ɛMacu 3:7 - ɛWee ne ìTsɛm iHywas

⁷ niFarisawa na nɛ niSadukyawa gbom kaa ne ma phɛ te bhɛ yɛk nibhɛ ne ibatisima de, ne sɛ ɛYohana gha kɛ yaang nibhɛ wo, ne yaak nibhɛ, “Nyinɛn no ne ɛ so ɛn te izɔ igywebhe de, ɛhay ɛbhɛ kɛ ku shii tɔng nyini te ɛ tel ɛn njenjek ɛTaanggbey de ne ihywɛ yaaso woo?”

ɛMacu 3:7 ပူးပေါင်းရင်းမြစ်များ

ɛMacu 12:34

Nyinɛn no ne ɛ so ɛn te izɔ igywebhe de! Aa mɔn ɛn ɛli ɛ bol ɛn ivol iywɛnɛng ngga nɛ so ɛn nibebhe ninyi naa? Nzi shii bo ɛnu gha ɛbhɛ bol ɛkɔn na ne ɛ so ndɔ ne irway da.

1 iTasɔlɔnika 1:10

ɛ ta i hyep ɛn bhɛ kyii ɛNgɔn ɛTaanggbey da daa ne irywa wo. ɛNgɔn na ne ɛTaanggbey ya kaa yiisik ɛbhɛ ndɔ ne ikpuu da. Kaabi ɛYɛso gha ne ɛbhɛ kɛ phɔt njwɛɛn ɛlɔ ne njenjek ge ne ihywɛ yaaso wo.

iRooma 1:18

Kɛ phaal ɛli ne njenjek ɛTaanggbey de sɛ le daa ne irywa ihywɛ yɛɛs daa ninaa ne ɛfɔt ta, nɛ ninyi nibebhe na, nɛ ninaa ne yɛbhɛsek itin de lenɛ ne ibebhe nibhɛ de.

ɛMacu 23:33

“Ɛ so ɛn te izɔ, nɛ ninɔn ne izɔ igywebhe! Ɛ sɛ mɔn ɛn ɛli ɛ sang bhɛ lel ɛn ndɔ ne ijwee ne igboo woo?

iRooma 5:9

Wu ɛTaanggbey ya kɛ ne say njwɛɛn wu njwɛɛn so cik ko lenɛ nɛ neyi ɛKiriti na, yaa ne ji mɔn ɛlii i sang phɔt njwɛɛn ndɔ ne njenjek ɛTaanggbey dee?

ɛMacu 22:23

Nɛ ɛtuk kɛ, niSadukyawa na nɛ nibhɛ bo hang yilitsik ne ikpuu da sonɛ wo, ne yɛɛs ɛlɔ ɛYɛso gha, ne iphom,

ɛMacu 16:6

ɛYɛso gha ne yaak nibhɛ, “Wɛɛ ɛn nyini yɛnɛng, ryɔng nyini ɛlɔ ne iyis niFarisawa de ne idee niSadukyawa de.”

1 ɛYohana 3:10

I yɛɛ ne seng ɛngɔn ɛTaanggbey ya ne ɛngɔn ɛShɛtan na ɛlɛ: Gbik ɛnyi gha ne hame ɛ mɔn ɛkɔn na ne ɛ so cik sɔng ne ɛ soye ɛNgɔn ɛTaanggbey ya nang, ɛhaa ne ɛ ne mbaray ɛgwaa ɛbhɛ sɔng ne ɛ soye ɛngɔn ɛTaanggbey ya nang.

ɛYohana 9:40

Nidɛng niFarisawa na nɛ nibhɛ kaa sonɛ nibhɛ ɛnggyɛ wo ne phok ɛli ne ɛ kɛ boote ɛlɛ wo, nibhɛ ne phom nibhɛ yɔngɔ, “iKyee lɛɛ, njwi ma so niwil la ne mang ngee?”

iBirani 11:7

Kaa lenɛ ne ìnang ne itin ɛNuhu de ne ɛ roos ibol ne ɛTaanggbey kɛ mɔng ɛbhɛ daa nikɔn ne hame i yaang. Ɛ kaa lɔl ɛgyirigyi te ɛ phɔt ijwee ɛbhɛ. Kaa ne lenɛ ne ìnang ne itin ɛbhɛ de ne i hyɛ ɛzay ya ɛshara ne ku, ɛbhɛ ɛ ji say ɛwɛng ne icik ne i lenɛ ne ìnang itin de.

ɛTomɛ 26:5

Nibhɛ yɛɛ me ne ile ne ile nibhɛ sɛɛ ne yɛɛ ne mɔng ɛkɔn daa me wo, ɛli ne nggɛ hyel ihywel nge ndɔ niFarisawa na, wu nibhɛ kɛ sim. Nibhɛ yɛɛ wu nggaa so ɛdɛng ndɔ ɛguu niFarisawa na nɛ nibhɛ shɛs ne irway ne roos ikpii mos niYahodawa na.

ɛTomɛ 20:31

iPhɛ ɛlɛy, ne ɛ shɛɛ ɛn ɛkanang! Tas ɛn, izenge wo kɛ hɔn ishay itat ne nzi kpɛng nyini wo. Sɔng nggɛ cwaal ɛnu nang, ne ɛtuk ne igbey nzi kpɛng nyini nɛ niyilis ne irwisɛ nge.

