ɛMacu 4:12 - ɛWee ne ìTsɛm iHywas

¹² Kɛ ne sɛ ɛYɛso gha kɛ phok wu kɛ rop ɛYohana yegha ne ijwee ne nyang ngo, ne ɛ kyii ɛ phɛ ne iGalili.

ɛMacu 4:12 ပူးပေါင်းရင်းမြစ်များ

ɛMarakus 1:14

Kɛ ne sɛ ɛli ne ɛgɔm ɛHyiridus sa kɛ wum ɛYohana yegha ɛ cwaal ɛbhɛ ndɔ ne ijwee ne inyang ngo nang ɛYɛso gha ne phɛ ne ivel ne iGalili, ɛ yaa bhɛ tɔng ninyi na ibol iyɛnɛng ɛTaanggbey de.

ɛLuka 3:20

iPhɛ ɛlɛy, ɛHyiridus sa ne wum ɛYohana yegha ɛ cwaal ɛbhɛ ndɔ ne ijwee ne nyang, ɛ kyii ta hante ne ɛfɔt ɛbhɛ wo dɔng.

ɛMacu 14:3

Daa ɛli ne ɛHyiridus sa kaa wum ɛYohana yegha ɛbhɛ rop ɛbhɛ ne ijwee ne nyang daa ne igboo ɛHyirɔdiya ne ɛ kaa so ɛkuk ɛgwaa ɛbhɛ ɛFilibus.

ɛYohana 3:24

(ɛKɔn neghaa wo kaa ne te ɛli ne kaa tɔ tang wum ɛYohana yegha i cwaal ɛbhɛ ne ijwee ne nyang ngo).

ɛLuka 4:14

ɛYɛso gha ne kyii ɛ phɛ ne iGalili de. iTo-ndiinday ne iKabyik ɛTaanggbey de kaa ne so ndɔ ɛbhɛ, ngka ɛbhɛ de ne ta shii shwalat ndɔ ɛgarang nga gbik.

ɛMarakus 6:17

ɛHyiridus sa ɛbhɛ kaa yɛk ngɛ wum ɛYohana yegha bhɛ rop ɛbhɛ ndɔ ne ijwee ne nyang. Ɛ kaa ne mɔn ɛlɛ wo daa ne igboo ɛHyirɔdiya ne ɛ kaa soye ɛkuk ɛgwaa ɛbhɛ ɛFilibus. ɛHyiridus sa kaa ne kyii bo ɛkuk ka ɛ teye ɛhaa ɛbhɛ.

ɛYohana 4:54

ɛNggyɛ wo ɛbhɛ kaa ne so nyu ɛkɔn ne kparat ne ifaa yɛ ne ɛYɛso gha kɛ mɔn ɛtsim mɛ ne ɛ kɛ bhɛ kyii ɛgarang ne iYahudiya de ɛ phɛ ne iGalili de.

ɛYohana 4:43

Kɛ ne sɛ nituk ifaa na kɛ phee, ɛYɛso gha ne tek ɛgarang ngɛ ɛ phɛ ne iGalili.

ɛLuka 4:31

iPhɛ ɛlɛy, ɛYɛso gha ne phɛ ɛgarang ne iKafanahum, ne ɛ so ne ivel ne iGalili. Kɛ ne sɛ ɛtuk ne wɛsɛ niYahodawa na kɛɛ tuu, ɛYɛso gha ne bhɛ lel ndɔ ne ijwee ne itɔɔy nibhɛ wo, ɛ yaa mɛmɛ nibhɛ nɛ.

ɛMacu 11:2

Nten nɛdee nggyɛ wo, ɛYohana ne Yaak ne iBatisima gha kaa ne so ne ijwee ne nyang, ne ɛ phok nikɔn na ne ɛKiriti gha mɔn no, ne ɛ tom ninɔn ne icwam ɛbhɛ na ɛlɔ ɛKiriti gha,

ɛLuka 23:5

Nibhɛ ne jung re ɛnu ɛyisɛ nibhɛ yɔngɔ, “Lenɛ ne mɛmɛ ɛbhɛ da ɛ kɛ te ninyi ne ivel ne iYahudiya na yɛk ishishim. Ɛ kɛ tsa ɛkɔn neghaa wo ne iGalili, ɛbhɛ ghaa kɛ ne i hɔn ne ɛbɛ.”

ɛYohana 1:43

Kɛ ne cwiil ne ihwɛlɛ yɛ ɛYɛso gha ne yɛk ne iyɔk kɛ aa phɛ ne iGalili. Ne ɛ sɛ ɛFilibus se ne ɛ yaak ɛbhɛ, “Kungus me.”

ɛYohana 2:11

ɛKɔn ne kparat tɛghaa wo ɛbhɛ kaa so ɛhaa ne ɛYɛso gha kɛ tsa ɛ mɔn, ɛ kaa ne mɔn ɛbhɛ ndɔ ɛgarang ne iKaana ne ɛ so ne ivel ne iGalili. Ɛ kaa ne tɔɔl ito-ndiinday ɛbhɛ, ninɔn ne icwam ɛbhɛ na ne nang ne itin nɛ ne ɛbhɛ.