Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ɛMacu 3:11 - ɛWee ne ìTsɛm iHywas

11 Nzi yaak nyini ne ibatisima de ne inɛn te i tɔɔrek wu ɛ kɛ san ɛn ɛbɔk ka. Ɛdɛ ɛnyi gha ne yaaso, ɛtsim nge ne ɛ phyin me, sɔng nggɛ ma yung hɔn nzɛɛ boos ɛbhɛ ikpikpangat ɛbhɛ nang. Ɛbhɛ ɛ sɛ ne ji yaak nyini ne ibatisima idee ne iKabyik ɛTaanggbey ne igboo.

အခန်းကိုကြည့်ပါ။ ကော်ပီ




ɛMacu 3:11
29 ပူးပေါင်းရင်းမြစ်များ  

ɛYohana gha ne yaak nibhɛ, “Nzi yaak nyini ibatisima de ne inɛn, ɛdɛ ɛnyi gha ne yaaso ne ɛ phyin me. Sɔng nggɛ ma yung hɔn nzɛ biri ɛbhɛ irwik ne ikpikpangat nang. Ɛ sɛ ne yaak nyini ne ibatisima de idee ne iKabyik ɛTaanggbey, gbik ne igboo.


ɛYohana gha kaa Yaak ne iBatisima de ne inɛn, nituk kɛ kɛ ne mak bɔbɔk ne ya yaak nyini ne ibatisima de ne iKabyik ɛTaanggbey.”


ɛTaanggbey ya ne phɔt njwɛɛn, sɔng daa nikɔn nicik ne njwɛɛn kɛ mɔn nang. Kɛ yang lenɛ ne isan iyɔm ɛbhɛ ɛ phɔt njwɛɛn no lenɛ ne ikabyik ɛTaanggbey de ne iphɛ kɛ kuus njwɛɛn, iphɛ nang njwɛɛn iyɛk ifas, iphɛ ta i tes njwɛɛn niphas sɛ.


Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.


Nibhɛ ne i tɔng ɛfɔt nibhɛ wo, ɛYohana gha ne yaak nibhɛ ne ibatisima de ndɔ ne iHywel ne iWurudun no.


ɛBulus sa ne yaak nibhɛ, “ɛYohana gha kaa yaak ninyi na nɛ nibhɛ kɛ san ɛbɔk ne ibatisima de. Ne ɛ ji yaak ninyi na wu tɛ nibhɛ nang ne itin nɛ ne ɛdɛ ɛnyi gha ne ɛ yaaso ɛtsim ɛbhɛ, kaabi ɛ bo wu ɛYɛso.”


Ɛ sɛ ne ho ɛyisɛ ɛDaray ya, ɛ mɔn ɛtomɛ ɛbhɛ gha ne ihwet gbik ne ndiinday te ɛNɛbi ɛLiya, ɛ byinki nikyɛɛ nɛ ninɔn nibhɛ, nibhɛ yaa shɛɛ ncaang. Ɛ sɛ ne te ninaa ne sang roos ne hywɛɛ, nibhɛ yɛk icwas iywɛnɛng. Ɛ sɛ ne ryɔng ɛDaray yegha ninyi ɛbhɛ na.”


Ɛbhɛ ne nggaa bol ibol ɛbhɛ de ɛli ne nggaa yɔngɔ, ‘ɛDɛ ɛnyi gha yaaso ne ɛ phyin me, daa ɛli ne ɛ ku sonɛ ɛli ne tang yɛk me.’


iPhɛ ɛlɛy yang, ɛYohana gha kaa ne i shɛɛ ndɔ ɛhay, ɛɛ yaak ninyi na ne ibatisima de, ɛ ta tɔng nibhɛ ibol ɛTaanggbey de ɛɛ bok nibhɛ wu tɛ nibhɛ tek ɛfɔt nibhɛ te yɛk nyini ne ibatisima te ɛTaanggbey hana nibhɛ ne ɛfɔt nibhɛ.


Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.


ɛLɛy ne nyinɛn ninɔn niphas sa, roos ɛn ibol ninu ne ikɔɔn de. Gbik mon no, te ɛrɔngɔ laasek ito ɛbhɛ ɛnu ɛyisɛ ɛgwaa ɛbhɛ daa ɛli ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya mbaray ninyi na nibhɛ tɔɔsek ito de, ne ɛ ji mɔn ninaa nɛ nibhɛ kɛ laasek ito de iyɛnɛng.”


ɛYohana kaa ne tɔng ninyi na ibol ɛbhɛ. Ɛ kaa tɔɔk izɔlɔs, ɛ yɔngɔ, “ɛNyi yeghaa bɛ ne nggaa bol ibol ɛbhɛ de ɛli ne ngga yɔngɔ, ‘Ɛ sɛ yɛɛs ɛtsim nge, gbik ne iphɛ ɛlɛy ne ɛ phyin me, daa ɛli ne ɛ ku sonɛ ɛyisɛ nge.’ ”


ɛYohana gha kaa phɛ ndɔ nigarang nga nɛ nibhɛ tes iHywel ne iWurudun no gyɔɔ wo, ɛɛ tɔng ninyi na ibol ɛTaanggbey de, ɛ bok nibhɛ, “Tek ɛfɔt mon no ɛ san ɛn ɛbɔk, te ne yaak nyini ne ibatisima de, ɛTaanggbey ya yaa ne han nyini ne ɛfɔt mon no.”


Ne sɛ nibhɛ ma tɔɔ hyel lo nibhɛ ne sɛ irong inɛn, ɛgbaang ɛnyi wo ne yɔngɔ, “Yaang, inɛn daa nggyɛ ɛyakɔn ɛbhɛ yaa ne ring ne yɛk me ne ibatisima dee?”


Ɛnyi gha ne yɛk ɛkyɛkyɛ ne inantse gha nɛ ɛ kyinak, nibhɛ ne tɔm ndɔ inɛn da. ɛFilibus sa ne bhɛ yɛk ɛbhɛ ne ibatisima de.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