnggyɛ wo, nibhɛ leesel ndɔ ne ikparak ga nibhɛ phɛ ne iKafanahum nibhɛ phɛɛs ne tɔk ɛYɛso yegha.

ɛYohana 6:17

nibhɛ leesel ndɔ ne ikparak ko nibhɛ ji bo nikɔn nibhɛ beese nibhɛ phɛɛs en gɔɔ ne iKafanahum. ɛLɔ yɛ kaa ne i tes ywii, sɔng ɛYɛso gha kaa ku phɛ ɛlɔ nibhɛ gha nang.

ɛYohana 2:12

ɛTsim mɛ ɛlɛy, ɛYɛso gha ne ɛgyinɛ nɛ nigwaa ɛbhɛ gbik nɛ ninɔn ne icwam ɛbhɛ na ne phɛ ɛgarang ne iKafanahum nibhɛ bhɛ shɛɛ ɛnggyɛ wo nituk ncɛt.

ɛMacu 17:24

Kɛ ne sɛ ɛYɛso gha nɛ ninɔn ne icwam ɛbhɛ ne kɛ tuu iKafanahum, ninaa ne saasel ijam ne ideng ngge ne yɛɛs ɛlɔ ɛBiturus sa, nibhɛ phom ɛbhɛ nibhɛ yɔngɔ, “ɛKyɛɛ ne icwam mon na i tal ijam ne ideng nggee?”

ɛLuka 4:23

ɛYɛso gha ne yaak nibhɛ, “Nzi yɛɛ aa boote ɛn mɛɛn ibol de ne iphɛ bo, ‘Te ɛhaa ne ihwal la te ito ɛbhɛ ɛken!’ Aa ne ta yaak ɛn mɛɛn wu te mɔn nikɔn ne kparat ta ndɔ ɛgarang nge gha, ne ɛ kɛ phok ɛn nggɛ mɔn ne ivel ne iKafanahum ma.”

ɛMacu 4:14

Kaa mɔn ɛlɛ wo te ne shwaak ibol de ne ɛnɛbi ɛShaa gha ne kaa ku boote ɛ yɔngɔ:

ɛMacu 4:15

“iVel ne iZɛbalun ne ivel iNatali ndɔ ne iGalili, ne iphɛ so ne ɛnkiinɛ ɛling, ne iWurudun gbik ne, ikpang ne ihywel iYɛrushɛlɛm. iGalili, ivel ninyi nɛ nibhɛ sang so niYahodawa!

ɛMacu 9:1

ɛYɛso gha ne lel ndɔ ne ikparak ɛ kyii ɛ ta berey gɔɔ ne ikpang ɛgarang ɛbhɛ wo dɔng.

ɛMarakus 2:1

Kɛ ne sɛ nituk ka kɛ booy yɛ ncɛt, ɛYɛso gha ne ta bhɛ kyii, ɛ lel ɛgarang ne iKafanahum ma dɔng. Ninyi na ne ta shii seng wu ɛYɛso gha kɛ bhɛ kyii ɛ sonɛ wo dɔng.

ɛLuka 10:15

Nyinɛn ninaa ɛgarang ne iKafanahum mo, ɛ ji wɛɛ ɛn te sɛ bhɛ yinɛ nyini daa ne irywa wo naa? Kwa! sɛ́ bhɛ cwaak nyini ɛtata ɛlɔ ne ikpom.