ɛMacu 28:9 - ɛWee ne ìTsɛm iHywas

⁹ ɛYɛso gha ne kyi shii sɛme nɛ nibhɛ, ne ɛ yaak nibhɛ, “Nggɛ kyili nyini!” Nibhɛ ne yɛɛs nibhɛ bungaret ne ita ɛYɛso de nibhɛ kumure ita yɛ, nibhɛ re ɛbhɛ ntsong.

ɛMacu 28:9 ပူးပေါင်းရင်းမြစ်များ

ɛMacu 28:17

Ne sɛ nibhɛ kɛ yaang ɛYɛso yegha nibhɛ ne re ɛbhɛ ntsong, ɛbyin nibhɛ ne jung ngee to irway.

ɛMacu 14:33

Ninaa nɛ nibhɛ so ndɔ ne ikparak ko, ne re ɛYɛso yegha ntsong, nibhɛ bo: “iTin nɛ, igyɛ soyɛ ɛNgɔn ɛTaanggbey ya.”

ɛYohana 20:28

ɛToma gha ne boote ne ɛYɛso gha ɛ yɔngɔ, “ɛDaray nge, ɛTaanggbey nge.”

ɛLuka 24:52

Nibhɛ ne re ɛbhɛ ntsong nibhɛ ji kyii nibhɛ phɛ ne iYɛrushɛlɛm be ne irway ihwala gbom.

ɛYohana 12:3

ɛMɛri gha ne ji bo ngguk ne ikum inɔɔy ne mpɛ bok ijam gbom ne kɛ ryɔng mpɛ ne idɛ ibee de ne i bok iphɛ inat, sɔng kɛ kyɛrɛ mpɛ ne ɛkɔn nang, ɛ sit ɛYɛso yegha nɛ ne ita. Ɛ ji bo itsotso ne ito ɛbhɛ ɛ yis ne ita ɛYɛso de. iJwee wo ne ku teye ngkɔp inɔɔy da gbik.

ɛLuka 7:38

Ne ɛ kyinak ɛtsim ɛYɛso gha, cɛcɛk ne ɛbhɛ, ɛ san, nyilis ɛbhɛ na ne jii sirit re ne ita ɛYɛso de. Ne ɛ ji bo itsotso ne ito ɛbhɛ ɛ yis nɛ niyilis na. Ɛ ji ho ne irwa-nggburuk ne ita ɛYɛso de, ɛ wum iphɛ hap ɛ sit iphɛ ne nɔɔy ba.

Nikɔn ne kɛ Phaal 3:9

Ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ninaa ne irywɛɛk, ɛguu ninyi ɛShɛtan. Nzi tɔng ngɛ, naa ne yɛk nibhɛ nɛ nibhɛ yɛɛs nibhɛ ho yɛ ne iphanta. Nibhɛ yaa ne ji seng wu nzi sim-mɛ.

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

ɛYohana 20:19

Kɛ ne sɛ irwirywɛ ɛtuk iLaadi gha, ninɔn ne icwam ma kaa ne so ɛlɔ ɛdaan nibhɛ kɛ cwamas en ndɔ ne izuk, daa ɛli nɛ nibhɛ phok ɛnik niYahodawa na, ɛYɛso gha ne yɛɛs ɛbhɛ kyinak ɛceree nibhɛ ɛ ji yɔngɔ, “Te irway ne laal shɛɛ ne nyinɛn!”

ɛLuka 1:28

ɛMalɛka gha ne phɛ ɛlɔ ɛMɛri gha, ne ɛbhɛ yaak ɛbhɛ, “Nggɛ kyili yɛ, ɛDaray ne ta so ne igyɛ. iYɛnɛng ɛbhɛ de ne so gbom daa ne ito mo de.”

ɛMacu 23:7

Nibhɛ i ne ta sim te sɛɛ kyiisi nibhɛ cɛcɛɛy ndɔ nitungga, te ta yeres nibhɛ ‘niKyɛɛ ne iCwam.’

ɛMacu 28:8

Nikuk ka ne shii bo nikɔn dodooy ɛlɔ ne ikpuu gha ne ɛnik, ne ɛgbaang ne irway ihwala, nibhɛ tel nibhɛ bhɛ mɔng ninɔn ne icwam ma.

ɛMacu 28:10

ɛYɛso gha ne yaak nibhɛ, “Sɔng ɛ phok ɛn ɛnik kang, cwi ɛbhɛ yaak ɛn nigwaa nge na te nibhɛ phɛ ne iGalili, ne iGalili de nɛ nibhɛ yaa bhɛ yaang me nɛ.”