ɛTomɛ 15:5

Nidɛng ninaa ne roos sa nɛ nibhɛ kaa soye niFarisawa na ne yilitsik nibhɛ yɔngɔ, “iPhɛ ku so nggbinggbing i yɛk ngɛ i hyɛghɛ ninaa ne roos sa ne hame nibhɛ so niYahodawa icwee da, i ta yɛk nibhɛ nɛ nggbinggbing nibhɛ roos ɛkɔn na ne ɛShara ɛMuusaa gha kɛ bol lo.”

ɛTomɛ 5:17

ɛGɔm nibo gha nɛ niSadukyawa na ne yaa waa irway nɛ ninɔn ne tom ma.

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

ɛYohana 1:24

Nidɛng ndɔ niFarisawa na ne kɛ tom nibhɛ,

ɛLuka 18:11

“ɛFarasii gha ne kyinak tsik, ɛ tɔɔk ito ɛbhɛ, ɛ boote ne ɛTaanggbey ya ɛ yɔngɔ, ‘ɛTaanggbey, N bok irway ihwala ne igyɛ. Sɔng nzo te ɛbyin ninyi na nang. Sɔng nzi ne hyel ɛyi nang; sɔng nzi ne luk ɛnyi nang. Sɔng nzi ne sang hyel cik ndɔ ne ikpii ne tom ɛyɛl nge nang. Sɔng ne nzo te ɛhaa ne saasel ijam ne ivel lɛghaa nggyɛ wo nang!

ɛLuka 16:14

niFarisawa na nɛ nibhɛ ku so ninaa ne sim ijam be ne phok ivol lɛdaa wo, nibhɛ te ɛYɛso yegha ncoop.

ɛLuka 7:30

Gbik ne iphɛ ɛlɛy, niFarisawa na nɛ Ninaa ne Kpɛl ɛShara gha ne jung mbaray ɛkɔn na ɛTaanggbey ya kaa bok daa nibhɛ wo, sɔng nibhɛ ne sim ɛYohana gha yaak nibhɛ ne ibatisima de nang.

ɛMarakus 12:18

niDɛng niSadukyawa na kaa ne phɛ ɛlɔ ɛYɛso gha. Ninyi yɛnaa nggyɛ wo kaa ne i mbaray ibol ne yilitsik ne ikpuu de. Nibhɛ ne phom ɛYɛso yegha nibhɛ yaak ɛbhɛ,

ɛMarakus 12:13

Kaa ne tom nidɛng niFarisawa na nɛ ninyi ɛHyiridus sa tɛ nibhɛ bhɛ wum ɛYɛso yegha daa ne idɛ ibol ɛbhɛ.

ɛMarakus 8:15

Kɛ ne sɛ nibhɛ so ndɔ ne ihywel ba nang, ɛYɛso gha ne kpɛngke nibhɛ ndɔ ne ivol ne igɔrɔp ɛ yaak nibhɛ, “Wɛɛ ɛn nyini hywɛɛ ne iyis niFarisawa de gbik ne idee ɛHyiridus de.”

ɛMacu 22:34

Kɛ ne sɛ niFarisawa na kɛ phok ɛli kɛ phoo niSadukyawa na nɛ wo, nibhɛ ne tumareey.

ɛMacu 22:15

Kɛ ne so ɛnggyɛ wo, niFarisawa na ne bhɛ bol lenɛ ɛli nɛ nibhɛ yaa ten ɛYɛso yegha daa ne ivol ɛbhɛ.

ɛMacu 12:24

Ne sɛ niFarisawa na kɛ phok ɛlɛ wo, nibhɛ ne yɔngɔ, “ɛNyi yɛghaa wo tuul niphoo na daa ɛli ne ɛBɛlizɛbul, ne ɛ so ɛgɔm niphoo, ɛbhɛ kɛ nang ɛbhɛ ihwet tɛ.”

ɛMacu 5:20

Nzi bok nyini, wu ɛ kɛ sang hyel ɛn cik ɛ phyin ɛn niFarisawa na nɛ ninaa ne kpɛl ɛShara gha, ɛtsak kɛ sɔng ɛ sɛ ne bhɛ lel ɛn ne igbɔm ɛdaa ne irywa da nang.

iBirani 6:18

ɛTaanggbey ya kɛ nang nikɔn ifaa, ibol ne ɛ kɛ rop ne iLɛlɛm ihywa. Sɔng i ne yɛɛ ne hyere nikɔn nɛnaa nggyɛ wo nang, daa ɛli ne sɔng ɛTaanggbey ya i yɛɛ ne hyɛ irywɛɛk nang. iPhɛ ɛlɛy, njwɛɛn no ne kɛ tel bhɛ kyɛngɛy ɛlɔ ɛbhɛ gha, njwɛɛn yaa ne yɛɛ ne kyinak ne ihwet i hyep ibol ɛbhɛ de ne ɛ kɛ ku rop po ne njwɛɛn kɛ sit irwisɛ da.

ɛMacu 15:12

Ninɔn ne icwam ma ne yɛɛs ɛlɔ ɛYɛso gha nibhɛ ne yaak ɛbhɛ, “Ɛ yɛɛ te ibol lɛdee wo kɛ dat niFarisawa na irway ye?”

ɛMacu 16:1

niFarisawa na nɛ niSadukyawa na ne yɛɛs ɛlɔ ɛYɛso gha te nibhɛ phɔwɔ ɛbhɛ, iphɛ ɛlɛy, nibhɛ yaak ɛbhɛ wu te ɛ tɔɔl nyu ɛdɛ ɛkɔn ne kparat de ne iphɛ yaa tɔɔrek wu ɛTaanggbey ɛbhɛ kɛ tom ɛbhɛ ɛtsak.