ɛMacu 4:10 - ɛWee ne ìTsɛm iHywas

¹⁰ ɛYɛso gha ne kyii nɛ ɛ yaak ɛbhɛ, “Cwi gɔɔ ɛbɛ wo ɛShɛtan nɔɔy! Kɛ ku haa ndɔ ne ɛWee ne iBol ɛTaanggbey yo bo, ‘Re ɛDaray ɛTaanggbey mo gha ntsong, ɛbhɛ zɔng ne aa re ɛbhɛ ntsong ngga.’ ”

ɛMacu 4:10 ပူးပေါင်းရင်းမြစ်များ

ɛMacu 16:23

ɛYɛso gha ne hyereey ne ɛ yaak ɛBiturus segha, “Cwi gɔɔ ɛbɛ wo ɛShɛtan ɔɔy! ˆƐ sim aa teyɛ ikɛɛ ne ɛkɔn ne kyibhɛ nge, sɔng icwas sɛdaa wo le ɛlɔ ɛTaanggbey yang, ifɛ le ɛlɔ ɛten ɛsii.”

ɛMarakus 1:13

ɛYɛso gha ne shɛɛ ndɔ ɛhay ya, ɛ hɔn nituk nzuwubɔ nwaas ɛShɛtan ne i tɛrɛk ɛbhɛ. ᐩiNyam-ɛhay kaa ne so ɛnggyɛ wo, niMalɛka ɛTaanggbey kaa ne i wɛɛ ɛYɛso yegha.

ɛLuka 10:18

ɛYɛso gha ne kyii nibhɛ nɛ ɛ yɔngɔ, “Nggɛ yaang ɛShɛtan negha, ɛ kɛ ho te irywa ne te derep.”

ɛLuka 11:18

Wu ɛShɛtan na kɛ ne yɛk iphup ne ito ɛbhɛ de, aa ne tɔ ne ihwet bɛ? Nggɛ boote ɛlɛ wo daa ɛli ne ɛ kɛ yaa bo ɛ wu ɛBɛlizɛbul, ɛbhɛ kɛ nang me ito ne tuul niphoo na.

ɛLuka 13:16

ɛKuk kɛghaa wo ne so ihywèè ɛBaraying ne ɛShɛtan kɛ rop ishay ɛnduwubɔ ne iphɛ ɛnaras. Yaa ne mɔn ɛlii i sang biri ɛbhɛ izenge wo wu ɛtuk kɛ so ɛtuk ne iWɛsɛ ghaa?”

ɛLuka 22:3

ɛShɛtan na ne lel ndɔ ne irway ɛYahuza ba ne i bok ɛbhɛ ɛSikɔrɔti gha ne ɛ so ɛdaan ndɔ ninɔn ne icwam ɛnduwubɔ nɛ ninyi ifaa na.

ɛLuka 22:31

ɛYɛso gha ne yaak ɛSimɔn negha, “ɛSimɔn, ɛSimɔn! Phok me, ɛShɛtan kɛ phom ikɛk, kɛ ne nang ɛbhɛ ne aa bɛm nyini ɛ te nyini zɛzɛk ɛli ne ɛhaa ne ihwap i bɛm ɛlikama ɛbhɛ ɛ tul ishoo yɛ.

ɛLuka 4:8

ɛYɛso gha ne kyii nɛ, ne ɛ yaak ɛbhɛ, “Kɛ ku haa ndɔ ne ɛWee ne ibol ɛTaanggbey yo i bo, ‘Re ɛTaanggbey mo gha ntsong ngga, ɛbhɛ zɔng ne aa re ɛbhɛ ntsong ngga.’ ”

ɛYohana 13:27

Kɛ ne sɛ ɛYahuza gha kɛ say ibɛrɛdi de, ɛShɛtan na ne lel ndɔ ɛbhɛ. ɛYɛso gha ne yaak ɛbhɛ, “Yɔng ɛhywarat ɛ mɔnte ɛkɔn na ne aa mɔn no.”

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

ɛTomɛ 5:3

ɛBiturus sa ne yaak ɛbhɛ, “ɛHananiya! iKyee iphɛ kɛ te ɛ sim ɛShɛtan na luk kɛ ɛ rɛɛ ɛbyin ne ijam ne ihwap ba ɛ ji ɛ hyɛ iKabyik ɛTaanggbey de irywɛɛk gaa?

1 iKɔrɔntos 5:5

iPhɛ ɛlɛy, ne ɛ nang ɛn ɛShɛtan ne ɛnyi yɛghaa wo. Te ɛ baasek ibek ɛbhɛ de ne iphɛ so idee ne ɛfɔt de nggbang, te iken ɛbhɛ de sɛ ne phɔrɔt ɛtuk ka ne ɛDaray ya sɛ bhɛ kyii wo.

1 iKɔrɔntos 7:5

Sɔng ɛdɛ mon ne ring ɛdɛng ngɛ tang ɛlɛy ne ɛ kɛ sim ɛn nyini nɛ ndɔ ne nten ncɛt te ɛ sɛ ɛ boote ɛn ne ɛTaanggbey yang. Wu ɛ kɛ ne mɔn ɛn ɛlɛ wo, te ne ɛ shii kyii ɛn daa ɛli ne ɛShɛtan ya yung luk nyini ɛ sang yɛɛ ne wum ɛn ito mon.

2 iKɔrɔntos 11:14

Sɔng iphɛ ne so ɛkɔn ne kparat nang, daa ɛli ne ɛShɛtan na ma mɔɔng ɛ hyereey te ɛmalɛka ɛwɛwɛy.

2 iKɔrɔntos 12:7

Gbik ɛli ne kɛ phaal me nikɔn ne kparat ta gbom ndɔ ne iyuwa de, kɛ ne tom me ne ɛdɛ ɛkɔn na ne ɛ le ɛlɔ ɛShɛtan te ɛ tak me iyɔm, ɛ ne to me ibek te itsutsɔ te ɛ ring me ne hal ɛgyɛy ya.

2 iKɔrɔntos 2:11

Nggɛ ne hana wo, daa ɛli ne ɛShɛtan na yaa yung sɛ ikɛk ne luk njwɛɛn. Daa ɛli ne njwɛɛn i yɛɛ iluk ɛbhɛ da ncɛncɛng.

ɛYakub 4:7

iPhɛ ɛlɛy ne ˆɛ nang ɛn ɛTaanggbey yegha itso mon. Mbaray nyini ɛShɛtan negha, aa ne tel nyini.

1 ɛBiturus 5:9

Sɔng ɛ nang ɛn ɛbhɛ ikɛk nang, kyinak ɛn gɛgɛy daa ne ìnang ne itin mon de, daa ɛli ne ɛɛ yɛɛ ɛn ninaa ne roos sa nɛ nibhɛ so ndɔ ɛzay ya gbik, nibhɛ ma sɔ nggbang ngga ɛli ne ɛ sɔ ɛn no.