ɛMacu 3:17 - ɛWee ne ìTsɛm iHywas

¹⁷ iZɔlɔs ne le dak ne irywa wo ihywɛ yɔngɔ, “ɛNgɔn nge gha wo ne nzi sim; n bok irway ihwala ne ɛbhɛ gbom.”

ɛMacu 3:17 ပူးပေါင်းရင်းမြစ်များ

ɛMacu 12:18

“ɛKpuru ngeghaa bɛ ne nggɛ kasa, nzi ne sim ɛbhɛ, nzi phok yɛnɛng ɛbhɛ. Naa sit ɛbhɛ ne ikabyik nge, aa ne tɔng ɛzay ya ibol ne iphɔrɔt de.

ɛMacu 17:5

Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

ɛMarakus 1:11

iZɔlɔs ne ji le daa ne irywa wo ihywɛ boote ne ɛYɛso gha ihywɛ yaak ɛbhɛ, “iGyɛ ɛ soyɛ ɛNgɔn nge ne nzi sim. Ne n bok irway ihwala ne igyɛ gbom.”

ɛMarakus 9:7

iNɔp ne shii yɛɛs iphɛ cwaal niYɛso yena, ne ji phok idɛ izɔlɔs de kɛ yaa bol nɛ ndɔ yɛ ihywɛ bo, “ɛNgɔn ngeghaa wo ɛhaa ne n nzi sim ɛbhɛ, roos ɛn ibol ɛbhɛ de.”

ɛLuka 3:22

iKabyik ɛTaanggbey ne iphɛ so te ihywiyhwaa, ne tɔm iphɛ soos daa ɛYɛso gha. iZɔlɔs ne le daa ne irywa wo, ihywɛ boote, ihywɛ yɔngɔ, “iGyɛ ɛ so ɛngɔn nge ne nzi sim, nzi ne phok yɛnɛng mo.”

ɛLuka 9:35

iZɔlɔs ne ji le ndɔ ne inɔp be, ihywɛ yɔngɔ, “ɛNgɔn nge gha wo, ɛhaa ne nggɛ kasa, phok ɛn ɛbhɛ.”

ɛYohana 5:20

Daa ɛli ne ɛKyɛɛ gha i sim ɛNgɔn na, ɛɛ ne tɔɔsel ɛbhɛ nikɔn na gbik ne ɛ mɔn no. Aa ma yung tɔɔsel ɛbhɛ igbaang nikɔn nɛ nibhɛ phyin ninaa wo, te ɛ yaang ɛn ɛkɔn ne kparat.

ɛYohana 5:37

Ɛbhɛ ɛKyɛɛ nge gha, ne ito ɛbhɛ, ɛbhɛ kɛ tom me wo, ɛ kɛ ne ma tɔng ihywee ɛnyi gha ne nzo wo. Sɔng ɛ kɛ ku phok ɛn izɔlɔs ɛbhɛ nang, sɔng ɛ kɛ ne ku yaang ɛn ɛli ne ɛ so nang,

iFisus 1:6

Ɛ kɛ mɔn ɛlɛ wo te njwɛɛn dɛp ito-ndiinday ne izɛɛng ɛbhɛ ne ɛ kɛ nang njwɛɛn walala lenɛ ne ɛNgɔn ɛbhɛ ne ɛ sim.

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

2 ɛBiturus 1:17

Njwi kaa sonɛ nten de ne ɛ kaa say ndiinday de ne igbom be ɛlɔ ɛTaanggbey ya ne ɛ so ɛTaa gha, nten de ne izɔlɔs ɛTaanggbey de ne ihywɛ shɛs ne igbom be kaa boote wo, ihywɛ yɔngɔ, “ɛNgɔn ngeghaa wo ne nzi sim ɛbhɛ gbom, ɛbhɛ ne n bok irway ihwala ne ɛbhɛ.”

1 ɛYohana 5:9

Njwɛɛn i say ishɛɛda ne niten nisii, ishɛɛda ɛTaanggbey de ne phyin idee niten nisii de gbom, daa ɛli ne iphɛ soye ishɛɛda ɛTaanggbey, idee ne ɛ kɛ nang daa ɛNgɔn ɛbhɛ.

Nikɔn ne kɛ Phaal 14:2

Ne n phok izok i le daa ne irywa te izok inɛn ne ivovoo, ne izok ɛlɔ ne wunga. iZok ge ne nggɛ phok ko ne so te izok ne ᐩnzom ɛkyee nɛ ninyi i rom.